[ ᭘ 8B]
ᬗ᭄ᬚ᭄ᬭᬶᬳᬶᬦ᭄᭞ᬗᬶᬘᬮᬶᬫᬦᬄᬓᬫᬹᬃᬓ᭄ᬓᬦ᭄᭞ᬯᬶᬚᬶᬮᬾᬳᬭᬸᬫ᭄ᬳᬫᬦᬶᬲ᭄᭟ᬲᬵᬫ᭄ᬧᬸᬭᬭᬶᬂᬫᬹᬤᬵᬫᬤᬸᬲᬸᬦ᭄᭞ᬮᬸᬮᬸᬢᬶᬦ᭄ᬧᬡ᭄ᬥᬶᬢᬍᬯᬶᬄ᭞ᬳᬲᬶᬄᬭᬶᬂᬚᬦ᭄ᬫᬵᬓᬮᬭᬦ᭄᭞ᬲᬓᬶᬂᬮᬷᬮᬵᬗᬯᬾᬯᬾᬳᬶᬦ᭄᭞ᬳᬸᬦᬶᬂᬭᬶᬗᬫᭂᬮ᭄ᬳᬬᬳᬦ᭄
᭞ᬓᬢᭂᬫ᭄ᬧ᭄ᬯᬦ᭄ᬗ᭄ᬭᬓ᭄ᬱᬂᬕᬸᬫᬶ᭟ᬲᭀᬧᬤᬶᬦᬵᬧᬶᬂᬭᭀᬦ᭄ᬳᬶᬧᬸᬦ᭄᭞ᬭᬢᬸᬫᬦ᭄ᬢᭂᬧ᭄ᬩᬸᬤ᭄ᬥᬶᬲᬸᬘᬶ᭞ᬢᬦ᭄ᬳᬕᬯᬾᬓ᭄ᬳᬶᬫᬵᬲ᭄ᬳᬃᬣ᭞ᬯ᭄ᬭᬸᬄᬬᬾᬦ᭄ᬢᬦ᭄ᬩᬶᬦᬵᬓ᭄ᬢᬫᬢᬶ᭞ᬫᬯᭂᬯᭂᬄᬢᬜ᭄ᬚᬶᬦᬮᬸᬓᬦ᭄᭞ᬗᬸᬦᬶᬗᬶᬦ᭄ᬯᭀᬂᬲᬦᬵᬕᬭᬶ᭟ᬦᬵᬕᬭᬵᬚ᭄ᬜᬦᬦᬾ
ᬫᬸᬗ᭄ᬕᬸᬄ᭞ᬫᬕᬯᬾᬳᬬᬸᬦᬶᬂᬕᬸᬫᬶ᭞ᬫᬫᬳᬬᬸᬩᬮᬾᬭᬸᬲᬓ᭄᭞ᬫᬶᬯᬄᬭᬫᬵᬃᬕ᭄ᬕᬢᬶᬣᬶ᭞ᬫᬦ᭄ᬤᭀᬤᭀᬢᬶᬯᬾᬂᬓᬯᬸᬤᬦ᭄᭞ᬯᭀᬂᬓᬮ᭄ᬯᬾᬦ᭄ᬲᬶᬦᬸᬗᬦᬲᬶ᭟᭐᭟ᬧᬸᬄᬤᬦ᭄ᬥᬂᬕᭂᬦ᭄ᬤᬶᬲ᭄᭟᭐᭟ᬜᬫ᭄ᬩᬸᬂᬗᬫ᭄ᬩᬶᬮ᭄ᬢᭂᬫ᭄ᬩᬂᬤᬦ᭄ᬥᬂᬕᭂᬦ᭄ᬤᬶᬲ᭄᭞ᬦᬵᬗ᭄ᬳᬶᬂᬫ
ᬲᬶᬄᬘᬭᬲᬹᬭᬓᬵᬃᬣ᭞ᬓᭀᬚᬭᬦ᭄ᬳᬮᬦ᭄ᬭᬢᬸᬦᬾ᭞ᬭᬶᬂᬭᬹᬓ᭄ᬫᬵᬤᬶᬱᬫᬾᬓᬸ᭞ᬫᬲᬶᬄᬲᭀᬭᭀᬄᬧ᭄ᬭᬰ᭄ᬭᬤ᭄ᬥᬶᬦᬶᬢᬶ᭞ᬲᬓᬶᬂᬘᬦ᭄ᬢᬓᬵᬧ᭄ᬭᬯ᭞ᬩᬸᬩᬸᬗ᭄ᬓᬸᬮᬦ᭄ᬳᬶᬧᬸᬦ᭄᭞ᬦᬾᬫᬤᬤ᭄ᬭᬸᬓ᭄ᬫᬪᬷᬱᬫᬵ᭞ᬘᬘᬓᬦᬾ᭞ᬢᬶᬢᬶᬗ᭄ᬓᬳᬦ᭄ᬢᬶᬕᬂᬲᬶᬓᬶ᭞
[ ᭙ 9A]
ᬳᬕᭂᬫ᭄ᬳᬕᭂᬫᬦ᭄ᬭᬚᬵ᭟ᬯᬶᬃᬬ᭄ᬬᬓᬦᬸᬯᬶᬃᬬ᭄ᬬᬦᬾᬧᬗ᭄ᬭᬶᬳᬶᬦ᭄᭞ᬦᬾᬫᬯᬵᬱ᭄ᬝᬯᬶᬃᬬ᭄ᬬ᭞ᬦᬗ᭄ᬓᬶᬮ᭄ᬭᬶᬂᬧᬥᬭᬢᬸᬦᬾ᭞ᬓᬭᬢᭀᬦ᭄ᬦᬾᬲᬬᬦ᭄ᬲᬭᬸ᭞ᬗᬢᭀᬦ᭄ᬳᬶᬤᬵᬓ᭄ᬭᬫᬦᬾᬓᬶ᭞ᬲᬸᬋᬫ᭄ᬩᬮᬦᬾᬲᬫ᭄ᬬᬦ᭄᭞ᬓᬢᭀ
ᬦᬶᬱ᭄ᬝᬵᬦ᭄ᬳᬶᬧᬸᬦ᭄᭞ᬓ᭄ᬭᬡᬧᬭᬭᬵᬚᬭᬵᬚ᭞ᬗᬬᬢ᭄ᬦᬬᬂ᭞ᬫᬲ᭄ᬢ᭄ᬬᬂᬧᭀᬮᬳᬾᬩ᭄ᬘᬶᬓ᭄᭞ᬫᬗ᭄ᬤᬾᬢᬦ᭄ᬓᬍᬩᬸᬦᬶᬱ᭄ᬝᬵ᭟ᬯᬶᬃᬬ᭄ᬬᬓᬰᬮᬵᬲ᭄ᬢ᭄ᬭᬦᬾᬫᬮᬶᬄ᭞ᬓᬧᬶᬂᬓᬮᬶᬄᬳᬶᬭᬹᬓ᭄ᬫᬪᬶᬱᬫᬵ᭞ᬫᬲᬶᬄᬧᭀᬮᬄᬳᬾᬦ᭄ᬢᬾᬗᬾᬦ᭄ᬢᬾᬂ᭞ᬓᬤᬳ
ᬦ᭄ᬧᬥᬭᬢᬸ᭞ᬫᬲᬶᬄᬲᬸᬋᬫ᭄ᬘᬮᬦᬾᬲᬫᬶ᭞ᬓᬲᭀᬭᬶᬂᬓ᭄ᬭᬫᬯᬶᬭ᭞ᬓᬢᭀᬦ᭄ᬦᬶᬱ᭄ᬝᬵᬦ᭄ᬳᬶᬧᬸᬦ᭄᭞ᬫᬲᬶᬄᬦᬦ᭄ᬤᬂᬓᬮᬶᬂᬲ᭄ᬫᬦ᭄᭞ᬲᬓᬢᬳᬾ᭞ᬋᬗ᭄ᬕᬯᬵᬫᬦ᭄ᬢ᭄ᬭᬶᬧ᭄ᬭᬚᬸᬭᬶᬢ᭄᭞ᬓᬤᬶᬦ᭄ᬤᬢᬦ᭄ᬧᬓᬵᬃᬬ᭄ᬬ᭟ᬯᬶᬃᬬ᭄ᬬᬓᬯᬃᬤ᭄ᬥᬓᬵᬃᬣᬦᬾᬫᬮᬶᬄ᭞ᬓᬧᬶᬂ
ᬢ᭄ᬮᬸᬦᬶᬂᬭᬹᬓ᭄ᬫᬤᬶᬱᬫᬵ᭞ᬧᭀᬮᬄᬭᬢᬸᬢᬦ᭄ᬧᬕᬯᬾ᭞ᬬᬦ᭄ᬓᬢ᭄ᬭᬚᬂᬫᬸᬲᬸᬄ᭞ᬦ᭄ᬤᬤᬓ᭄ᬳᬧᭂᬲ᭄ᬢᬺᬱ᭄ᬡᬭᬶᬂᬗᬸᬭᬶᬧ᭄᭞ᬦᬸᬗ᭄ᬓᬸᬮ᭄ᬫᬲ᭄ᬯᬄᬕᬕᬯᬵᬦ᭄᭞ᬫᬢᬢ᭄ᬮᬸᬓ᭄ᬦᬫᬦ᭄ᬳᬶᬧᬸᬦ᭄᭞ᬦᬸᬮᬶᬮᬭᬶᬲ᭄ᬓᬮᬸᬗ᭄ᬲᬸᬭᬦ᭄᭞ᬦᬾᬧᬸᬦᬶᬓᬵ᭞ᬳᬸᬭᬶᬧᬾᬲ
