Kaca:Bali-lontar-gaguritan-prasrddha-niti-300ppi.pdf/27

Saking Wikisource
Kaca puniki sampun kauji-wacén

[ ᭒᭖ 26B]
᭒᭖᭞
ᬮ᭄᭞ᬲᬦᬾᬲᬚᬢᬶᬦᬶᬃᬫ᭄ᬫᬮ᭞ᬭᬶᬂᬭᬢᬸᬧᬡ᭄ᬥᬶᬢᬧᬢᬸᬄ᭞ᬲᬦᬤ᭄ᬬᬦ᭄ᬭᬶᬂᬯᭀᬂᬲᭂᬩ᭄ᬭᬂ᭟ᬦᬵᬗ᭄ᬳᬶᬂᬓ᭄ᬯᬾᬄᬗᬾᬮᬶᬗᬶᬦ᭄᭞ᬦᬾᬚᬢᬶᬓᬮᬶᬯᬢ᭄ᬲᬯᬵᬢ᭄᭞ᬲᬭᬸᬧᬶᬗᬶᬢ᭄ᬬᬫᬳ᭄ᬥᭂᬂ᭞ᬓᬤᬶᬫᬶᬜᬓ᭄ᬭᬶᬂᬳᭂᬫ᭄ᬧᭂᬳᬦ᭄᭞ᬓᬤᬶᬮ
ᬯᬢᬾᬭᬶᬂᬫ᭄ᬓᬵ᭞ᬓᬤᬶᬳᬧᬸᬄᬦᬾᬭᬶᬂᬢᬭᬸ᭞ᬧᬸᬦᬶᬓᬳᬦᬦᭀᬭ᭟ᬳᬦᬦᬾᬭᬶᬂᬲᬦᬾᬚᬢᬶ᭞ᬦᭀᬭᬦᬾᬭᬶᬂᬲᬦᬾᬤᭀᬭᭀ᭞ᬓᬭᬕ᭄ᬓᬶᬭᬶᬕ᭄ᬓᬲᬃᬓᬾᬲᬾᬃ᭞ᬧᬧᬶᬢᭂᬳᬾᬭᬗ᭄ᬓᬸᬂᬓ᭄ᬭᬲ᭄᭞ᬳᬓ᭄ᬤᬶᬓ᭄ᬤᬤᬶᬓᬢᬄ᭞ᬲ
ᬫᬶᬩᭀᬬᬲᬫᬶᬧᬵᬢᬹᬢ᭄᭞ᬫᬶᬗᬸᬗᬂᬫᬦᬄᬓᬢᬸᬦᬦ᭄᭟ᬦ᭄ᬭᬗᬂᬫᬦᬄᬲᬚᬢᬶ᭞ᬧᬜ᭄ᬚᬂᬬᬦ᭄ᬲᬫᬶᬢᬸᬢᬸᬭᬂ᭞ᬳᬓ᭄ᬥᬶᬓ᭄ᬬᬦ᭄ᬭᬶᬗ᭄ᬓᭂᬲ᭄ᬩᭀᬗ᭄ᬓᭀᬲ᭄᭞ᬬᬾᬜ᭄ᬚᬸᬚᬸᬄᬬᬲᬬᬦ᭄ᬳᭂᬚᭀᬳᬂ᭞ᬬᬦ᭄ᬧᬦ᭄ᬤᭂᬲᬬᬦ᭄ᬕᬮᬂ᭞ᬬᬦ᭄ᬕ
[ ᭒᭗ 27A]
ᬬᬾᬦ᭄ᬲᭂᬩᭂᬢᬂᬲᬬᬦ᭄ᬲᬸᬲᬄ᭟ᬬᬾᬦ᭄ᬓᬗᭂᬦᬂᬲᬬᬦ᭄ᬧ᭄ᬥᬶᬄ᭞ᬬᬾᬜ᭄ᬚᭂᬚᭂᬳᬂᬲᬬᬦ᭄ᬫᬭᬲ᭄᭞ᬬᬾᬦ᭄ᬢᬫ᭄ᬩᭂᬢᬂᬲᬬᬦ᭄ᬩᭂᬮᭀᬕ᭄᭞ᬬᬾᬦ᭄ᬮᬶᬮᬬᬂᬲᬬᬦ᭄ᬧᬹᬃᬡ᭄ᬦ᭞ᬩᬶᬦᬬᬂᬲ?ᬳᬬᬦ᭄ᬳᬦ᭄ᬢᬃ᭞ᬬᬾᬦ᭄ᬮᬗ᭄ᬕᭂᬗᬂᬲᬬᬦ᭄ᬓᬸᬓᬸᬄ᭞ᬬᬾᬦ᭄ᬢᭂᬮᬲᬂ
ᬲᬬᬦ᭄ᬕᬮᬂ᭟ᬫᬮᬶᬄᬯᬮᬶᬦᬶᬦ᭄ᬯᬶᬮᬗᬶᬦ᭄᭞ᬰᬢ᭄ᬭᬸᬦᬾᬦᭂᬫ᭄ᬦᭂᬫ᭄ᬭᬶᬂᬭᬵᬕ᭞ᬦᬾᬲᬳᬶᬗᬾᬫ᭄ᬧ᭄ᬭᬂᬦᭀᬕ᭄ᬤᭀᬕ᭄᭞ᬫᬫᬹᬃᬯ᭄ᬯᬂᬲᬤ᭄ᬬᬉᬢ᭄ᬢᬫ᭞ᬦᬾᬦᬸᬤᬸᬳᬂᬓᬂᬲᬗ᭄ᬲᬵᬭᬦ᭄᭞ᬲ?ᬳᬦᬾᬫᬯᬵᬱ᭄ᬝᬲᬵᬤ᭄ᬭᬶᬧᬹ᭞ᬧᬸᬦᬶᬓᬫᬸᬲᬸᬄᬲᬜᬢ᭟ᬅ
ᬮᬲ᭄ᬬᬯᬳᬸᬳᬲᬶᬓᬶ᭞ᬓᬮᬶᬄᬦᬶᬤ᭄ᬭᬢᬶᬕᬤᬵᬬ᭞ᬭᬶᬂᬓᬧᬶᬂᬧᬵᬢᬺᬱ᭄ᬡᬵᬦᬾ᭞ᬧᬶᬂᬮᬶᬫᬧᬸᬦᬶᬓᬭᬵᬕ᭞ᬧᬸᬧᬸᬢᬾᬫᬯᬵᬱ᭄ᬝᬲᬵᬤ᭄᭞ᬤ᭄ᬯᬾᬱᬵᬦᬾᬓᬧᬶᬂᬦᭂᬫ᭄ᬳᬶᬧᬸᬦ᭄᭞ᬦᬵᬗ᭄ᬳᬶᬂᬓᬭᬶᬤᬵᬱᬮᬯᬲ᭄᭟ᬬᬤ᭄ᬭᬶᬤᬵᬱᬢᬸᬭᬄᬫᬗ᭄ᬓᬶ
ᬦ᭄᭞ᬮᬲ᭄ᬬᬫᬳ᭄ᬬᬸᬲ᭄ᬢᬸᬦᬵᬫᬦᬄ᭞ᬦᬶᬤ᭄ᬭᬦᬾᬩ᭄ᬯᬢ᭄ᬓᬮᬮᬾᬦ᭄᭞ᬤᬵᬬᬦᬾᬢᬓᬸᬢ᭄‌ᬕ᭄ᬭᬶᬗ᭄ᬕᬶᬗᬦ᭄᭞ᬢᬺᬱ᭄ᬡᬦᬾᬩ᭄ᬯᬢ᭄ᬓᬭᬓᭂᬢᬦ᭄᭞ᬭᬵᬕᬦᬾᬤ᭄ᬫᭂᬦ᭄ᬳᬸᬮᬗᬸᬦ᭄᭞ᬤ᭄ᬯᬾᬱᬦᬾᬩ᭄ᬯᬢ᭄ᬳᬾᬮᬶᬓᬦ᭄᭟ᬬᬦ᭄ᬧᬸᬦᬶᬓᬤᬸᬭᬸᬂᬩ᭄ᬘᬶᬓ᭄᭞ᬳᬸ