[᭕᭐ 50B]
᭕᭐
ᬗᬱ᭄ᬝᬕᬸᬡᬓᬚ᭄ᬦᭂᬓᬦ᭄ᬧ᭄ᬯᬭᬶᬂᬲᬸᬓ᭞ᬬᬦ᭄ᬢᬫ᭄ᬢᬵᬫᬦᬗᬶᬦ᭄ᬤ᭄ᬭᬶᬬ᭄ᬬᬵᬫᬸᬳᬭᬫᬹᬥᬧᬢᬶᬢᬦᬶᬬᬢᬵᬩᬓᬮ᭄ᬫᬸᬯᬄ᭛ᬅᬓ᭄ᬯᬾᬄᬘᬡ᭄ᬥᬶᬋᬩᬄᬓᬢᭀᬦᬢ᭄ᬓᬧᬶᬂᬯᬭᬶᬗᬶᬦᬣᬯᬪᭀᬥᬶᬬᬫ᭄ᬩᬸᬮᬸ᭞ᬮᬶᬢ᭄ᬬᬵᬮᬵᬬᬦᬶᬓᬵ
ᬦᬬᬦ᭄ᬧᬶᬧᬶᬮᬦᬾᬓᬤᬯᬸᬢᬦᬓᬧᬵᬦᬬᬦ᭄ᬳᬦ᭞ᬳᬷᬗᬦ᭄ᬬᬦ᭄ᬯᬢᬸᬦᭂᬦ᭄ᬢᬶᬓᬂᬫᬤᬯᬶᬫᭀᬳᬢᬸᬫᬸᬯᬸᬳᬶᬫᬦᬄᬢᬲᬧ᭄ᬯᬦᬶ᭞ᬬᬦ᭄ᬢᬫ᭄ᬢᬫ᭄ᬳᬦᬯᬶᬱ᭄ᬝᬶᬬᬦ᭄ᬧᬗᬯᬰᬦ᭄ᬬᬩᬱᬫᬸᬫᬸᬭᬧᬭᬵᬓ᭄ᬭᬫ᭛ᬅᬃᬣᬶᬦᬶ
ᬧᬸᬦ᭄᭟ᬥᬸᬃᬫ᭟ᬢ᭄ᬯᬶᬧᬜ᭄ᬚᬗᬂᬧᬧᬶᬦᭂᬳᬾᬲᬋᬂᬲᬫ᭄ᬬᬦ᭄᭞ᬧᬕᭂᬳᬂᬲᬫ᭄ᬧᬹᬦᬂᬕᬶᬗ᭄ᬰᬶᬃ᭞ᬬᬤᬶᬦ᭄ᬯᬸᬲ᭄ᬓᬲ᭄ᬯᬾᬘ᭄ᬙᬦ᭄᭞ᬲᬶᬤᬫᬗ᭄ᬓᬶᬦ᭄ᬫᬸᬧᬸᬢᬂ᭞ᬲᬫ᭄ᬧᬹᬦᬂᬳᭀᬩᬳᬶᬂᬳᬢᬶ᭞ᬓᬤᬶᬤᬹᬓ᭄ᬫᬜᬶᬧ᭄ᬢᬵ᭞ᬢᬦ᭄ᬮᬮᬶᬗᬃᬘ᭄ᬙᬡᬾᬂᬯᬷᬥᬷ
᭟ᬤᬾᬦᬶᬂᬬᬤᬶᬦ᭄ᬲᬂᬬᭀᬕᬶᬧᬸᬢᬹᬲᬶᬂᬬᭀᬕ᭞ᬢᬲᬓ᭄ᬓᬶᬤᭂᬃᬪ᭄ᬯᬦᬲᬫᬶ᭞ᬦᬶᬗ᭄ᬕᬮᬂᬥᬹᬄᬓᬶᬣ᭞᭠ᬬᬦᬶᬂᬓᬭᬶᬗᬫ᭄ᬧᬳᬂ᭞ᬲᬲᭂᬦᭂᬗᬄᬦᬾᬓᬹᬮᬸᬭᬶᬦ᭄᭞ᬦᬾᬗ᭄ᬕᬯᬾᬓᬢᬹᬦᬦ᭄᭞ᬢᬦ᭄ᬯᬗ᭄ᬤᬾᬧᬹᬦᬄᬫᬯᬮᬶ
[᭕᭑ 51A]
᭟ᬳᬓᬾᬄᬓᬦ᭄ᬢᭂᬦ᭄ᬘᬡ᭄ᬥᬶᬕᭀᬧᬹᬭᬦᬾᬭᬸᬲᬓ᭄᭞ᬳᬹᬕ᭄ᬢᬸᬫ᭄ᬩᬸᬳᬶᬦ᭄ᬩᬳᬶᬗᬶᬦ᭄᭞ᬅᬫ᭄ᬩᬸᬮᬸᬫ᭄ᬯᬄᬅᬜ᭄ᬘᬓ᭄᭞ᬬᬦᬶᬂᬧᬶᬦᭂᬄᬢᬼᬓ᭄ᬢᭂᬓᬂ᭞ᬦᬾᬫᬗ᭄ᬭᬸᬲᬓ᭄ᬤᬳᬢ᭄ᬳᬮᬶᬢ᭄᭞ᬳᬶᬳ᭄ᬯᬄᬩᬶᬗᬶᬦ᭄ᬳᬜ᭄ᬘᬓ᭄᭞ᬬᬾᬦ᭄ᬲᬧᬸᬳᬂᬲᬶᬦᬄᬩᬺᬰᬶᬄ᭠
᭟ᬢᬗᬃᬦᬶᬫ᭄ᬩᬂᬓᬸᬫᬦ᭄ᬤᭂᬮ᭄ᬗᬯᬶᬦᬂᬳᬫ᭄ᬧᬄ᭞ᬦᬶᬓᬵᬦᬶᬢᬶᬲᬧᬸᬳᬶᬦ᭄᭞ᬫ᭄ᬬᬭᬵᬧᬜᬩ᭄ᬭᬦᬦ᭄᭞ᬬᬾᬦᬶᬂ᭠ᬫᬍᬫᬾᬦᬳᬂ᭞ᬢᬦ᭄ᬯᬗ᭄ᬤᬾᬗ᭄ᬭᬸᬲᬓ᭄ᬫᬗ᭄ᬮᬶᬡ᭄ᬥᬶᬄ᭞ᬢᬦ᭄ᬫᬦᬹᬢᬶᬂᬲᭀᬮᬄ᭞ᬫᬸᬪᬹᬭᬂᬧᬭᬓ᭄ᬭᬫᬶ᭟ᬲᬧᬸᬦᬶᬓᬳᬾᬮᬶᬂ
ᬳᬾᬮᬶᬂᬲᬋᬂᬲᬫᬶᬬᬦ᭄᭞ᬲᬂᬓ᭄ᬭᬫᬧᬸᬭᬧᬦᬶᬣᬶ᭞ᬫ᭄ᬬᬭᬵᬲᬫ᭄ᬧᬹᬦᬵᬫ᭄ᬧᬄ᭞ᬫᭀᬳᬵᬓᬬᬸᬦᬾᬤᭀᬳᬂ᭞ᬕ᭄ᬦᬶᬗᬂᬰ᭄ᬭᬸᬱᬦᬾᬪᬓ᭄ᬢᬶ᭞ᬭᬶᬂᬳ᭄ᬬᬂᬯᬶᬥᬶᬯᬰ᭞ᬳᬶᬮᬶᬗᬂᬳᬸᬘᬧᬾᬂᬮ᭄ᬯᬶᬄ᭟ᬦᬾᬓᬯᬸᬜ᭄ᬘᬃᬳᭀᬮᬶᬄᬳᬶᬤᬫ
ᬥᬾᬳᭀᬓᬵ᭞ᬓ᭄ᬧᬮᬤᬶᬦᭂᬲ᭄ᬳᬕᬫᬶ᭞ᬢᬍᬃᬮᬶᬂᬯᬶᬯᬳᬵ᭞ᬧᬧᬫᬶᬢ᭄ᬲᬗᬃᬚᬸᬦ᭞ᬭᬶᬂᬧᬢᬧᬦ᭄ᬳᬶᬦ᭄ᬤ᭄ᬭ᭠ᬓᬶᬮᬶ᭞ᬤᬕᬶᬂᬫᬯᬶᬭᬫ᭞ᬫᬸᬗ᭄ᬕ᭄ᬯᬶᬂᬲᭀᬃᬫᬢ᭄ᬢᬫᬬᬸᬭᬶ᭟᭜᭟᭛ᬫᬫ᭄ᬯᬶᬢ᭄ᬦᬭᬾᬦ᭄ᬤ᭄ᬭᬵᬢ᭄ᬫᬚᬭᬶᬂᬢᬧᭀᬯᬦ᭞
Kaca:Bali-lontar-gaguritan-pura-dalem-abyantubuh-300ppi.pdf/51
Kaca puniki sampun kauji-wacén
