[ ᭗ 7B]
᭗᭞
ᬧ᭄ᬭᬶᬤᬺᬯᬾᬢᬦ᭄ᬬᬸᬓ᭄ᬢᬶ᭞ᬭᬸᬲᬓ᭄ᬢᬣᬵᬦᬶᬂᬦᬵᬕᬭ᭞ᬭᬸᬲᬓ᭄ᬫᬦᬳᬶᬂᬯᬤ᭄ᬯᬵᬮᬶᬢ᭄᭟ᬭᬶᬂᬭᬢᬸᬧᬵᬢᬹᬢᬶᬂᬭᬢᬸ᭞ᬢᬦ᭄ᬗ᭄ᬭᬸᬲᬓ᭄ᬫᬦᬳᬶᬗᬮᬶᬢ᭄᭞ᬫᬓᬤᬶᬧᬭᬲᬦ᭄ᬢᬦᬵ᭞ᬯᬦ᭄ᬥᬸᬯᬃᬕ᭄ᬕᬵᬳᬦᬓ᭄ᬭᬩᬶ᭞ᬢᭂᬢᭂᬧ᭄ᬗᬶᬦ᭄ᬥᬶᬓᬭᬬ᭄ᬯᬦ᭄᭞
ᬗᬦ᭄ᬤᭂᬮ᭄ᬓᬸᬫᬦ᭄ᬤᭂᬮ᭄ᬭᬶᬂᬯᬶᬥᬶ᭟ᬬᬾᬦ᭄ᬲᬦ᭄ᬢᬦᬵᬫᬋᬓ᭄ᬭᬢᬸ᭞ᬢᬦ᭄ᬗ᭄ᬭᬸᬲᬓ᭄ᬫᬦᬳᬶᬗᬮᬶᬢ᭄᭞ᬧᬦᬤ᭄ᬬᬦ᭄ᬤᬭᬶᬤ᭄ᬭᬢᬸᬯᬶ᭞ᬓ᭄ᬭᬫᬦᭂᬦ᭄ᬭᬶᬂᬧᬭᬶᬤᬵᬱ᭞ᬤᬱᬓᬂᬍᬫ᭄ᬩᬸᬢ᭄ᬳᬫᬦᬶᬲ᭄᭞ᬬᬾᬦ᭄ᬳᬢᬸᬳᬵᬢᬸᬭᬸᬦᬦᬵ᭞ᬯᬾᬳᭂᬦ᭄ᬲᬓ᭄ᬭᬫᬳ
ᬮᬶᬗ᭄ᬕᬶᬄ᭟ᬧᬹᬱ᭄ᬧᬵᬓᬯᬶᬕᬭᬵᬦ᭄ᬫᬸᬗ᭄ᬕᬸᬄ᭞ᬭᬢᬸᬳᬲᬫ᭄ᬧᬾᬫᬸᬚᬭᬶ᭞ᬭᬶᬂᬲᬦ᭄ᬢᭂᬦᬵᬫᬶᬯᬄᬤᬵᬮ᭞ᬧᬸᬦᬶᬓᬫᬫᬦᭂᬲ᭄ᬳᬢᬶ᭞ᬲᬸᬋᬫ᭄ᬓᬂᬓᬮᬓᬾᬭᬗᬦ᭄᭞ᬳᬓᬮᬶᬲ᭄ᬳᬢᬶᬤᬶᬯᬃᬕ᭄ᬕᬵ᭟ᬲᬹᬭᬕᬵᬧᬮᬾᬦ᭄ᬫᬗ᭄ᬕᬸᬄ᭞ᬧ᭄ᬭᬢᬶᬗ᭄ᬓᬳᬾ
ᬢᬶᬕᬂᬲᬶᬓᬶ᭞ᬯᬶᬓᬬᬷᬓᬵᬮᬦ᭄ᬯᬶᬘᬶᬓᬵ᭞ᬫᬦᬘᬶᬓᬵᬦᬾᬲᬫᬮᬶᬄ᭞ᬧᬸᬦᬶᬓᬧ᭄ᬭᬢᬶᬗ᭄ᬓᬄᬲᬮᬄ᭞ᬧᬦ᭄ᬢᭂᬦ᭄ᬓᬲ᭄ᬢᬦ᭄ᬓᬦ᭄ᬤᭂᬮᬶᬂᬕᬸᬫᬶ᭟ᬯᬶᬓᬬᬶᬓᬵᬦᬾᬲᬶᬂᬭᬢᬸ᭞ᬢᬦ᭄ᬳᬋᬧ᭄ᬢᬸᬚᬃᬳᬫᬦᬶᬲ᭄᭞ᬤᭀᬄᬕᬯᬾᬓᬭᬳᬬ᭄ᬯᬦ᭄᭞ᬳᬓ
[ ᭘ 8A]
ᬮᬶᬲ᭄ᬭᬶᬂᬩᬸᬤ᭄ᬥᬶᬩ᭄ᬘᬶᬓ᭄᭞ᬧᬭᬶᬘᭂᬤᬭᬶᬂᬧᬡ᭄ᬥᬶᬢ᭞ᬤ᭄ᬫᬶᬢᬸᬃᬤ᭄ᬫᭂᬦ᭄ᬯᬾᬯᬾᬳᬶᬦ᭄᭟ᬯᬶᬘᬶᬓᬵᬦᬾᬬᬾᬦ᭄ᬲᬂᬭᬢᬸ᭞ᬳᬗᬶᬦᬵᬭᬶᬂᬯᭀᬗᬗᬚᬶ᭞ᬢᬦ᭄ᬳᬋᬧ᭄ᬳᬗᬸᬮᬄᬤᬦᬵ᭞ᬭᬶᬓ᭄ᬱᬫᬫᬲᬶᬄᬳᬓᬮᬶᬲ᭄᭞ᬲᬦ᭄ᬢᬦᬵᬦᬾᬓᬂᬤᬭᬶᬤ᭄ᬭ᭞
ᬳᬗ᭄ᬭᬸᬲᬓ᭄ᬢᬶᬣᬵᬓᬂᬩ᭄ᬘᬶᬓ᭄᭟ᬫᬦᬘᬶᬓᬵᬬᬾᬦ᭄ᬲᬂᬭᬢᬸ᭞ᬢᬦ᭄ᬳ᭄ᬬᬸᬦᬶᬭᬶᬗᬸᬮᬄᬩ᭄ᬘᬶᬓ᭄᭞ᬗ᭄ᬭᬸᬲᬓ᭄ᬧ᭄ᬭᬓᬺᬢ᭄ᬢᬦᬶᬂᬚᬦ᭄ᬫᬵ᭞ᬭᬳᬶᬦᬵᬯ᭄ᬗᬶᬗᬶᬢᬸᬂᬲᬸᬕᬶᬄ᭞ᬤᬦ᭄ᬤᬦᬾᬢᬦ᭄ᬧᬵᬢᬹᬢ᭄ᬥᬃᬫ᭄ᬫ᭞ᬦ᭄ᬤᬺᬯᬾᬲᬶᬂᬩ᭄ᬘᬶᬓ᭄ᬤᬾᬦ᭄ᬳᬫ᭄ᬩᬶᬮ᭄᭟ᬗᬕᬸᬲᬧ
ᬓᬵᬬᬦ᭄ᬳᬶᬗ᭄ᬲᬸᬦ᭄᭞ᬢᬦ᭄ᬳᬾᬮᬶᬂᬭᬶᬂᬧ᭄ᬭᬬᬫᬵᬢᬶ᭞ᬳᬤᭀᬄᬭᬶᬗᬸᬮᬄᬲᬵᬫᬵᬧᬸᬭ᭞ᬳᭀᬮᬶᬄᬳᬃᬣᬲᬓᬾᬧᬶᬦ᭄ᬭᬶᬄ᭞ᬢᬦ᭄ᬗᬾᬢᬸᬂᬭᬲᬓᬶᬂᬯᬤ᭄ᬯᬵ᭞ᬧᬸᬦᬶᬓᬰᬢ᭄ᬭᬸᬦᬶᬂᬯᬶᬥᬶ᭟ᬯᬾᬦ᭄ᬢᭂᬦ᭄ᬫᬮᬶᬄᬳᬸᬮᬄᬢ᭄ᬮᬸ᭞ᬦᬾᬧᬵᬢᬹᬢ᭄ᬭᬗ᭄ᬲᬸᬓ᭄ᬭᬶᬂ
ᬩᬸᬤ᭄ᬥᬶ᭞ᬲᬧᬶᬲᬦᬾᬯᬶᬚᬬᬵᬲ᭄ᬢ᭄ᬭ᭞ᬲᭀᬧᬤᬶᬦᬵᬓᬧᬶᬂᬓᬮᬶᬄ᭞ᬧᬶᬂᬢᬶᬕᬵᬦᬕᬭᬵᬚ᭄ᬜ᭞ᬧᬧᬲ᭄ᬢᬾᬦ᭄ᬧ᭄ᬭᬢᬶᬗ᭄ᬓᬄᬩ᭄ᬘᬶᬓ᭄᭟ᬯᬶᬚᬬᬵᬲ᭄ᬢ᭄ᬭᬯᬵᬱ᭄ᬝᬦ᭄ᬳᬶᬧᬸᬦ᭄᭞ᬭᬢᬸᬓᬸᬓᬸᬄᬗ᭄ᬕᬯᬾᬩ᭄ᬘᬶᬓ᭄᭞ᬫᬗᬸᬮᬳᬂᬲᬫᬥᬦᬵ᭞ᬳᬸᬦᬶᬬᬦ᭄ᬲᬫᬶ
Kaca:Bali-lontar-gaguritan-prasrddha-niti-300ppi.pdf/8
Kaca puniki sampun kauji-wacén
