[᭔᭘ 48B]
᭔᭘
ᬪᬵ᭞ᬓᬤᬶᬤᬕᬂᬗᬮᬶᬄᬩᬢᬶ᭞ᬫᬦᬸᬫ᭄ᬩᬸᬓᬶᬦ᭄ᬤᬾᬯ᭞ᬫᬫᬜ᭄ᬘᬶᬗᬶᬦ᭄ᬲ᭄ᬯᬾᬘ᭄ᬙᬦ᭄ᬯᬶᬥᬶ᭟ᬮᬦ᭄ᬥᬸᬄᬳᬦ᭄ᬢᬸᬓ᭄ᬩᬦ᭄ᬢᭂᬦ᭄ᬕᬸᬮᬶᬂᬬᬤᬶᬦ᭄ᬫᬶᬱ᭞ᬧᬶᬦᬸᬦᬲᬾᬦ᭄ᬤᬰᬩᬕᬶ᭞ᬦᬶᬓᬩᬗᭂᬢ᭄ᬳᬶᬯᬂ᭞ᬢᬦ᭄ᬤᬢᬦ᭄ᬢᬸᬮᬸᬲ᭄ᬢ᭄ᬬᬕᬵ᭞ᬓᬶ
ᬭᬂᬧ᭄ᬭᬘᬬᬭᬶᬂᬯᬶᬥᬶ᭞ᬦᬾᬯ᭄ᬯᬶᬢ᭄ᬓ᭄ᬭᬢᬚ᭄ᬜᬡ᭞ᬳᬤᬶᬮ᭄ᬢᬦ᭄ᬧᬧᬶᬮᬶᬄᬳᬰᬶᬄ᭟ᬢ᭄ᬯᬭᬓᬦ᭄ᬢᭀᬲ᭄ᬳᬶᬭᬕᬧᬘᬂᬫᬦᬸᬦᬲ᭄᭞ᬗᬚᬳᬶᬦ᭄ᬲᬂᬜ᭄ᬯᬾᬘᬳᬶᬦ᭄᭞ᬬᬦ᭄ᬲᬫ᭄ᬧᬸᬦ᭄ᬧᬶᬗᬦᬦ᭄᭞ᬧᬸᬭᬓᬺᬢ᭄ᬢᬦᬶᬂᬳᬯᬓ᭄᭞ᬢ᭄ᬯ᭠
ᬭᬤ᭄ᬥᬵᬓᬦ᭄ᬢᬶᬳᬚᬳᬶᬦ᭄᭞ᬳ᭄ᬬᬂᬯᬶᬥᬶᬦᬾᬲ᭄ᬯᬾᬘ᭄ᬙ᭞ᬓᬾᬦ᭄ᬳᬶᬭᬕᬓᬢᬶᬩᬦᬶᬦ᭄᭟ᬫᬗ᭄ᬓᬶᬦᬸᬦᬲ᭄ᬲᬋᬂᬲᬋᬂᬢ᭄ᬯᬶᬧᬶᬦᭂᬳᬂ᭞ᬧᬸᬧᬸᬢᬾᬓᬤᬶᬫᬗ᭄ᬓᬶᬦ᭄᭞ᬬᬦ᭄ᬢᭂᬓᬭᬲᬬᬂ᭞ᬩᭀᬬᬲᬓᬾᬂᬜᬸᬫ᭄ᬩᬸᬗᬂ᭞ᬫᬫᬸᬚᬵᬫᬸ
ᬚᬵᬫᬫᬸᬚᬶ᭞ᬯ᭄ᬓᬲ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬫᬗᬬᬸᬩᬕ᭄ᬬᬭᬶᬂᬳᬢᬶ᭟ᬭᬶᬂᬧᬫ᭄ᬭᬶᬳᬶᬂᬧᬦᬶᬣ᭄ᬬᬩ᭄ᬯᬢ᭄ᬦᬗᬸᬦ᭄ᬧᬸᬭ᭞ᬤᬍᬫ᭄ᬘᬸᬗ᭄ᬓᬸᬩ᭄ᬧ᭄ᬭᬚ᭄ᬚᬧᬢᬶ᭞ᬧᬸᬧᬸᬢ᭄ᬯᬭᬓᬶᬭᬂ᭞ᬢᬾᬫ᭄ᬩᭀᬓ᭄ᬘᬦ᭄ᬤᬶᬧ᭄ᬬᬲᬦ᭄᭞ᬩᬮᬾᬧᬮᬶᬬᬗᬦ᭄ᬘᬯᬶᬲ᭄᭞᭠
[᭔᭙ 49A]
ᬪᬹᬓ᭄ᬢᬶᬢᬼᬫᬕᬫ᭞ᬢᬶᬮᬶᬗᬶᬂᬧᬜ᭄ᬘᬰ᭄ᬭᬤ᭄ᬥᬦᬶ᭟ᬦᬾᬫᬳᬃᬣᬶᬧ᭄ᬭᬘᬬᬭᬶᬂᬯᬶᬥᬶᬯᬰ᭞ᬓᬮᬶᬄᬭᬶᬂ᭠ᬲᬂᬳ᭄ᬬᬂᬚᬶᬯᬵᬢ᭄ᬫᬶ᭞ᬢᬶᬕᬧᬹᬦᬃᬪᬯ᭞ᬓᬧᬢ᭄ᬭᬶᬂᬨᬮᬓᬃᬫ᭄ᬫ᭞ᬓᬮᬶᬫᬫᭀᬓ᭄ᬱᬓᬗ᭄ᬮᬶᬘᬶᬦ᭄᭞ᬫᬶᬰ᭄ᬭᬦᬶᬂᬦᬶᬃᬪᬦᬵ
ᬘᬶᬡ᭄ᬝᬶ᭟ᬦᬾᬫᬤᬲᬃᬢᬶᬕᬧ᭄ᬭᬫᬦᬫᭀᬓ᭄ᬲᬃᬢᬫ᭄᭞ᬚᬕᬢ᭄ᬳᬶᬢᬦᬶᬂᬥᬃᬫ᭄ᬫᬶ᭞ᬦᬾᬫᬳᬃᬣᬶᬯᬦ᭄ᬢᬄ᭞ᬬᬦᬶᬂᬫᬦᬸᬚᬸᬫᭀᬓ᭄ᬱ᭞ᬫᬗ᭄ᬕᬯᬾᬮᬡ᭄ᬥᬸᬄᬦᬶᬂᬪ᭄ᬯᬦᬶ᭞ᬓᬺᬢ᭄ᬢᬭᬄᬳᬃᬚᬾᬂᬚᬕᬢ᭄᭞ᬰᬭᬡᬥᬃᬫ᭄ᬫᬦᬶᬂᬳᬢᬶ᭟
ᬲᬸᬮᬓ᭄ᬱᬡᬗᬫᭀᬂᬇᬡ᭄ᬥᬸᬯᬮᬶᬓ᭄ᬭᬫ᭞ᬘᬭᬲᬸᬘᬶᬮᬲᬸᬘᬶ᭞ᬫᬩᬦ᭄ᬢᭂᬦ᭄ᬫᬢᬸᬭᬦ᭄᭞ᬦᬸᬮᬸᬲᬾᬂᬪᬓ᭄ᬢᬶᬢ᭄ᬬᬕ᭞ᬢᬦ᭄ᬧᬗᬾᬢᬂᬧᬦᬲ᭄ᬳ᭄ᬢᬶᬲ᭄᭞ᬍᬲᬸᬮᬸᬮᬸᬄᬗ᭄ᬕᬭᬧ᭄᭞ᬩ᭄ᬭᬶᬬᬸᬓ᭄ᬲᬧᬗ᭄ᬕᬸᬮ᭄ᬦᬸᬗ᭄ᬕᬶᬮ᭄᭟ᬓᬦ᭄ᬢᭀᬲ᭄ᬧᬸᬧᬸ
ᬢ᭄ᬲᬗ᭄ᬓᬦᬶᬂᬜᬶᬤᬬᬂᬫ᭄ᬮᬲ᭄ᬧᬲ᭄᭞ᬪᬹᬓ᭄ᬤᬶᬦᬯ᭄ᬭᬲ᭄ᬧᬢᬶ᭞ᬯᬕᬾᬫᬥᬗ᭄ᬓᬸᬗᬦ᭄᭞ᬧᬶᬂᬫ᭄ᬧᬵᬢ᭄ᬢᬗ᭄ᬕᬮ᭄ᬯᬾᬰᬓ᭞ᬭᬄᬢᬸᬗ᭄ᬕᬮ᭄ᬢᭂᬗ᭄ᬕᭂᬓ᭄ᬦᬯᬵᬫᬶ᭞ᬇᬰᬓᬲ᭄ᬬᬸᬤᭀᬫᬲ᭄᭞ᬲᬗ᭄ᬳᬵᬗ᭄ᬤᬰᬦᬗ᭄ᬕᬸᬲᬶᬓᬶ᭟ᬢ᭄ᬫᭂᬲ᭄ᬮᬭᬶᬲ᭄ᬭᬯᬸᬄ
Kaca:Bali-lontar-gaguritan-pura-dalem-abyantubuh-300ppi.pdf/49
Kaca puniki sampun kauji-wacén
