Kaca:Bali-lontar-gaguritan-pura-dalem-abyantubuh-300ppi.pdf/47

Saking Wikisource
Kaca puniki sampun kauji-wacén

[᭔᭖ 46B]
᭔᭖
ᬕᬢ᭄ᬭ᭞ᬤ᭄ᬬᬵᬫ᭄‌ᬍᬗᭂᬂᬫᬩ᭄ᬭᬶᬬᬹᬓ᭄᭞ᬮᬗ᭄ᬕᭂᬂᬗ᭄ᬕᬶᬦᭂᬂᬲᬸᬯᬹᬂ᭞ᬲ᭄ᬧᬶᬢ᭄ᬮᬄᬦᬶᬃᬯ᭄ᬯᬭᬡᬶ᭞ᬲᬓ᭄ᬱᬡᬧᬶᬗᬦᬦ᭄᭞ᬢ᭄ᬭᬶᬗ᭄ᬲᬵᬢ᭄‌ᬥ᭄ᬝᬶᬓᬾᬂᬳᬹᬲ᭄ᬧᬸᬧᬸᬢ᭄᭞ᬢᬶᬢ᭄ᬬᬂᬗᬹᬦᬶᬗᬬᬂ᭞ᬧᬸᬧᬸᬢᬶᬂᬲᬫ᭄ᬧᬹᬃᬡ᭄ᬦᬫᬗ᭄ᬓᬶᬦ᭄᭞ᬳᬶᬗ᭄ᬕᬶᬄᬳᬶᬤᬤᬦᬾᬲᬫ᭄ᬬᬦ᭄᭞ᬯ᭄ᬓ
ᬲ᭄ᬗᬬᬸᬜᬕ᭄ᬬᬦᬶᬂᬓᬬᬸᬦ᭄᭟ᬫᬮᬶᬄᬭᬶᬲᬂᬧᬦᬶᬣ᭄ᬬᬦᬶᬫᬺᬘᬬᬬᬂ᭞ᬭᬶᬂᬢᬶᬢ᭄ᬬᬂᬲᬮᬶᬮᬾᬂᬳ᭄ᬬᬸᬦ᭄᭞ᬢᬶᬢ᭄ᬬᬂᬢ᭄ᬯᬶᬫᬗᬬᬸ᭞ᬜᬹᬓ᭄ᬱ᭄ᬫᬵᬫᬦ᭄ᬭᬶᬫᬳᬰᬶᬄ᭞ᬯᬦ᭄ᬢᬄᬢ᭄ᬯᬶᬫ᭄ᬩ᭄ᬯᬢᬂ᭞ᬲᬲᬶᬤᬲᬶᬤᬬᬦ᭄ᬓᬢᬹᬃ᭞ᬦᬾᬧᬘᬂᬜᬶᬦᬳᬂ᭞ᬧᬸᬭᬤ
ᬍᬫ᭄ᬧ᭄ᬭᬚ᭄ᬚᬧᬢᬶ᭞ᬲᬓᬶᬂᬧᬫᬗ᭄ᬕᬶᬄᬓᬢᬸᬦᬦ᭄᭞ᬫᬤᬓ᭄ᬲ᭄ᬯᬾᬘ᭄ᬙᬲᬫᬶᬫᬳᬬᬸ᭟ᬫᬢᬹᬢᬂᬦᬾᬢᬸᬦᬮ᭄ᬯᬶᬄᬫᬗ᭄ᬤᬲᬶᬤ᭄ᬥ᭞ᬲᬫ᭄ᬧᬵᬢ᭄ᬲᬫ᭄ᬧᬹᬃᬡ᭄ᬦᬳᬬᬸ᭞ᬳᬗ᭄ᬕᬾᬦ᭄‌ᬩ᭄ᬭᬶᬬᬹᬓ᭄ᬲᬧᬗ᭄ᬕᬸᬮ᭄᭞ᬫᬶᬰᬺᬫᬲᬹᬓᬶᬗᬕᬫᬶ᭞ᬉᬫᬢ᭄ᬇ᭠
ᬡ᭄ᬥᬸᬩᬸᬤ᭄ᬥ᭞ᬫᬸᬗ᭄ᬕ᭄ᬯᬶᬂᬮᭀᬫ᭄ᬩᭀᬓ᭄ᬓᬹᬲᬸᬲ᭄ᬳᬶᬧᬸᬦ᭄᭞ᬮᬸᬫ᭄ᬩ᭄ᬭᬳᬾᬭᬶᬂᬚᬕᬢ᭄᭞ᬲᬮ᭄ᬯᬦᬶᬂᬇᬡ᭄ᬥᭀᬦᬾᬱ᭄ᬬᬦᬶ᭞ᬲ᭄ᬫᭀᬕᬶᬯᬾᬦ᭄ᬢᭂᬦ᭄ᬕᬸᬡᬜ᭞ᬗ᭄ᬳᬶᬂᬅᬫ᭄ᬧᬹᬭᬩᬗᭂᬢ᭄ᬫᬳᬢᬹᬃ᭟ᬲᬓᬾᬂᬯᬗᬶᬢ᭄ᬲᬧᬜ᭄ᬚᬂᬧᬫᬗ᭄ᬕᬶᬄᬢᬶᬢ᭄ᬬᬂ᭞ᬓ
[᭔᭗ 47A]
ᬦ᭄ᬢᭀᬲ᭄ᬦᬾᬫᬗ᭄ᬓᬶᬦ᭄ᬭᬯᬸᬄ᭞ᬭᬶᬂᬭᬳᬶᬦᬦᬸᬚᬸ᭞ᬯ᭄ᬭᬲ᭄ᬧᬢᬶᬧᬳᬶᬂᬢᬫ᭄ᬩᬶᬃ᭞ᬢᬶᬍᬫᬶᬂᬓᬢᬶᬕᬵ᭞ᬭᬄᬢᬸᬗ᭄ᬕᬮ᭄ᬧ᭄ᬭᬦᬯᬵᬯᬸᬮᬸ᭞ᬇᬰᬓᬲ᭄ᬬᬸᬤᭀᬫᬲ᭄᭞ᬲᬗ᭄ᬳᬂᬳᬤᬰᬳᬲᬶᬓᬶ᭞ᬫᬸᬗ᭄ᬕ᭄ᬯᬶᬂᬢᬗ᭄ᬕᬮ᭄ᬦᬲᬶᬬᭀᬦᬮ᭄᭞ᬓᬧᬶᬲᭀᬮᬲ᭄
ᬲᬾᬧ᭄ᬢᬾᬫ᭄ᬩᭂᬃᬦᬸᬚᬸ᭟ᬢᬳᬸᬦ᭄ᬱ᭄ᬬᬸᬲᬗ᭄ᬳᭃᬦᭂᬫ᭄ᬤᬰᬵᬳᬲᬶᬬᬵ᭞ᬗᬯᬶᬢ᭄ᬧᬸᬚᬯᬮᬶᬓᬵᬢᬹᬃ᭞ᬩᬩᬦ᭄ᬢᭂᬦ᭄ᬲᬫ᭄ᬩᬬᬹᬢ᭄᭞ᬳᬤᬦ᭄ᬳᬦᬦ᭄ᬱᬺᬕᭂᬧ᭄ᬢᬫ᭄ᬧᬶᬲ᭄᭞ᬫᬸᬗ᭄ᬕᬸᬄᬲᬸᬘᬶᬲ᭄ᬫᬶᬝ᭞ᬘᬦᬂᬲᬭᬶᬩᬸᬭᬢ᭄ᬳᬭᬹᬫ᭄᭞ᬧᬩᬗ᭄ᬓᬶᬢ᭄ᬫᬕᬬᬄ᭞ᬘᬭᬸ
ᬳᬫᬜ᭄ᬘᬲᬶᬝᬶ᭞ᬲ᭄ᬕᭂᬳᬦ᭄ᬫᬹᬯᬂᬕ᭄ᬮᬃᬲᬗ᭄ᬳᭃ᭞ᬧᬧᬾᬜ᭄ᬚᭀᬭᬦ᭄ᬭᬶᬂᬘᬦ᭄ᬤᬶᬮᬸᬳᬹᬃ᭟ᬧᬯᬮᬶᬦᬶᬂᬤᬾᬯᬪᬹᬝᬬ᭄ᬬᬚ᭄ᬜᬓᭀᬘᬧ᭄᭞ᬦ᭄ᬧᭂᬢᬶᬢᬶᬍᬫ᭄ᬓᬢ᭄ᬮᬸ᭞ᬤᬹᬓ᭄ᬗᬯᬶᬢ᭄ᬦᬾᬲᬫ᭄ᬧᬹᬦ᭄᭞ᬢᬶᬢ᭄ᬬᬂᬫᬗᬶᬭᬶᬂᬲᬂᬫᭀᬦᬶ᭞ᬲᬂᬯᬮᬚᬮ
ᬚᬵ᭞ᬳᬫᬸᬮᬂᬤᬲᬃᬦᬾᬲᬫ᭄ᬧᬸᬦ᭄᭞ᬦᬾᬳᬶᬓᬮᬶᬄᬢᬶᬩᬦ᭄᭞ᬢᬍᬃᬭᬶᬂᬢᬶᬍᬫ᭄ᬳᬲᬸᬚᬶ᭞ᬓᬸᬭᬦ᭄ᬢᬶᬮ᭄ᬭᬶᬂᬘᭀᬫᬯᬕ᭄ᬬ᭞ᬭᬄᬳᬱ᭄ᬬᬢᭂᬗ᭄ᬕᭂᬓ᭄ᬳᬓᬸᬢᬹᬲ᭄᭟ᬇᬰᬓᬲ᭄ᬬᬸᬤᭀᬫᬲ᭄ᬳᬸᬮᬸᬂᬤᬰᬵᬱ᭄ᬬᬵ᭞ᬢᬗ᭄ᬕᬮ᭄ᬧᬵᬢ᭄ᬤᬾ