[ ᭖ 6B]
᭖᭞
ᬓᬢᬢᬦᬶᬂᬫᬦ᭄ᬢ᭄ᬭᬶ᭟ᬫᬶᬯᬄᬩ᭄ᬘᬶᬓᬾᬲᬂᬭᬢᬸ᭞ᬦᬫ᭄ᬧᭂᬓᬶᬂᬧᬡ᭄ᬥᬶᬢᬢᬍᬯᬶᬄ᭞ᬧᬡ᭄ᬥᬶᬢᬦᬾᬯᬶᬘᬓ᭄ᬱᬡᬵ᭞ᬤᬤᭀᬲ᭄ᬧᬕᭂᬭᬶᬂᬕᬸᬫᬶ᭞ᬭᬾᬄᬓᬵᬂᬬ᭄ᬬᬦᬾᬗᬚᬃᬲ᭄ᬢ᭄ᬭ᭞ᬫᬓᬵᬤᬶᬬᭀᬕᬲᬫᬥᬶ᭟ᬫᬲᬮᬵᬮᬗ᭄ᬕᭂᬦᬶᬂᬭᬢᬸ᭞ᬲᬶᬦᬾᬯᬓᬵᬭᬶᬂ
ᬦᬵᬕᬭᬶ᭞ᬦ᭄ᬤᬫᬭᬶᬦ᭄ᬧ᭄ᬢᭂᬗᬶᬂᬓᬳ᭄ᬬᬸᬦ᭄᭞ᬫᬗᬯᬭᬳᬶᬂᬮᬶᬂᬦᬶᬗᬚᬶ᭞ᬫᬧᬶᬢᬸᬢᬹᬃᬓᬱᬡ᭄ᬥᬶᬓᬦ᭄᭞ᬗᬦᬹᬢᬂᬭᬶᬂᬢᬣᬵᬢᬶᬢᬶ᭞ᬦᬾᬫᬯᬵᬱ᭄ᬝᬓᬱᬡ᭄ᬤᬶᬓᬦ᭄᭞ᬧ᭄ᬭᬢᬶᬗ᭄ᬓᬄᬥᬃᬧ᭄ᬫᬦᬶᬗ᭄ᬳᬸᬭᬶᬧ᭄᭟ᬲᬃᬯ᭄ᬯᬰᬵᬲ᭄ᬢ᭄ᬭᬫᬶᬯᬄᬓᬯ᭄ᬭᬸᬄ᭞ᬫᬶᬢᬸᬤᬸᬄᬤᬵᬓ᭄ᬢᬶᬭᬶᬂᬯᬶ
ᬥᬶ᭞ᬲᬫᬥᬶᬫᬶᬯᬄᬫᬬᭀᬕ᭞ᬫᬗ᭄ᬤᬾᬦ᭄ᬳᬾᬮᬶᬂᬫᬫᬶᬦᭂᬳᬶᬦ᭄᭞ᬫᬵᬦᬸᬱᬦ᭄ᬭᬸᬤᬵᬧᭀᬮᬄ᭞ᬭᬾᬄᬲᬫᬶᬲᬓᬶᬂᬳ᭄ᬬᬂᬯᬶᬥᬶ᭟ᬤᬲᬭᬾᬳᬲᬶᬄᬭᬶᬂᬓᬳ᭄ᬬᬸᬦ᭄᭞ᬭᬶᬂᬚᬦ᭄ᬫᬵᬭᬶᬂᬧᬡ᭄ᬥᬶᬢᬵᬤᬶ᭞ᬬᬤ᭄ᬬᬦ᭄ᬭᬶᬂᬚᬦ᭄ᬫᬵᬤᬭᬶᬤ᭄ᬭᬵ᭞ᬢᬦ᭄ᬗ᭄ᬕᬸᬕᬸᬬᬸᬯᭀᬂᬦᬲ᭄ᬬ
ᬲᬶᬄ᭞ᬢᬦ᭄ᬗᬕᬸᬗᬓᭂᬦ᭄ᬰᬭᬷᬭᬵ᭞ᬢᬦ᭄ᬢᬯᭀᬓ᭄ᬭᬶᬂᬲᬓᬲᬸᬕᬶᬄ᭟ᬓᬲᬸᬓᬵᬦ᭄ᬓᬯᬶᬃᬬ᭄ᬬᬦ᭄ᬳᬕᬸᬂ᭞ᬢᬦ᭄ᬯᭂᬦᬂᬕᬶᬦᬯᬫᬢᬶ᭞ᬭᬾᬄᬳᬸᬭᬶᬧᬾᬧᬸᬧᬸᬢ᭄ᬧ᭄ᬚᬄ᭞ᬳᬲᬶᬂᬲᬂᬓᬮᬦᬾᬩ᭄ᬘᬶᬓ᭄᭞ᬲᬫᬶᬧ᭄ᬭᬬᬤᬤᭀᬲ᭄ᬭᬸᬲᬓ᭄᭞ᬦᬾᬧᬼᬂᬭᬲᬦᬶᬦ᭄ᬧᬢᬶ᭟ᬢᬶᬗ᭄ᬓᬳᬾ
[ ᭗ 7A]
ᬗᬶᬢᬸᬂᬧᬸᬦᬶᬓ᭞ᬓᬺᬢ᭄ᬢᬶᬗ᭄ᬭᬢᬢᬣᬵᬩ᭄ᬭᬢᬶ᭞ᬫᬶᬯᬄᬧ᭄ᬭᬲᬤ᭄ᬥᬰᬭᬷᬭᬵ᭞ᬧ᭄ᬭᬰᬵᬲ᭄ᬢ᭄ᬭᬭᬵᬕᬲᬫᬮᬶᬄ᭞ᬧᬶᬂᬓᬮᬶᬄᬧᬲᬮᬄrᬆᬕ᭞ᬫᬓᬤᬶᬤᬸᬦᬸᬗᬶᬂᬧᬢᬶ᭟ᬢᬶᬦ᭄ᬫᬸᬦᬶᬂᬧᬢᬶᬳᬶᬓᬸ᭞ᬫᬶᬂᬯᬄᬲᬵᬫ᭄ᬧᬹᬃᬡ᭄ᬦᬦᬶᬂᬧᬢᬶ᭟ᬩᬬᬂᬦᬾᬯᬶᬦᬗ᭄ᬕᬶᬄᬳᬶ
ᬓᬵ᭞ᬲᬵᬫ᭄ᬧᬹᬃᬡ᭄ᬦᬦᬶᬓᬧᬶᬦᬗ᭄ᬕᬶᬄ᭞ᬧᬸᬦᬶᬓᬭᬱᬵᬭᬲᬬᬂ᭞ᬭᬲᬦᬶᬂᬧᬢ᭄ᬮᬦ᭄ᬳᬸᬭᬶᬧ᭄᭟ᬯᬭᬄᬧᬸᬦᬶᬓᬓᬧᬗ᭄ᬕᬸᬄ᭞ᬨᬮᬦᬾᬫᬸᬮᬾᬫᬫᬹᬚᬶ᭞ᬳᬲᬶᬄᬪᬵᬓ᭄ᬢᬶᬭᬶᬂᬳᬡ᭄ᬥᬶᬢ᭞ᬭᬾᬄᬲᬓᬶᬂᬧᬦ᭄ᬥᬶᬢᬲᬫᬶ᭞ᬓᭀᬚᬭᬶᬂᬰᬭᬷᬦᬶᬂᬰᬵ
ᬲ᭄ᬢ᭄ᬭ᭞ᬳᬮᬵᬳᬬᬸᬩ᭄ᬦᭂᬃᬲᬶᬲᬶᬧ᭄᭟ᬓ᭄ᬭᬡᬲᬂᬭᬸᬫᬕᬭᬢᬸ᭞ᬫᬹᬮᬾᬭᬶᬂᬧᬡ᭄ᬥᬶᬢᬲᬫᬶ᭞ᬬᬾᬦ᭄ᬳᬶᬥᭂᬧᭂᬦ᭄ᬲᬂᬧᬡ᭄ᬥᬶᬢ᭞ᬓᬺᬢ᭄ᬢᬦᬶᬂᬤᬾᬰᬵᬦᬧᬗ᭄ᬕᬶᬄ᭞ᬮᬸᬮᬸᬢ᭄ᬓᬂᬯᬤ᭄ᬯᬵᬲᬫ᭄ᬬᬦ᭄᭞ᬢᬣᬵᬓ᭄ᬭᬫᬲᬫᬶᬳᬸᬭᬶᬧ᭄᭟ᬫᭂᬯᬄᬩ᭄ᬘᬶᬓ᭄ᬳᬸᬮᬄᬭᬢᬸ
ᬬᬾᬦ᭄ᬧᬡ᭄ᬥᬶᬢᬫᬦᬫ᭄ᬧᭂᬓᬶᬦ᭄᭞ᬧᬹᬚᬵᬓ᭄ᬭᬫᬢᬸᬭᬸᬢᬦ᭞ᬲᬸᬗ᭄ᬲᬸᬗᭂᬦ᭄ᬳᬸᬚᬃᬳᬫᬦᬶᬲ᭄᭞ᬮᬶᬗ᭄ᬕᬶᬳᬓ᭄ᬦᬵᬲᬓ᭄ᬭᬫ᭞ᬳᬶᬦᬹᬢᬭᬶᬂᬢᬣᬵᬢᬶᬢᬶ᭟ᬢᬣᬵᬓ᭄ᬭᬫᬦᬶᬂᬲᬂᬭᬢᬸ᭞ᬯ᭄ᬭᬸᬳᬶᬗᬮᬮᬦ᭄ᬩᭂᬘᬶᬓ᭄᭞ᬬᬦ᭄ᬯᬢᬸᬓᬤᬶᬓᬯᬸᬮᬵ᭞ᬳᬋ
Kaca:Bali-lontar-gaguritan-prasrddha-niti-300ppi.pdf/7
Kaca puniki sampun kauji-wacén
