Kaca:Bali-lontar-gaguritan-prasrddha-niti-300ppi.pdf/30

Saking Wikisource
Kaca puniki sampun kauji-wacén

[ ᭒᭙ 29B]
᭒᭙᭞
ᬳᬬᬸᬮᬦ᭄ᬢᬂᬳᭀᬢ᭄᭞ᬲᬓᬶᬂᬮᬶᬂᬲᬂᬧᬡ᭄ᬥᬶᬢᬗᬹᬦᬶᬦᬾ᭞ᬲᬢᬶᬚᬵᬢᬶᬰᬶᬮᬵᬢᬸᬳᬸᬬᬸᬓ᭄ᬢᬶ᭞ᬬᭀᬕ᭄ᬬᬢᬹᬢᭂᬦ᭄ᬤᬾᬦᬶᬂᬲᬂᬫᬲᬤ᭄ᬬᬳᬬᬸ᭟ᬤᬰᬵᬰᬶᬮᬵᬧᬭᬫᬵᬃᬣᬍᬯᬶᬄ᭞ᬯᬵᬱ᭄ᬝᬦᬾᬓᬩᬯᭀᬲ᭄᭞ᬭᬾᬄᬳᬦᬲᬫᬶᬧ
ᬯᬶᬮᬗᬦᬾᬲᬶᬓᬶᬢᬧᬵᬩ᭄ᬭᬢᬓᬧᬶᬂᬓᬮᬶᬄ᭞ᬓᬢᬶᬕᬵᬲᬫᬵᬥᬶ᭞ᬲᬵᬡ᭄ᬝᬧᬶᬂᬧᬵᬢ᭄ᬳᬶᬧᬸᬦ᭄᭟ᬓᬧᬶᬂᬮᬶᬫᬲᬫᬢᬵᬭᬦᬾᬓᬶ᭞ᬦᭂᬫ᭄ᬓᬭᬸᬡᬵᬋᬓᭀ᭞ᬓᬸᬭᬸᬡᬶᬦᬾᬭᬶᬂᬓᬧᬶᬂᬧᬶᬢᬸᬦᬾ᭞ᬢᭀᬧᬾᬓ᭄ᬱᬦᬾᬓᬧᬶ
ᬓᬸᬢᬸᬲ᭄ᬫᬮᬶᬄ᭞ᬲ᭄ᬬᬫᬸᬥᬶᬢᬾᬓᬶ᭞ᬫᬾᬢ᭄ᬭᬶᬧᬶᬂᬲᬧᬸᬮᬸᬄ᭟ᬫᬮᬶᬄᬧᬶᬥᬵᬃᬣᬬᬂᬲᬶᬓᬶᬲᬶᬓᬶ᭞ᬢᬧᬵᬦᬾᬓᬩᬯᭀᬲ᭄᭞ᬓᬤᬶᬧᬡ᭄ᬥᬶᬢᬦᬾᬩ᭄ᬭᬢᬗᬶᬭᬗᬶᬦ᭄ᬳᬶᬦ᭄ᬤ᭄ᬭᬶᬬᬩᬸᬤ᭄ᬥᬶ᭞ᬦᬾ ᬫᬵᬤᬦ᭄ᬧᬫᬵᬥᬶ᭞ᬫᬢᬂᬳᬶᬭᬶᬂᬤᬮᬸ᭟ᬫᬲᬭ
ᬢᬦ᭄‌ᬗᬯᬶᬮᬂᬯᬶᬮᬗᬶᬦ᭄᭞ᬲᬗ᭄ᬳ᭄ᬬᬂᬥᬃᬫ᭄ᬫᬓᬯᭀᬢ᭄᭞ᬫᬵᬤᬦ᭄‌ᬲᬵᬡ᭄ᬝᬢᬦ᭄ᬮᬶᬜᭀᬓ᭄ᬧᬚᬭᬾ᭞ᬫᬵᬤᬦ᭄ᬲᬫᬵᬢᬫᬦᬄᬲᬲᬶᬓᬶ᭞ᬲᭀᬓ᭄ᬭᬳᬬᬸᬳᬸᬕᬶ᭞ᬓᬓᬵᬃᬤ᭄ᬬᬂᬓᬸᬓᬸᬄ᭟ᬓᬭᬸᬡᬵᬦᬾᬯ᭄ᬮᬲᬫᬦᬶᬗᬸᬭᬶᬧ᭄᭞ᬓᬭᬸ
[ ᭓᭐ 30A]
ᬡᬶᬓᬩᬯᭀᬲ᭄᭞ᬳᬲᬶᬳᬾᬭᬶᬂᬲᬃᬯ᭄ᬯᬢᬸᬫᬸᬯᬸᬳᬾ᭞ᬬᬤ᭄ᬬᬦ᭄ᬫᬭᬶᬂᬲᬃᬯ᭄ᬯᬲᬢ᭄ᬯᬵᬳᬲᬶᬄ᭞ᬧᬸᬦᬶᬓᬓᬭᬹᬡᬶ᭞ᬓᭀᬘᬧ᭄ᬯᬵᬱ᭄ᬝᬦ᭄ᬳᬶᬧᬸᬦ᭄᭟ᬢᬧᬾᬓ᭄ᬱᬦᬾᬳᬸᬦᬶᬗᬃᬤ᭄ᬥᬶᬩ᭄ᬘᬶᬓ᭄᭞ᬲᭀᬮᬄᬢᬶᬗ᭄ᬓᬳᬶᬂᬯᭀᬂ᭞ᬫᬶᬢᬸᬢᬸᬭᬶᬦ᭄ᬳᬶᬢᬫ᭄ᬩᭂᬢ᭄ᬳᬬᬸ
ᬦᬾ᭞ᬫᬸᬥᬶᬢᬦᬾᬓᬳ᭄ᬬᬸᬦ᭄ᬮᬤᬾᬂᬩᬸᬥ᭄ᬳᬶ᭞ᬦᭀᬭᬲᬓᬶᬢ᭄ᬳᬢᬶ᭞ᬓᬯᭀᬳᬶᬦ᭄ᬧᬶᬢᬸᬢᬹᬃ᭟ᬲᬫᬮᬶᬳᬾᬦᬾᬫᬯᬵᬱ᭄ᬝᬫᬾᬢ᭄ᬭᬶ᭞ᬢᬶᬗ᭄ᬓᬳᬾᬓᬩᬯᭀᬲ᭄᭞ᬫᬧᬶᬢᬸᬢᬹᬃᬰᬩ᭄ᬥᬭᬳᬬᬸᬦᬾ᭞ᬭᬶᬂᬲᬲᬵᬫᬦᬶᬗ᭄ᬳᬸᬭᬶᬧ᭄᭞ᬧᬸᬦᬶᬓᬤᬾᬦ᭄ᬳᬾᬮᬶᬂ᭞ᬲᬫᬲ
ᬦ᭄ᬬᬳᬬᬸ᭞ᬲᬵᬓᬓᬶᬤᬶᬓ᭄ᬳᬶᬦ᭄ᬤᬬᬂᬓᬵᬃᬬ᭄ᬬᬦᬶᬦ᭄᭞ᬳᬶᬗᬦ᭄ᬳᬧᬢ᭄ᬮᭀᬦ᭄᭞ᬲᬧ᭄ᬭᬧᬢᬦ᭄ᬲᬤᬤᬶᬤᬤᬶᬦᬾ᭞ᬳᬧᬄᬤᬰᬦ᭄ᬓᬗ᭄ᬕᬾᬬᬂᬳᬸᬕᬶᬭᬶᬳᬶᬦ᭄᭞ᬳᬗ᭄ᬳᬶᬂᬧ᭄ᬭᬶᬳᬂᬫᬮᬶᬄ᭞ᬲᬵᬫ᭄ᬧᬸᬦ᭄ᬲᬸᬭᬸᬤ᭄ᬲᬸᬭᬸᬤ᭄᭟ᬲᬗ᭄ᬳ᭄ᬬᬂᬥᬃᬫ᭄ᬫᬵᬧᬸᬦᬶᬓᬧᬲᬶᬗ᭄ᬕᬶᬄ᭞ᬳᬶᬭᬶᬗᬂᬲᬧᬓᭀ
ᬦ᭄᭞ᬲᬵᬫ᭄ᬧᬸᬦ᭄‌ᬗᬦ᭄ᬢᭀᬲ᭄ᬤᬤᬶᬫᬢᬂᬮᬭᬾ᭞ᬭᬾᬄᬳ᭄ᬬᬂᬥᬃᬫ᭄ᬫᬭᬶᬓᬵᬮᬦᬶᬂᬓᬮᬶ᭞ᬓᬤᬶᬧ᭄ᬬᬦᬓ᭄ᬮᬜ᭄ᬘᬂ᭞ᬢᬦ᭄ᬯᬾᬦ᭄ᬢᭂᬦ᭄ᬫᬗᬓᬸ᭟ᬫᬶᬯᬄᬦᭀᬭᬳᬃᬱᬫᬓᬸᬓᬸᬳᬶᬦ᭄᭞ᬮᬶᬗ᭄ᬳᬶᬂᬢᬸᬢᬹᬃᬓᬯᭀᬢ᭄᭞ᬲᬓᬶᬂᬰᬭᬘᬫᬸᬰ᭄ᬘᬬᬮᬶᬗ᭄ᬳᬾ᭞ᬓ᭄ᬭᬡᬢᬢᬲᬂᬫ