[᭔᭕ 45B]
᭔᭕
ᬳᬶᬧᬸᬦ᭄ᬚᬕᬢ᭄ᬳᬶᬣᬵᬕᬸᬂ᭟ᬲᬓᬾᬂᬧᬲ᭄ᬯᬾᬘ᭄ᬙᬦ᭄ᬳ᭄ᬬᬂᬯᬷᬥᬷᬢᬦ᭄ᬧᬳᬶᬮᬂ᭞ᬢᬶᬢ᭄ᬬᬂᬧᬗᬫᭀᬂᬩ᭄ᬭ᭄ᬬᬸᬓ᭄᭞ᬲᬫᬶᬮᬸᬦᬲ᭄ᬮᬦᬹᬲ᭄᭞ᬲ᭄ᬕᭂᬃᬭᭀᬕᭂᬃᬲᬶᬤ᭄ᬥᬮᬭᬶᬲ᭄᭞ᬗᬢᬹᬃᬉᬧᬘᬭ᭞ᬫ᭄ᬯᬂᬳᬸᬧᬓᬭᬓᬳᬢᬹᬃ᭞ᬢ᭄ᬯᬶᬓᬶᬜ᭄ᬘᬶᬢ᭄ᬲᬫᬢᬺ᭞ᬫ᭠
ᬤᬲᬃᬦᬶᬃᬫ᭄ᬫᬮᬾᬗᬢᬶ᭞ᬢᬦ᭄ᬲᬓᬾᬂᬓ᭄ᬤᬶᬓ᭄ᬫᬓᬝᬄ᭞ᬳᬫᬹᬳᬭᬫᬳᭀᬮᬶᬄᬳᬬᬸ᭟ᬫ᭄ᬩ᭄ᬯᬢᬂᬳᬫᬸᬚᬯᬮᬶᬧᬯᭀᬤᬮᬦ᭄᭞ᬲ᭄ᬓᬤᬶᬫᬗ᭄ᬓᬶᬦ᭄ᬓᬤᬸᬮᬸ᭞ᬦᬾᬓᬲᬶᬤ᭄ᬥᬓᬢᬹᬃ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬲᬋᬂᬲᬫᬶ᭞ᬧᬗᬫᭀᬗᬶᬂᬧᬹ
ᬭᬵ᭞ᬅᬫ᭄ᬧᬹᬭᬵᬢᬶᬢ᭄ᬬᬂᬲᬂᬯᬶᬓᬹ᭞ᬲᬂᬰᬶᬯᬵᬰᭀᬕᬝᬵᬦᬾᬧᬘᬂᬫᬗᬚᭂᬗᬶᬦ᭄᭞ᬢᬹᬦᬲ᭄ᬢᬶᬢ᭄ᬬᬂᬫᬗ᭄ᬥᬲ᭄ᬯᬾᬘ᭄ᬙᬵ᭞ᬫᬗᬶᬘᬾᬦᬶᬦ᭄ᬥᬃᬫ᭄ᬫᬲᬲᬸᬮᬹᬄ᭟ᬓᬮᬗ᭄ᬕᭂᬗᬦᬶᬓᬗᬢᬶᬲᬸᬘᬶᬫᬵᬢ᭄ᬯᬂ᭞ᬦᬢᬓᬶᬘ᭄ᬙᬦᬶᬂᬢᭀᬥᬹᬄ᭞ᬲ
ᬳᬵᬕ᭄ᬦᬶᬗᬶᬂᬳ᭄ᬬᬸᬦ᭄᭞ᬢᬳᭂᬦ᭄ᬭᬶᬓᬂᬧᬦᬲ᭄ᬢᬶᬲ᭄᭞ᬫᬾᬗᭂᬢ᭄ᬫᬭᬶᬯᬺᬣ᭞ᬜᬧᬹᬳᬂᬲᬮᬶᬭᬶᬂᬍᬢᬸᬄ᭞ᬚᬩᬵᬚ᭄ᬭᭀᬧᬂᬢ᭄ᬮᬄ᭞ᬢᭂᬢᭂᬫᬶᬬᬃᬋᬧᬂᬩᬺᬰᬶᬄ᭞ᬲᬸᬮᬶᬢᬾᬫᬦᬶᬢᬶᬓ᭄ᬭᬫ᭞ᬫᭀᬮᬳᬦᬶᬂᬚᬢᬶᬳᬫᬗᬹᬦ᭄᭟ᬳᬶᬗ᭄ᬕᬶᬄ᭠
[᭔᭖ 46A]
ᬳᬶᬤᬤᬦᬾᬲᬫᬶᬳᬶᬲ᭄ᬢ᭄ᬭᬶᬮᬦᬂ᭞ᬳᬶᬭᬶᬓᬶᬧᬸᬗ᭄ᬕᭂᬮᬂᬤᬸᬫᬸᬦ᭄᭞ᬳᬢᬹᬃᬓᬤᬶᬜᬦ᭄ᬤᬸᬂ᭞ᬭᬶᬗ᭄ᬓᭂᬲ᭄ᬗᬫ᭄ᬩᬶᬮ᭄ᬤᬕᬶᬂᬓᬶᬤᬶᬓ᭄᭞ᬢᬸᬯᬶᬯ᭄ᬯᬶᬢ᭄ᬓᬢᬹᬦᬦ᭄᭞ᬦᬯᬶᬯᬾᬦ᭄ᬢᭂᬦ᭄ᬓᬶᬭᬂᬭ᭄ᬓᬸᬂ᭞ᬤᬯᭂᬕ᭄ᬳᬫ᭄ᬧᬹᬭᬬᬂ᭞ᬫᬗ᭄ᬓᬶᬦ᭄ᬳᬶᬤᬲᬂᬫᬳ᭄ᬬᬣᬶ᭞ᬫ
ᬳᬬᬸᬦᬾᬓᬭᬶᬓᬶᬭᬂ᭞ᬫᬗ᭄ᬯᭀᬘ᭄ᬙᬳᬶᬦᬸᬮᬸᬲᬂᬓᬬᬸᬦ᭄᭟ᬤᬶᬢᬸᬢᬶᬢ᭄ᬬᬂᬓᬧᬶᬲ᭄ᬋᬂᬫᬶᬤᬃᬢᬬᬂ᭞ᬢ᭠ᬦ᭄ᬤᬤᭀᬲ᭄ᬘᬓ᭄ᬮᬶᬲᬶᬦᬸᬭᬸᬂ᭞ᬅᬓ᭄ᬱᬫᬬᬂᬢᬸᬳᬸ᭞ᬳᬶᬗ᭄ᬕᬶᬄᬳᬶᬤᬤᬦᬾᬲᬫᬶ᭞ᬲᬤᬸᬭᬸᬗᬢᬸᬭᬂ᭞ᬗᬸᬘᬧ᭄ᬳᬩᬸᬓᬸᬤ᭄ᬯᬶ
ᬩᬸᬓᬸ᭞ᬓᬭᬸᬳᬸᬦ᭄ᬳᬢᬸᬭᬂ᭞ᬫᬓᬉᬤᬓᬜ᭄ᬚᬮᬶ᭞ᬑᬑᬫ᭄ᬱ᭄ᬯᬱ᭄ᬝ᭄ᬬᬵᬲ᭄ᬢᬸᬭᬳᬃᬚ᭄ᬚ᭞ᬓᬦᬹᬕ᭄ᬭᬳᬤᬾᬳ᭄ᬬᬂᬫᬵᬳᬕᬸᬂ᭟ᬧᬸᬃᬯ᭄ᬯᬢᬶᬢ᭄ᬬᬂᬲᬂᬯᬾᬱ᭄ᬡᬯᬫᬦ᭄ᬤᬯᭂᬕᬂ᭞ᬭᬶᬂᬳᬶᬤᬤᬦᬾᬲᬂᬢᬫ᭄ᬬᬸ᭞ᬓᬂᬫᬶᬤᬭᬭᬯᬸᬄ᭞ᬫᬶᬯᬄᬲᬓ
ᬩᬾᬳᬶᬂᬭᬶᬓᬶ᭞ᬓᬗᭀᬦ᭄ᬢᭂᬦᬶᬂᬲᬪᬫᬦᬡ᭄ᬥᬮᬫᬓᬤᬶᬦᬶᬧᬸᬦ᭄᭞ᬲᬂᬳ᭄ᬬᬵᬫᬸᬦᬶᬦ᭄ᬤ᭄ᬭ᭞ᬰᬷᬯᬰᭀᬕᬝᬫᭀᬦᬶ᭞ᬗᬶᬭᬶᬂᬫᬗ᭄ᬓᬶᬦ᭄ᬗ᭄ᬕᭂᬦᬶᬂᬘᬶᬢ᭄ᬣ᭞ᬫᬃᬦ᭄ᬦᬸᬂᬲᬸᬘᬶᬢᬬᬵᬢᬶᬦᬹᬚᬸ᭟ᬩ᭄ᬭ᭄ᬬᬵᬓ᭄ᬲ᭄ᬧᬶᬲᬹᬦ᭄ᬬᬢᬶᬲ᭄ᬳᬶᬲ᭄ᬢᬦ᭄ᬧ
Kaca:Bali-lontar-gaguritan-pura-dalem-abyantubuh-300ppi.pdf/46
Kaca puniki sampun kauji-wacén
