Kaca:Bali-lontar-gaguritan-purwa-karma-300ppi.pdf/3

Saking Wikisource
Kaca puniki sampun kauji-wacén

[᭒ 2B]
᭞᭒᭞
ᬓᬢ᭄ᬯᬤᬳᬾᬩᬾᬬᬦᬶᬦ᭄᭞ᬢ᭄ᬯᬭᬢᬳᬸ᭞ᬧᬶᬢ᭄ᬭᬦᬾᬳᬗ᭄ᬕᬾᬦ᭄ᬲᬫ᭄ᬩᬶᬮᬦ᭄᭟ᬦᬗ᭄ᬓᬶᬮ᭄ᬗᬢᬸᬭᬂᬤᬓ᭄ᬱᬶᬡ᭞ᬗᬚᬓ᭄ᬲᭀᬫᬄᬧ᭄ᬬᬦᬓ᭄ᬘᭂᬭᬶᬓ᭄᭞ᬫᬢᬶᬫ᭄ᬧᬸᬄᬫᬦᬸᬦᬲ᭄ᬳᬶᬘ᭄ᬙ᭞ᬳᬢᬸ
ᬭᬾᬳᬫᭂᬮᬲ᭄ᬳᬲᬶᬄ᭞ᬳᬦᬓ᭄ᬲᬶᬂᬳᬤᬤᬤᬶ᭞ᬢᬦ᭄ᬲᬶᬤ᭄ᬟᬢᬦ᭄ᬧᬲᬲᬦ᭄ᬢᬸᬦ᭄᭞ᬬᬦ᭄ᬢᬓ᭄ᬲᬓᬶᬂᬦᬸᬕ᭄ᬭᬳ᭞ᬲᬧᬮᬫᬗᬸᬦ᭄ᬢᬂᬳᬦ᭄ᬢᬶᬂ᭞ᬤᬶᬬᬤᬶᬬᬸ᭞ᬢᬸᬫᬶᬢᬶᬲᬦᬾᬕᬯᬾᬦᬂ᭟ᬓ᭄ᬭᬡᬦᬾ
ᬚᬦᬶᬧᬢᬸᬢᬂ᭞ᬢᬶᬗ᭄ᬓᬳᬾᬧᬘᬂᬩᬾᬬᬦᬶᬦ᭄᭞ᬢᬷᬣᬦᬾᬲᭂᬤᭂᬂᬩᬸᬯᬢᬂ᭞ᬓᬚᬂᬤᬤ᭄ᬬᬂᬳᬩᭂᬲᬶᬓ᭄᭞ᬧᬤᬬᬂᬩᬵᬦ᭄ᬫᬃᬕ᭄ᬕᬶ᭞ᬦᬷᬱ᭄ᬝᬦ᭄ᬜᬦᬾᬧᬶᬢᬸᬂᬗᬢᬸᬲ᭄᭞ᬧᭂᬢᬂᬢᬮᬶᬦᬾᬳ
ᬫᬤ᭄ᬬ᭞ᬳᬸᬢ᭄ᬢᬫᬦ᭄ᬜᬓᬸᬢᬸᬲ᭄ᬢᬮᬶ᭞ᬲᬸᬩᬫᬵᬦᬸᬢ᭄᭞ᬳᬸᬢ᭄ᬢᬫᬦ᭄ᬰᬵᬲ᭄ᬢ᭄ᬭᬦᬾᬰᬸᬤ᭄ᬭ᭟ᬧᭂᬢᬂᬢᬮᬶᬳᬗ᭄ᬕᬾᬦ᭄ᬦᬷᬱ᭄ᬝ᭞ᬫᬤ᭄ᬬᬦ᭄ᬜᬦᬾᬓᬸᬢᬸᬲ᭄ᬢᬮᬶ᭞ᬳᬸᬢ᭄ᬢᬫᬦ᭄ᬜᬦᬾᬦᭂᬫ᭄ᬩᭂᬮᬲ᭄᭞ᬭᬯᬸ
[᭓ 3A]
ᬳᬶᬂᬫᬸᬗ᭄ᬕᬄᬧᬭᬶᬧᬶᬄ᭞ᬗ᭄ᬳᬶᬂᬤᬤᭀᬲ᭄ᬫᬮᬶᬄᬩᬕᬶ᭞ᬓᬾᬯᬮᬲᬸᬩᬫᬵᬦᬹᬢ᭄᭞ᬤᬓ᭄ᬱᬶᬡᬫᬗ᭄ᬤᬾᬲᬸᬧᬢ᭄᭞ᬤᬸᬫᬤᬶᬢᬸᬤᬸᬳᬶᬂᬳᬚᬶ᭞ᬳᬧᬦ᭄ᬫᭂᬢᬸ᭞ᬲᬓᬶᬂᬳᬚ᭄ᬜᬦᬦᬷᬃᬫ᭄ᬫᬮ᭟ᬤᭀᬂᬯᬤᬳᬾ
ᬫᬗ᭄ᬤᬾᬲᬸᬧᬢ᭄᭞ᬧᬢᬸᬮᬸᬗᬦᬾᬫᬓᬤᬶ᭞ᬫᬧᬶᬦ᭄ᬤᬫᬧ᭄ᬮᬕᬾᬦ᭄ᬤᬄ᭞ᬕᬚᬄᬫᬶᬡᬩᬯᬶᬲᬺᬗ᭄ᬕᬶ᭞ᬓᬵᬂᬲᬶᬗᬦᬾᬫᬓᬤᬶ᭞ᬚᬮᬦᬾᬓᬲᬸᬮᬮᬩᬸᬄ᭞ᬗᬸᬮᬄᬳᬾᬗ᭄ᬕᬮ᭄ᬫᬚᬮᬦ᭄᭞ᬫᬧ
ᬗᭂᬦᬦ᭄ᬩᬸᬓᬚᬦᬶ᭞ᬲᬮᬄᬤᬸᬦᬸᬂ᭞ᬧᬶᬢ᭄ᬭᬦᬾᬤᬤᬶᬢᬸᬫᬦ᭄ᬤᬂ᭟ᬩᬲ᭄ᬦᭀᬕ᭄ᬢᭀᬕᬂᬳᬶᬲᬶᬦ᭄ᬳᬸᬫᬄ᭞ᬗᬯᬾᬯᬤᬄᬳᬧᬂᬩᭂᬘᬶᬓ᭄᭞ᬫᬲᬶᬫ᭄ᬩᬃᬫᬧᬧᬮᬶᬳᬦ᭄᭞ᬫᬢᬤᬄᬳᬮᬲ᭄ᬫᬭᬶᬂᬭᬶᬂ᭞
ᬫᬳᬸᬜ᭄ᬘᬮ᭄ᬳᬸᬜ᭄ᬘᬮ᭄ᬓᬓᬶᬢᬶᬃ᭞ᬫᬧᬺᬲ᭄ᬩᬵᬦ᭄ᬫᬢᬸᬭᬸᬢ᭄᭞ᬫᬗ᭄ᬕᭀᬲᬃᬯ᭄ᬯᬲᬸᬢ᭄ᬭ᭞ᬕᬕᭂᬦ᭄ᬤᬾᬭᬦᬾᬫᬗ᭄ᬭᬶᬦᬶᬂ᭞ᬧᬩ᭄ᬬᬬᬸᬢ᭄᭞ᬫᭂᬦᬾᬓᬂᬤᬮᬂᬫᬫᬜ᭄ᬚᬂ᭟ᬩᭂᬘᬶᬓᬂᬳᬸᬕᬶᬫᬫᬃᬕ᭄ᬕ᭞