[᭔᭔ 44B]
᭔᭔
ᬓ᭄᭞ᬢᬺᬧᬶᬢᬶᬲ᭄ᬢᬶᬲᬶᬂᬓᬤᬸᬮᬸ᭞ᬍᬗᭂᬗᬶᬂᬧᬲᬩᬦ᭄᭞ᬲ᭄ᬬᭂᬧ᭄ᬢᬦᬦᬗᬸᬫᬶᬓ᭄᭞ᬳᬶᬦᬗ᭄ᬲᬫᬶᬫᬗ᭄ᬕᬶᬦᭂᬗᬂ᭞ᬯᬶᬥᬷᬲᬹᬡ᭄ᬬᬦᬶᬃᬪᬦᬾᬂᬢᬸᬗ᭄ᬢᬸᬂ᭟ᬭᬭᬶᬲ᭄ᬫᬗ᭄ᬓᬶᬦ᭄ᬲᬂᬗᬤ᭄ᬯᬾᬓᬭᬡᬇᬘᬧ᭄᭞ᬅᬦ᭄ᬢᬭᬓᬦ᭄ᬢᬸᬦᬵᬫᬸᬯᬸᬲ᭄᭞ᬭᬶᬲᬓᬩᬾᬄᬢ
ᬫ᭄ᬬᬸ᭞ᬓᬂᬲᬸᬤ᭄ᬥᬶᬮᬾᬤᬂᬗ᭄ᬭᬯᬸᬳᬶᬦ᭄᭞ᬫᬵᬢᬹᬃᬲᬤᬸᬭᬸᬗᬦ᭄᭞ᬢᬶᬢ᭄ᬬᬂᬧᬘᬂᬫᬢᬹᬭᬢᬹᬃ᭟ᬫᬫ᭄ᬩᬄᬩᬳᬶᬂᬫᬦᬄ᭞ᬗᬶᬭᬶᬇᬥᬓᬵᬜ᭄ᬚᬮᬶ᭞ᬑᬫ᭄ᬰ᭄ᬯᬱ᭄ᬝ᭄ᬬᬵᬲ᭄ᬢᬸᬭᬳᬃᬚ᭄ᬚ᭞ᬓᬭᬸᬡ᭄ᬬᬦᬶᬂᬳ᭄ᬬᬂᬫᬵᬳᬕᬸᬂ᭞ᬳᬶᬗ᭄ᬕᬶᬄᬳᬶᬤᬤᬦᬾᬲᬫᬶ᭠
ᬦᬶᬓᬶᬢᬶᬢ᭄ᬬᬂ᭞ᬲᬫᬶᬦᬶᬂᬧᬦᬶᬣ᭄ᬬᬲᬫ᭄ᬧᬸᬦ᭄᭞ᬓᬲᬹᬓ᭄ᬲᬭᬗᬢᬸᬃ᭞ᬳᬸᬧᬘᬭᬦᬾᬧᬸᬦᬶᬓᬶ᭞ᬧᬯᬮᬶᬦ᭄ᬪᬝᬭ᭞ᬳᬸᬧᬓᬭᬦᬾᬓᬳᬢᬹᬃ᭞ᬫᬗ᭄ᬓᬶᬦ᭄ᬗᬸᬦᬶᬗᬬᬂ᭞ᬜᬸᬓ᭄ᬱ᭄ᬫᬗᬬᬸᬪᬕ᭄ᬬᬦᬶ᭞ᬓᬧᬶᬂᬗᬚᭂᬂᬭᬶᬂᬪᬝᬭ᭞ᬫᬯᬶᬰᬾ᭠
ᬱᬳ᭄ᬬᬂᬯᬶᬥᬷᬳᬕᬸᬂ᭟ᬢ᭄ᬫᭂᬲ᭄ᬳᬶᬤᬦᬾᬲᬫᬶᬳᬶᬲ᭄ᬢ᭄ᬭᬶᬮᬦᬂ᭞ᬦᬾᬲ᭄ᬯᬾᬘ᭄ᬙᬲᬫᬶᬭᬯᬸᬄ᭞ᬫᬗ᭄ᬭᬫ᭄ᬬᬦᬶᬦ᭄ᬓᬬᬸᬦ᭄᭞ᬗᬢᬸᬭᬂᬧᬸᬚᬳᬲ᭄ᬢᬸᬢᬶ᭞ᬭᬶᬂᬤᬶᬦᬧᭀᬤᬮᬦ᭄᭞ᬧᬹᬃᬯᬓᬢᬶᬢ᭄ᬬᬂᬫᬵᬳᬢᬹᬃᬲ᭄ᬫᬸᬕᬶᬓᬰ᭄ᬯᬾᬘ᭄ᬙᬦ᭄᭞ᬓᬭᬸᬡ᭄ᬬ
[᭔᭕ 45A]
ᬦᬸᬕ᭄ᬭᬳᬾᬂᬯᬷᬥᬶ᭞ᬲᬶᬦᬶᬗ᭄ᬕᬳᬦᬶᬂᬤᬹᬃᬕ᭄ᬭᬳ᭄ᬬᬵ᭞ᬓᬰ᭄ᬯᬲ᭄ᬢᬦᬶᬂᬳᬫᬗ᭄ᬕᬶᬄᬳᬬᬸ᭟ᬧᬸᬧᬸᬢ᭄ᬭᬶᬗ᭄ᬓᭂᬲᬂᬳᬶᬭᬶᬓᬶ᭠ᬢᬦ᭄ᬫᬧᬜ᭄ᬚᬂ᭞ᬢᬶᬢ᭄ᬬᬂᬗᬯᬾᬦ᭄ᬢᭂᬦᬗᬢᬹᬃ᭞ᬬᬦ᭄ᬫᬸᬗ᭄ᬕ᭄ᬯᬶᬂᬲᬲᬸᬤᬹᬓ᭄᭞ᬯᬾᬦ᭄ᬢᭂᬦᬾᬧᬸᬭᬧᬸᬦᬶᬓᬶ᭞ᬫᬶᬯᬄᬲᬓᬮ᭄ᬯᬶᬭᬦ᭄᭠
ᬳᬶᬧᬸᬦ᭄ᬫᬗ᭄ᬓᬶᬦ᭄ᬬᬘᬂᬓᬵᬢᬹᬃ᭞ᬳᭀᬮᬶᬄᬲᬂᬫᬗ᭄ᬕᬮ᭞ᬧᬦᬶᬣ᭄ᬬᬫᬶᬤᬃᬢ᭄ᬣᬫᬮᬶᬄ᭞ᬓᬮᬶᬄᬲᬂᬗᬚᭂᬗᬶ᭠ᬧᬹᬚ᭞ᬢᬸᬦᬲ᭄ᬢᬶᬢ᭄ᬬᬂᬜᬸᬘ᭄ᬬᬗᬋᬦᬹᬂ᭟ᬭᬶᬂᬲᬫ᭄ᬧᬸᬦ᭄ᬋᬦᬹᬗᬦ᭄ᬲᬸᬘᬶᬗ᭄ᬦᬶᬗᬂᬘᬶᬧ᭄ᬢᬵ᭞ᬭᬭᬶᬲ᭄ᬢᬶᬦᬶᬫ᭄ᬩᬮ᭄ᬫᬸᬯᬸᬲ᭄᭞ᬲᬗᬶ
ᬚ᭄ᬬᬾᬱ᭄ᬝᬯᬶᬪᬹᬄ᭞ᬯᬓᬶᬮ᭄ᬫᬗ᭄ᬕᬮᬧᬦᬶᬣᬶ᭞ᬫᬶᬤᬃᬢ᭄ᬣᬅᬗ᭄ᬕᬮᬃᬓᬲᬸᬢ᭄ᬭᬬᬂᬭᬶᬗ᭄ᬓᭂᬲ᭄ᬳᬶᬧᬸᬦ᭄᭞ᬤᬕᬶᬂᬗᬬᬸᬩᬕ᭄ᬬ᭞ᬢᬶᬢ᭄ᬬᬂᬧᬗᬫᭀᬂᬲᬫᬶ᭞ᬧᬸᬭᬦᬶᬓᬶᬜᬹᬓ᭄ᬱ᭄ᬫᬵ᭞ᬭᬶᬂᬲᬂᬲ᭄ᬯᬾᬘᬦᬾᬲᬫᬶᬭᬯᬸᬄ᭟ᬫ᭄ᬩᬸᬯᬢᬂᬲᬮᬶᬮᬾᬗ
ᬢᬶᬳᬶᬭᬶᬂᬢᬶᬢ᭄ᬬᬂ᭞ᬗᬲ᭄ᬢᬸᬢᬶᬢ᭄ᬬᬂᬫᬳᬕᬸᬂ᭞ᬳᬶᬭᬶᬓᬶᬲᬧᬸᬮᬸᬂ᭞ᬲᬸᬪᬓ᭄ᬢᬶᬭᬶᬂᬯᬶᬥᬶᬦᬸᬗ᭄ᬕᬶᬮ᭄᭞ᬫᬸᬕᬶᬫᬸᬕᬶᬤᬵ᭞ᬳᬰᬶᬄᬫᬦᬸᬕ᭄ᬭᬳᬾᬂᬳᬬᬸ᭞ᬮᬗ᭄ᬕᭂᬗᬾᬂᬰ᭄ᬯᬘᬶᬢ᭄ᬣ᭞ᬮᬡ᭄ᬥᬸᬄᬓᬺᬢ᭄ᬣᬦᬶᬂᬪᬸᬤ᭄ᬥᬶ᭞ᬫᬗ᭄ᬓᬶᬦ᭄ᬭᬶᬂᬳᬶᬭᬕᬲᬫ᭄ᬬᬦ᭄᭞ᬓ᭄ᬝ
Kaca:Bali-lontar-gaguritan-pura-dalem-abyantubuh-300ppi.pdf/45
Kaca puniki sampun kauji-wacén
