[᭔᭙ 49B]
᭔᭙
ᬫᬗ᭄ᬓᬶᬦ᭄ᬭᬶᬂᬭᬳᬶᬦ᭞ᬗᬯᬶᬢᬶᬦ᭄ᬫᬸᬚᬵᬯᬮᬶ᭞ᬗᬢᬸᬭᬂᬧᭀᬤᬮᬦ᭄᭞ᬫ᭄ᬦᬶᬮᬶᬓᬯᬾᬦ᭄ᬢᭂᬦᬦ᭄᭞ᬯᬮᬸᬬᬲ᭄ᬓᬤᬶᬫᬗ᭄ᬓᬶᬦ᭄᭞ᬮᬭᬶᬲ᭄ᬢ᭄ᬯᬭᬓᬶᬭ᭞ᬮᬩ᭄ᬥᬲᬸᬓᬃᬬ᭄ᬬᬦᬶᬂᬳᬰ᭄ᬭᬶ᭟ᬍᬩᭂᬂᬳᬾᬦ᭄ᬤᬄᬢ᭄ᬭᬶᬧ᭄ᬢᬶᬦᬶᬂᬓᬢᭀᬦ᭄ᬢᬦ᭄ᬓᬸᬭᬂ᭞ᬢᭂ
ᬗ᭄ᬭᬶᬂᬲ᭄ᬯᬾᬘ᭄ᬙᬦᬶᬂᬯᬶᬥᬷ᭞ᬮᬦᬹᬲ᭄ᬢᬦ᭄ᬧᬶᬳᬮᬂ᭞ᬲᬶᬤᬦᬶᬂᬲᬶᬂᬲᬶᬦᬥ᭄ᬬᬦ᭄᭞ᬯᬲᬡᬦ᭄ᬧᬫᬼᬗᬾᬲᬸᬘᬶ᭞ᬦᬸᬗ᭄ᬕᬶᬮ᭄ᬢᬦ᭄ᬋᬜ᭄ᬚᬡ᭞ᬗ᭄ᬕᬶᬮᬶᬲ᭄ᬦᬶᬃᬫᬮᬾᬗᬢᬶ᭟ᬦᬾᬗᬯᬶᬦᬂᬓᬤᬸᬤᬹᬢ᭄ᬯᬶᬫᬦᬄᬢᬶᬢ᭄ᬬᬂ᭞ᬜ᭄ᬚᬕ᭄ᬭᬬᬂᬲᬂᬳᬹ᭠
ᬲ᭄ᬢᬗᬶ᭞ᬧᬸᬭᬸᬦ᭄ᬫᬢ᭄ᬯᬶᬮᬶᬗᬂ᭞ᬭᬶᬲᬂᬲᬸᬭᬬᬾᬂᬩ᭄ᬭᬢ᭄ᬢ᭞ᬫ᭄ᬩ᭄ᬯᬢᬂᬅᬕᬫᬯᬷᬥᬷ᭞ᬭᬶᬲᬂᬓ᭄ᬭᬫᬧᬸᬭᬵ᭞ᬫᬓᬤᬶᬳᬚᭂᬂᬧᬦᬶᬣᬶ᭟ᬰᬾᬓ᭄ᬭᬢᬭᬶᬲ᭄ᬘᬶᬢ᭄ᬭᬰᬩᭂᬦ᭄ᬤᬭᬫ᭄ᬯᬄ᭞ᬮᬯᬹᬤ᭄ᬧᬭᬗ᭄ᬕᭀᬣᬲᬫᬶ᭞ᬤᬸᬫᬤᬓ᭄ᬗᬾᬮᬶᬗᬂ᭞ᬭᬶᬂ
ᬓᬍᬲᭀᬦᬾᬗᬃᬬ᭄ᬬ᭞ᬦᬾᬢᬦ᭄ᬗᬾᬢᬂᬲ᭄ᬬᬂᬭᬢ᭄ᬭᬶ᭞ᬫ᭄ᬯᬂᬗᬃᬢ᭄ᬣᬧᬦ᭄ᬮᬲ᭄᭞ᬓᬦ᭄ᬢᭀᬲ᭄ᬧᬸᬧᬸᬢ᭄ᬓᬤᬶᬫᬗ᭄ᬓᬶᬦ᭄᭟ᬫᬤᬹᬃᬖ᭄ᬕᬫᬯ᭄ᬓᬲᬸᬮᬶᬢ᭄ᬫᬗ᭄ᬯᬇᬦᬂ᭞ᬦᬾᬫᬭᬸᬧᬧᬸᬧᬸᬢ᭄ᬫᬗ᭄ᬓᬶᬦ᭄᭞ᬳᬗ᭄ᬳᬶᬂᬓᬯ᭄ᬬᬓ᭄ᬢ᭄ᬬᬜ᭞ᬩᬗᭂᬢ᭄ᬲᬸᬯᬶᬢ
[᭕᭐ 50A]
ᬦ᭄ᬫ᭄ᬬᬭᬵ᭞ᬫᬫᬭᬶᬯᬺᬣᬫᬦᬶᬣᬶ᭞ᬫᬫᬳᬬᬸᬜᬩ᭄ᬭᬦ᭄᭞ᬜᬫ᭄ᬧᬢ᭄ᬫᬜᬧᬸᬄᬫ᭄ᬩᬺᬱᬶᬳᬶᬦ᭄᭟ᬜᬩᬸᬢ᭄ᬧᬥᬂᬢᬭᬹᬦᬾᬧᬘᬂᬫᬗ᭄ᬭᬸᬲᬓ᭄᭞ᬦᬾᬓ᭄ᬧᬾᬄᬕ᭄ᬮᬶᬲ᭄ᬢᬫ᭄ᬩᭂᬮᬶᬦ᭄᭞ᬫ᭄ᬯᬂᬲᬮ᭄ᬯᬶᬭᬜ᭞ᬧᬳᬬᬸᬫᬗ᭄ᬥᬵᬲᬶᬤ᭄ᬥ᭞ᬢᭂᬢᭂ
ᬧ᭄ᬭᬸᬧᬡ᭄ᬢᬶᬓ᭄ᬮᬫᬶ᭞ᬲᬫ᭄ᬧᬹᬦ᭄ᬫᬗᬫ᭄ᬧᬳᬂ᭞ᬏᬫᬦ᭄ᬍᬲᬸᬦᬾᬗᬃᬬ᭄ᬬᬦᬶᬦ᭄᭟ᬬᬦ᭄ᬓᬤᬦᬸᬦᬲᬋᬂᬲᬫ᭄ᬬᬾ᭠ᬮᬶᬗᬂ᭞ᬧᬶᬢᬸᬢᬸᬃᬲᬂᬳ᭄ᬬᬂᬰᬓ᭄ᬭᬶᬭᬶᬂᬲᬗᬃᬚᬸᬦ᭞ᬫᬸᬗ᭄ᬕ᭄ᬯᬶᬂᬓᬯᬶᬯᬶᬯᬳᬵ᭞ᬳᬗ᭄ᬳᬶᬂᬕᭂᬂᬗᬫ᭄ᬧᬹᬭᬵᬢ᭄ᬯᬶ᭞ᬮᬶᬃᬧᬓ᭄ᬱᬶᬓ᭄ᬘᬶᬬ
ᬮ᭄᭞ᬫᬰ᭄ᬯᬭᬕ᭄ᬭᬸᬥᬕᭂᬂᬮ᭄ᬯᬶᬄ᭟ᬫᬗ᭄ᬥᬲᬫ᭄ᬧᬸᬦ᭄ᬢᬸᬮᬄᬧᬸᬭᬸᬦ᭄ᬓᬤᬶᬘ᭄ᬦᬧ᭄᭞ᬦᬶᬭᬸᬧᬓᬃᬥᬶᬮ᭄ᬯᬶᬄ᭞ᬲᬂᬳᬸᬲ᭄ᬬᭀᬕᬶᬰᬭᬵ᭞ᬫ᭄ᬧᬹᬓᬦ᭄ᬯᬳᬹᬲ᭄ᬫᬳᬦ᭄᭞ᬯᬮᬶᬓ᭄ᬫᬸᬕᬶᬓᬤᬸᬮᬸᬭᬶᬦ᭄᭞ᬳᬶᬗ᭄ᬕᬶᬄᬧᬶᬤᬕᬶᬗᬦ᭄᭞ᬓᬤᬶᬯᬶᬸᬯᬶᬭᬢ᭄ᬲᭀᬃᬧᬸ
ᬦᬶᬓᬶ᭟᭜᭟᭛ᬮ᭄ᬯᬵᬫ᭄ᬩᭂᬓ᭄ᬢᬵᬦᬓᬸᬳᬬ᭄ᬯᬢᬗ᭄ᬯᬗᬲᬮᬶᬦ᭄ᬫᬦᬳᬶᬢ᭄ᬓᬦᬶᬓᬂᬳᬦᬸᬕ᭄ᬭᬳ᭞ᬓᬵᬤ᭄ᬬᬵᬫ᭄ᬩᭂᬓ᭄ᬢᬭᬶᬓᬦ᭄ᬲ᭄ᬥᭂᬂᬢᬧᬚᬸᬕᬫ᭄ᬩᭂᬓᬦᬢᬦᬮᬸᬧᬭᬶᬂᬲᬫᬄᬳᬶᬢ᭞ᬲᬂᬬᭀᬕᬶᬰ᭄ᬯᬭᬢᭀᬯᬂᬢᬸᬫᭂᬫᬸ᭠
Kaca:Bali-lontar-gaguritan-pura-dalem-abyantubuh-300ppi.pdf/50
Kaca puniki sampun kauji-wacén
