[ ᭒᭗ 27B]
᭒᭗᭞
ᬗ᭄ᬕᬸᬳᬸᬗ᭄ᬕ᭄ᬯᬦᬾᬭᬶᬂᬫᬦᬄ᭞ᬬᬾᬦ᭄ᬢᭂᬳᭂᬃᬳᬶᬯᬂᬢᬢᬫ᭄ᬧᬾᬦ᭄᭞ᬫᬓᬤᬶᬳᬶᬯᬂᬢ᭄ᬭᬩᬓᬢ᭄᭞ᬕ᭄ᬮᬶᬲ᭄ᬬᬫᬢᬸᬧ᭄ᬢᬸᬧᬦ᭄᭞ᬧᬩᬮᬶᬓᬾᬤᬤᬶᬫᬸᬲᬸᬄ᭞ᬧᬗ᭄ᬮᬭᬕᬾᬲᬫᬶᬓ᭄ᬭᬲ᭄᭟ᬫᬗ᭄ᬤᬧᬢᭂᬄᬫᬓᬲᬫᬶ᭞ᬭᬶᬗᬲᬶᬓᬶᬦᬾᬫᬢᬸᬗ᭄ᬓᬲ᭄᭞
ᬬᬓ᭄ᬢᬶᬓᬾᬯᭂᬄᬗᬫᭂᬮ᭄ᬩᬾᬦ᭄ᬢᬾᬂ᭞ᬫ᭄ᬭᬗᬶᬦ᭄ᬬᬾᬦ᭄ᬓᬭᬶᬢᬳᬵ᭞ᬢᬢᬲ᭄ᬩᬾᬦ᭄ᬢᬾᬗᬾᬩ᭄ᬥᬄ᭞ᬬᬾᬲᬸᬚᬢᬶᬚᬢᬶᬧᬸᬭᬸᬦ᭄᭞ᬫ᭄ᬦᬭᬾᬄᬫᬸᬮᬦᬶᬫ᭄ᬧᬸᬭᬂ᭟ᬧᬸᬦᬂᬓᬧᬶᬦᭂᬳᬶᬦ᭄ᬲᬳᬶ᭞ᬲᬵᬫᬵᬧᬸᬦ᭄ᬲᬮᬄᬭᬋᬲᭂᬧᬦ᭄᭞ᬲᬫᬶᬓᬸᬢᬲᬫᬶ
ᬳᬗ᭄ᬕᬾ᭞ᬢᬦ᭄ᬓᬳᬾᬭᬶᬂᬫᬵᬥ᭄ᬬᬧᬥ᭞ᬲᬵᬫᬵᬧᬸᬦ᭄ᬓᬶᬭᬂᬢᬭᬕ᭄ᬬ᭞ᬫᬗ᭄ᬤᬾᬲᬵᬫ᭄ᬧᬸᬦ᭄ᬲᬮᬄᬲᬸᬭᬸᬧ᭄᭞ᬧᬫᬶᬮᬶᬳᬾᬫᬗ᭄ᬤᬾᬢ᭄ᬭᬂ᭟ᬧᬦᬸᬚᬸᬦᬾᬫᬗ᭄ᬤᬾᬩ᭄ᬘᬶᬓ᭄᭞ᬫᬫᬸᬓᬸᬮᬾᬲᬵᬫᬵᬧᬸᬦ᭄ᬗᬯᬕ᭄᭞ᬭᬾᬄᬲᬭᬸᬳᬓᬾᬄᬳᬶᬭᬶᬩᬾ᭞ᬓᬢᬄ
ᬫᬸᬲᬸᬄᬘᬭᬭᭀᬯᬂ᭞ᬭᭀᬯᬂᬫᬧᬶᬦ᭄ᬥᬧᬶᬦ᭄ᬥ᭞ᬲᬲᭀᬮᬳᬜ᭄ᬘᬭᬫᬸᬲᬸᬄ᭞ᬧᬸᬦᬶᬓᬫᬗ᭄ᬤᬾᬯᬵᬱ᭄ᬧᬥ᭟᭐᭟ᬧᬸᬄᬲᬶᬦᭀᬫ᭄᭚᭜᭚ᬲᬶᬦᭀᬫ᭄ᬘᬭᬲᬹᬭᬓᬵᬃᬣ᭞ᬳᬗ᭄ᬕᬾᬦ᭄ᬫᬲᬮᬶᬢᬂᬕᭂᬦ᭄ᬥᬶᬂ᭞ᬲᬫ᭄ᬓᬸᬗᬦ᭄ᬓᬦ᭄ᬥᬧᬸᬦᬶᬓ᭞ᬦᬾᬓᭀᬘ
[ ᭒᭘ 28A]
ᬧ᭄ᬯᬳᬸᬭᬶᬗ᭄ᬕᬸᬭᬶᬢ᭄᭞ᬢᭂᬗ᭄ᬓᬳᬾᬗᬫᭀᬂᬩᬸᬤ᭄ᬥᬶ᭞ᬬᬦ᭄ᬯᬦ᭄ᬢᭂᬦ᭄ᬫᬕᬵᬢ᭄ᬭᬢᬸᬫ᭄ᬩᬄ᭞ᬫᬗ᭄ᬤᬾᬦ᭄ᬤᬲᬭᬶᬦ᭄ᬓᭂᬤᬲ᭄᭞ᬲᬳᬳᬮᬸᬲ᭄ᬳᬮᬸᬲ᭄ᬳᬢᬶ᭞ᬲᬓᬶᬗᬮᬸᬲ᭄᭞ᬮᬸᬮᬸᬲ᭄ᬫᭂᬜ᭄ᬘᬭᬂᬧᭂᬢᬸᬗᬦ᭄᭟ᬧᬗᬯᬲᬾᬫᬗ᭄ᬤᬾᬢ᭄ᬭᬂ᭞ᬬᬦ᭄ᬲᬵᬫ᭄ᬧᬸᬦ᭄ᬭᬯᬂᬳ᭄ᬦᬶᬂ᭞ᬳ᭄ᬦᬶ
ᬗᬾᬦᬾᬚᬢᬶᬫᬸᬮ᭄ᬬ᭞ᬧᬸᬦᬶᬓᬳᬄᬫᬵᬗᬶᬦ᭄ᬲᬳᬶ᭞ᬘᬘᭂᬧᬂᬫᬗ᭄ᬮᬶᬗᬶᬦ᭄᭞ᬳᬗ᭄ᬤᬾᬧᬸᬢᬶᬄᬧᬸᬢᬶᬄᬮ᭄ᬬᬸ᭞ᬲᬵᬫ᭄ᬧᬸᬦᬂᬓᬲᬫᬭᬦ᭄᭞ᬬᬾᬦ᭄ᬲᬫᬃᬢᬦ᭄ᬯᬸᬭᬸᬗ᭄ᬤᬦᬶ᭞ᬲᬲᬃᬲᬸᬲᬸᬃ᭞ᬧᬮᬶᬂᬓ᭄ᬦᬓᭂᬧ᭄ᬩᬦ᭄ᬲᬾᬢ᭟ᬓᬳᬸᬦᬶᬗᬦᭀᬭᬤᬤ᭄ᬯ᭞
ᬘ᭄ᬮᬗᬾᬗᬯᬲᬶᬦ᭄ᬕᬸᬫᬶ᭞ᬳᬮᬵᬳᬬᬸᬦᭀᬭᬲᬫᬃ᭞ᬲᬃᬯ᭄ᬯᬦᬾᬭᬶᬂᬕᬸᬫᬶ᭞ᬧᬦ᭄ᬢᭂᬲᬂᬫᬗ᭄ᬤᬾᬦ᭄ᬧᬲ᭄ᬢᬶ᭞ᬲᬓᬶᬂᬧᬲ᭄ᬢᬶᬤᬤᬶᬧᬵᬢᬹᬢ᭄᭞ᬲᬓᬶᬂᬧᬵᬢᬹᬢ᭄ᬦᬦ᭄ᬢᬦᬂ᭞ᬫᬩᬸᬭᬸᬄᬫᬦᬳᬾᬳ᭄ᬦᬶᬂ᭞ᬳ᭄ᬦᬶᬂᬫ᭄ᬢᬸ᭞ᬗᬯᭂᬢ᭄ᬯᬂᬤᬤᬶᬲ᭄ᬮᬂ᭟ᬲᬓᬶᬂᬘ᭄ᬮᬂᬫᬫᬦ᭄ᬢᭂᬲᬂ᭞ᬧᬸᬦᬶ
ᬓᬬᬩᬸᬮᬓ᭄ᬩᬮᬶᬓ᭄᭞ᬲᬸᬚᬢᬶᬦᬾᬦ᭄ᬫᬸᬕ᭄ᬮᬂ᭞ᬳᬲᬶᬂᬤᬮᬶᬄᬓᬧᬶᬂᬢᬸᬯᬶ᭞ᬤᬮᬶᬄᬓᬗᬶᬜ᭄ᬚᬢᬶᬓᬗᬶᬦ᭄᭞ᬤᬮᬶᬄᬓᬯᬸᬄᬚᬢᬶᬓᬯᬸᬄ᭞ᬤᬮᬶᬄᬘᬘᬦ᭄ᬤᬢᬶᬘᬘᬤ᭄᭞ᬬᬾᬦ᭄ᬤᬮᬶᬄᬍᬯᬶᬄᬬᬍᬯᬶᬄ᭞ᬢᬫ᭄ᬧ᭄ᬯᬢᬶᬫ᭄ᬧᬸᬦ᭄᭞ᬤ
