[ ᭒᭘ 28B]
᭒᭘᭞
ᬮᬶᬳᬂᬫᬤᬾᬦ᭄ᬫᭂᬮᬄ᭟ᬬᬾᬜ᭄ᬚᬢᬶᬫ᭄ᬮᬄᬓᬭᬳᬬ᭄ᬯᬦ᭄᭞ᬬᬢᭀᬲᬶᬗᬤ᭄ᬯᬗᬸᬭᬶᬧ᭄᭞ᬬᬦ᭄ᬗᬸᬃᬓᬵᬭᬗᬦ᭄ᬫᬦᬄ᭞ᬗᬭᬸᬭᬸᬄᬦᬾᬫᬗ᭄ᬤᬾᬦ᭄ᬜᬭᬶᬓ᭄᭞ᬭᬾᬄᬢ᭄ᬕᭂᬳᬦ᭄ᬭᬶᬂᬮᬗᬶᬢ᭄᭞ᬳᬩᭀᬢᬾᬧᬘᬂᬫᬜᬸᬮᬸᬄ᭞ᬓ᭄ᬭᬡᬳᬓᬾᬄ
ᬕᬕ᭄ᬮᬭᬦ᭄᭞ᬫᬦ᭄ᬥᭂᬗᬂᬢᬸᬢ᭄ᬤᬸᬭᬶ᭞ᬩᬶᬮᬶᬳᬶᬧᬸᬦ᭄᭞ᬲᬦᭀᬗᭀᬲ᭄ᬧᬘᬂᬗᭂᬦᬶᬬᬂ᭚᭜᭚ᬧᬸᬘᬸᬂ᭚᭜᭚ᬓᬲ᭄ᬓᬃᬧᬸᬘᬸᬂᬧᬲᬮᬶᬦ᭄ᬫᬲᬶᬄᬗ᭄ᬮᬦ᭄ᬢᬸᬃ᭞ᬢᬢᭂᬫ᭄ᬩᬗᬜ᭄ᬚᬯ᭞ᬓᭀᬘᬧᬾᬦᬾᬫᬸᬗ᭄ᬕ᭄ᬯᬾᬂᬕᬸᬭᬶᬢ᭄᭞ᬗᬫ᭄ᬩᬶᬮ᭄ᬦᬸᬲ᭄ᬢᬸᬲ᭄᭞ᬓᬢᬸᬢᬸ
ᬭᬦ᭄ᬢᬢ᭄ᬯᬮᬯᬲ᭄᭟ᬢᬦᬸᬓᬶᬂᬯ᭄ᬭᬸᬄ᭞ᬗᬧᬸᬲ᭄ᬓᬶᬤᬸᬂᬢᬸᬢᬸᬃᬢᬸᬢᬹᬃ᭞ᬜᬾᬬᬲᬓᬶᬗᬶᬗᬦ᭄᭞ᬧ᭄ᬭᬬᬗ᭄ᬭᬓ᭄ᬱᬸᬓ᭄ᬭᬶᬂᬩᬸᬤ᭄ᬥᬶ᭞ᬤᬕᬶᬗᬶᬧᬸᬦ᭄᭞ᬳᬫ᭄ᬧᬸᬭᬵᬭᬶᬲᬂᬫᬯᭀᬲᬂ᭟ᬯᬶᬯᬶᬢ᭄ᬳᬶᬧᬸᬦ᭄᭞ᬲᬓᬶᬂᬫᬦᬄᬭᬗ᭄ᬓᬸᬂᬓᭀᬮᬸᬕ᭄᭞ᬜᬤ᭄ᬬᬗᬋ
ᬲᭂᬧᬂ᭞ᬓᭀᬚᬭᬦ᭄ᬰᬵᬲ᭄ᬢ᭄ᬭᬳᬓ᭄ᬥᬶᬓ᭄᭞ᬳᬗ᭄ᬕᬾᬦ᭄ᬢᬸᬂᬢᬸᬂ᭞ᬫᬫᬶᬋᬗᬶᬦ᭄ᬳᬢᬶᬲᬮᬄ᭟ᬲᬸᬲᬄᬳᬶᬩᬸᬓ᭄᭞ᬓᬢᬶᬦ᭄ᬤᬶᬳᬶᬦ᭄ᬫᬦᬄᬩᬶᬗᬸᬂ᭞ᬲᬓᬶᬂᬓᬢᬫ᭄ᬩᭂᬢᬦ᭄᭞ᬫ᭄ᬢᬾᬓ᭄ᬩᬦ᭄ᬢᬗᬾᬭᬶᬂᬮᬗᬶᬢ᭄᭞ᬩᬶᬮᬶᬄᬓᬗ᭄ᬓᬢ᭄᭞ᬧᭀᬮᬶᬄᬫᬳᬸᬜ᭄ᬘᬫ᭄ᬥᬂ᭟
[ ᭒᭙ 29A]
ᬲᬶᬤ᭄ᬥᬧᬗ᭄ᬕᬸᬄ᭞ᬫᬦᬄᬭᬳᬬᬸᬳᬲ᭄ᬫᬢ᭄᭞ᬲᬓᬶᬂᬮᬶᬦ᭄ᬢᬂᬮᭀᬪᬵ᭞ᬤᬸᬫᬤᬶᬓᬮᬶᬦ᭄ᬢᬂᬫᬶᬲ᭄ᬓᬶᬦ᭄᭞ᬩᬲ᭄ᬢᭀᬗᬤᬵᬕᬸᬡᬭᬳᬬᬸᬳᬫᬢ᭄ᬭ᭟ᬳᬗ᭄ᬕᬾᬦ᭄ᬲᬗᬹᬧᬤᬾᬯᬾᬓᬦ᭄ᬢᭀᬂᬓᬧᬗ᭄ᬕᬸᬄ᭞ᬦᬾᬚᬢᬶᬧᬕᭂᬳᬂ᭞ᬤᬸᬫᬤᬓ᭄ᬳᬶᬘ᭄ᬮᬳ᭄ᬬᬂ
ᬯᬶᬥᬶ᭞ᬦᭂᬕ᭄ᬭᬶᬩᬥᬸᬂᬓᬳᬶᬘᬾᬦᬶᬦ᭄ᬓᬭᬳᬬ᭄ᬯᬦ᭄᭚᭜᭚ᬧᬸᬄᬫᬶᬚᬶᬮ᭄᭚᭜᭚ᬧᬜᬫ᭄ᬩᬸᬗᬾᬭᬶᬂᬕᭂᬦ᭄ᬤᬶᬂᬧᬫᬶᬚᬶᬮ᭄᭞ᬦᬸᬢᬸᬕᬂᬯᬶᬭᬯᭀᬲ᭄᭞ᬜᬭᬶᬢᬬᬂᬓᭀᬚᬭᬦ᭄ᬢᬸᬢᬹᬭᬾ᭞ᬦᬵᬗ᭄ᬳᬶᬂᬢᭂᬫ᭄ᬩᬂᬲᬫᬶᬘᬵᬭᬚᬯᬶ᭞ᬓ
ᬯᭀᬜ᭄ᬘᬭᬩᬮᬶ᭞ᬭᬶᬂᬧᬫᬶᬚᬶᬮ᭄ᬳᬶᬧᬸᬦ᭄᭟ᬳᬶᬦᬩ᭄ᬳᬶᬦᬩ᭄ᬓᬢᬄᬓᬗᬶᬘᬦᬶᬦ᭄᭞ᬕᭂᬦ᭄ᬥᬶᬂᬭᬭᬾᬳᬗᭀᬦ᭄᭞ᬧᬧᬦ᭄ᬢᭂᬲᬾᬧᬫᬶᬚᬶᬮ᭄ᬩᬮᬶᬦᬾ᭞ᬓ᭄ᬭᬡᬗᬗ᭄ᬕᬾᬫᬶᬚᬶᬮ᭄ᬘᬭᬚᬯᬶ᭞ᬫᬗ᭄ᬤᬾᬦ᭄ᬧᬦ᭄ᬢᭂᬲ᭄ᬓᬶᬤᬶᬓ᭄᭞ᬭᬾᬄᬗᬸᬗ᭄ᬕᬳᬂᬢᬸᬢᬹᬃ
ᬫᬗ᭄ᬤᬾᬦ᭄ᬲᬵᬫ᭄ᬧᬸᬦ᭄ᬲᬂᬫᬯᭀᬲ᭄ᬦᬫ᭄ᬧᬾᬦᬶᬦ᭄᭞ᬓᬢᬃᬓᬓᬕᬕᬸᬬᭀᬦ᭄᭞ᬲᬳᬦ᭄ᬢᬸᬓᬦ᭄ᬧᬫᬶᬚᬶᬮ᭄ᬢᭂᬫ᭄ᬩᬗᬾ᭞ᬩᬩᬓᬸᬳᬦ᭄ᬩᭀᬬᬫᬶᬚᬶᬮ᭄ᬕᬸᬤᬶᬕ᭄᭞ᬫᬶᬚᬶᬮ᭄ᬦᬩᬸᬲ᭄ᬭᬶᬂᬘᬭᬶᬢᬵᬕᬸᬗᬕᬸᬂ᭟ᬓᭀᬘᬧ᭄ᬋᬓᬾᬢᬸᬢᬹᬭᬾᬧᬸᬦᬶᬓᬶ᭞
Kaca:Bali-lontar-gaguritan-prasrddha-niti-300ppi.pdf/29
Kaca puniki sampun kauji-wacén
