[᭔᭓ 43B]
᭔᭓
ᬫᬲᬸᬳᬸᬕ᭄᭞ᬧᬬᬲᬾᬲᬮᬶᬂᬮᬶᬫ᭄ᬧᬤᬶᬦ᭄᭞ᬲᬫᬶᬗᬗᬧᬾᬢ᭄ᬭᬭᬲ᭄᭞ᬭᬱᬰᬺᬗ᭄ᬕᬭᬦᬾᬧᬯᬸᬢ᭄᭞ᬭᬕᬦᬶᬂᬰ᭄ᬯᬘᬶᬢ᭄ᬣ᭞ᬫᬵᬦᬹᬢ᭄ᬕᬕᬯᬦ᭄ᬧᬶᬦᬸᬦ᭄ᬤᬶ᭞ᬯ᭄ᬯᭀᬳ᭄ᬯᭀᬳᬦ᭄ᬧᬦ᭄ᬢᭂᬲ᭄ᬩᬬᬸᬳᬦ᭄᭞ᬭᬭᬶᬗ᭄ᬕᬶᬢᬦ᭄ᬭᬯᬶᬢ᭄ᬓᬬᬸᬦ᭄ᬳ᭄ᬬᬸᬦ᭄᭟ᬬᬦ᭄ᬭ
ᬱᬬᬂᬳᬰ᭄ᬭᬶᬓᬤᬶᬢᬫᬦ᭄ᬱ᭄ᬓᬃ᭞ᬦᬾᬲ᭄ᬥᭂᬓ᭄ᬦ᭄ᬥᭂᬂᬲᬦ᭄ᬢᬸᬦ᭄᭞ᬕᬦ᭄ᬤᬦᬾᬫ᭄ᬭᬶᬓᬵᬭᬹᬫ᭄᭞ᬳᬫ᭄ᬩᬸᬦ᭄ᬧᬾᬦ᭄ᬥᬾᬃᬫᬶᬜᬓ᭄ᬯᬗᬶ᭞ᬫᬮᬶᬄᬢ᭄ᬯᬭᬵᬓᬶᬭᬂ᭞ᬲ᭄ᬓᬃᬳ᭄ᬫᬲ᭄ᬫᬲᬦᬾᬫᬸᬭᬸᬩ᭄᭞ ᬧ᭄ᬭ᭄ᬬᬵᬲᬦ᭄ᬫᬲᭀᬘ᭄ᬙ᭞ᬓᬤᬶᬓᬮ᭄ᬧᬢᬭ᭄ᬯᬾᬂᬰ᭄ᬯᬃᬕ᭄ᬕᬶ᭞ᬫ᭄ᬯᬂᬢᬸᬗ᭄ᬕᬸᬮ
ᬮᭀᬦ᭄ᬢᬾᬓ᭄ᬘᬢᬺ᭞ᬓᬤᬶᬢᬭᬸᬭᬚᬝᬳᬕᬸᬂ᭟ᬫᬗᬬᬸᬩᬶᬦ᭄ᬧᬫᬃᬕ᭄ᬕᬶᬦᬾᬫᬮᭀᬦ᭄ᬮᭀᬦᬦ᭄᭞ᬢᬩᭂᬄ᭠ᬢᬩᭂᬳᬦᬵᬦ᭄ᬥᬸᬮᬸᬃ᭞ᬗᬬᬸᬦ᭄ᬳ᭄ᬬᬸᬦᬶᬦ᭄ᬓᬬᬸᬦ᭄᭞ᬳᬗ᭄ᬭᬸᬇᬢᬂᬰ᭄ᬯᬭᬯᬣᬶ᭞ᬧᬫᬃᬕ᭄ᬕᬶᬗᬯᬸᬳᬂ᭞ᬭᬯᬸᬄᬲ᭄ᬢᬦᬾᬂᬢᬶᬦᬸᬚᬸ᭞
ᬫᬸᬗ᭄ᬕ᭄ᬯᬶᬂᬘᬸᬗ᭄ᬓᬸᬩ᭄ᬧᬸᬭ᭞ᬤᬍᬫᬶᬓᬂᬧ᭄ᬭᬚ᭄ᬚᬧᬢᬶ᭞ᬗᬭᬦ᭄ᬲᬯᬵᬱ᭄ᬝᬧᬺᬦᬯᬵ᭞ᬩ᭄ᬭ᭄ᬬᬵᬓ᭄ᬢᬺᬧᬶᬳᬗᬢᬸᬃᬮᬸᬗ᭄ᬕᬸᬄ᭟ᬭᬶᬂᬳᬕᬾᬧᬯᬮᬶᬯᬮᬶᬢ᭄ᬯᬶᬢᬶᬦᬣ᭞ᬢᬶᬦᬸᬗ᭄ᬕ᭄ᬯᬦ᭄ᬫᬸᬮᬦᬶᬂᬫᬸᬗ᭄ᬕᬸᬄ᭞ᬭᬧᬶᬢᬦ᭄ᬧᬮᬶᬲᬸᬄ᭞ᬳᬶᬦᬢᬹᬃᬢᬢᬵᬫᬧᬶ᭠
[᭔᭔ 44A]
ᬦ᭄ᬢᬶ᭞ᬲᬾᬩᭂᬢᬶᬂᬧᬦᬶᬱ᭄ᬬ᭞ᬧᬗᬫᭀᬂᬲᬾᬓ᭄ᬧᬶᬢᬦ᭄ᬓᬭᬸᬧ᭄᭞ᬧᬺᬢ᭄ᬬᬓ᭄ᬱᬗᬾᬦ᭄ᬢᭂᬭᬂ᭞ᬘᬮᬶᬭᬶᬂᬢ᭄ᬭᬸᬳᬶᬂᬯᬗ᭄ᬲᬶᬢ᭄᭞ᬗᬾᬮᬶᬗᬂᬧᬢᬸᬕᭂᬲ᭄ᬭᬕᬵ᭞ᬲᬗ᭄ᬓᬦᬵGᬳᬾᬫᬭᬹᬧᬧᬸᬧᬸᬢ᭄᭟ᬲᬦᬾᬫᬗ᭄ᬓᬶᬦ᭄ᬭᬶᬂᬚᬩᬢᬫ᭄ᬬᬸᬳᬹᬲ᭄ᬓᬝᬄ᭞ᬭᬯᬸ᭠
ᬳᬾᬓᬤᬶᬫᬩ᭄ᬭᬶᬬᬸᬓ᭄᭞ᬭᬶᬂᬳᬕᬾᬲᬶᬦᬫ᭄ᬩᬸᬢ᭄᭞ᬢᬶᬦᬣᬘᬭᬳᬮᬶᬗ᭄ᬕᬶᬄ᭞ᬫᬦᬹᬢᬶᬂᬧᬯᬸᬗ᭄ᬕ᭄ᬯᬦ᭄᭞ᬧᬗᬚᭂᬗᬚᭂᬗᬾᬗᬬᬸᬦ᭄᭞ᬲᬓᬶᬂᬘᬓ᭄ᬭᬯᬾᬢᬦ᭄᭞ᬓᬶᬤᬸᬮ᭄ᬓᬹᬮ᭄ᬯᬦᬸᬢᬭᬶ᭞ᬫᬮᬶᬄᬳᬾᬂᬓᭀᬝᬫᬢᬭᬫ᭄᭞ᬧᬭᬧ᭄ᬮ
ᬚᬃᬫᬦ᭄ᬗᬄᬭᬯᬸᬄ᭟ᬓ᭄ᬧᬮᬤᬶᬦᭂᬲ᭄ᬳᬕᬫᬶᬡ᭄ᬥᬸᬮᬦ᭄ᬪᬸᬤ᭄ᬥ᭞ᬓᭂᬢ᭄ᬯᬧᬭᬶᬲᬤ᭄ᬥᬭᬯᬸᬄ᭞ᬦᬾᬫᬓᬤᬶᬦᬶᬧᬸᬦ᭄᭞ᬅᬦᬓ᭄ᬳᬕᬸᬂᬓ᭄ᬢᬸᬢ᭄ᬳᬮᬶᬢ᭄᭞ᬦᬧᬓ᭄ᬮᬶᬗ᭄ᬕᬶᬄᬳᬢᬧ᭄᭞ᬯᬮᬸᬬᬧᬰᬾᬩᬦᬵᬕᬸᬂ᭞ᬗᬚᭂᬂᬫᬸᬦᬶᬯᬭ᭞ᬧᬭᬡ᭄ᬥᬜᭀᬫ
ᬦ᭄ᬚ᭄ᬮᬡ᭄ᬝᬶᬓ᭄᭞ᬫ᭄ᬯᬗᬚᭂᬗᬚᭂᬂᬫᬲ᭄ᬭᬓᬢ᭄᭞ᬢ᭄ᬯᬶᬲᬸᬢᬾᬚᬦᬭᬫᬵᬮᬸᬗ᭄ᬕᬸᬄ᭟ᬳᬶᬦᬩ᭄ᬧᬧᬭᬹᬫ᭄ᬳ᭄ᬬᬂᬰᬓ᭄ᬭᬶᬗᬶᬦ᭄ᬤ᭄ᬭᬮᭀᬓ᭞ᬧᬭᬤᬾᬯᬣᬮᬸᬗ᭄ᬕᬸᬄ᭞ᬕᬦ᭄ᬤᬃᬯ᭄ᬯᬫᬓᬸᬫ᭄ᬧᬸᬮ᭄᭞ᬯᬶᬥ᭄ᬬᬤᬭᬯᬶᬥ᭄ᬬᬤᬭᬶ᭞ᬧᬭᬋᬱᬶᬦᬧ᭠
Kaca:Bali-lontar-gaguritan-pura-dalem-abyantubuh-300ppi.pdf/44
Kaca puniki sampun kauji-wacén
