[᭕᭘ 58B]
᭕᭘
ᬲ᭄ᬳᬶᬤᬫᬗᬬᬸᬦᬂ᭞ᬲᬋᬂᬳᬶᬧᬢᬶᬄᬫᬤ᭄ᬭᬶ᭞ᬳᬗᭀᬩᬾᬓᬮᬶᬦ᭄ᬢᬂ᭞ᬫᬦᬶᬲᬾᬫᬳᭂᬜᬤᬦ᭄᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶᬲ᭄᭞ᬯᬵᬲ᭄ᬢᬸᬦᬶᬢᬸᬯ᭞ᬧᬭᬶᬧᬹᬃᬡ᭄ᬦᬲᬰ᭄ᬯᬢᬶ᭟ᬧᬢᬶᬄᬫ᭠
ᬤ᭄ᬭᬶᬦᬾᬦᬶᬢᬸᬯᬩᬳᬂᬤᬳᬃ᭞ᬲᬵᬫ᭄ᬧᬸᬦ᭄ᬓᬳᬶᬘ᭄ᬙᬾᬦ᭄ᬦᬲᬶ᭞ᬦᬶᬢᬸᬯᬫᬫᬶᬢᬂ᭞ᬭᬭᬶ᭠ᬲ᭄ᬢᬓᬾᬦᬶᬦ᭄ᬫᬃᬕ᭄ᬕ᭞ᬦᬶᬢᬸᬯᬳᭂᬗ᭄ᬓᬾᬦ᭄ᬳᬫ᭄ᬩᬳᬶᬦ᭄᭞ᬓᬓᬺᬢ᭄ᬢᬧᬸᬭ᭞ᬦᬶᬢᬸᬯᬫᬜᬯᬸᬭᬶᬦ᭄᭟᭠
ᬳᬶᬗ᭄ᬕᬶᬄᬭᬢᬸᬧᬸᬦᬶᬓᬲᬦᬾᬗᬗᬦᬂ᭞ᬫᬃᬕ᭄ᬕᬶᬓᬓᬺᬢ᭄ᬢᬧᬸᬭᬶ᭞ᬢᬶᬢ᭄ᬬᬂᬗᬸᬦᬶᬗᬬᬂ᭞᭠ᬲᬂᬧ᭄ᬭᬪᬸᬓᬺᬢ᭄ᬢᬧᬸᬭ᭞ᬲᬂᬫᬳᬵᬳᬺᬤ᭄ᬟᬶᬓᬳᬦᬫᬶ᭞ᬦᬾᬫᬗ᭄ᬓᬶᬦ᭄ᬳᬶᬤ᭞ᬜᬾᬯᬫ᭄ᬩᬭᬬᬂᬧᬸᬢ᭄ᬭᬶ᭟
ᬳᬯᬶᬦᬦ᭄ᬲᬧ᭄ᬭᬪᬸᬲᬺᬂᬜ᭄ᬯᬫ᭄ᬩᬭᬬᬂ᭞ᬓᬶᬫᬸᬤ᭄ᬭᬳᬤᬾᬦ᭄ᬤᬾᬯᬷ᭞ᬢᬦ᭄ᬓᬳ᭄ᬬᬸᬦ᭄ᬗᬦ᭄ᬤᬶᬓ᭞ᬧᬶᬲᬺᬗᬂᬫᬗᬦ᭄ᬤᬶᬓ᭞ᬤᬤᬵᬲ᭄ᬲᬶᬋᬧ᭄ᬧ᭄ᬭᬫᬗ᭄ᬓᬶᬦ᭄᭞ᬫᬸᬮᬳ᭄ᬬᬸᬦ᭄ᬳᬶᬤ᭞ᬲᬂᬧ᭄ᬭᬪᬸᬗᬮ᭄ᬬᬂᬭᬩᬶ᭟
[᭕᭙ 59A]
ᬫᬳᬯᬶᬦ᭄ᬯᬾᬦ᭄ᬢᭂᬦ᭄ᬧᭀᬢ᭄ᬭᬾᬢᬾᬧᬸᬦᬶᬓ᭞ᬕᬫ᭄ᬩᬃᬭᬳᬤᬾᬦ᭄ᬤᬾᬷᬯᬷᬦᬾᬳᬓ᭄ᬱᬶᬳᬶᬦᬸᬦ᭄ᬬᬦ᭄᭞ᬕ᭄ᬮᬶᬲᬂᬭᬢᬸᬫᬫᬃᬕ᭄ᬕ᭞ᬫᬗ᭄ᬤᬾᬦᬾᬭᬯᬸᬄᬦᬾᬫᬗ᭄ᬓᬶᬦ᭄᭞ᬭᬶᬂᬓᬺᬢ᭄ᬢᬧᬸᬭ᭞ᬫ᭠
ᬗ᭄ᬤᬾᬦ᭄ᬲᬵᬫ᭄ᬧᬸᬦ᭄ᬗ᭄ᬭᬶᬳᬶᬦᬶᬦ᭄᭟ᬭᬭᬶᬲ᭄ᬳᬶᬤᬲᬂᬧ᭄ᬭᬪᬸᬳᬕᬾᬫᬫᬃᬕ᭄ᬕ᭞ᬢᬦ᭄ᬓᬯᬃᬡ᭄ᬦᬳᬾᬂᬫᬃᬕ᭄ᬕᬶ᭞ᬳᬸᬘᬧᭂᬦ᭄ᬦᬶᬢᬸᬯ᭞ᬲᬲᬵᬫ᭄ᬧᬸᬦᬾᬫᬦᬸᬦᬲ᭄᭞ᬧᬳᬶᬘ᭄ᬙᬦ᭄ᬲᬂᬥᬃᬫ᭄ᬫᬳᬚᬶ᭞ᬤᬤᭀ᭠
ᬲᬦ᭄ᬳᬶᬘᬮ᭄᭞ᬲᬧᬢᬓᬦᬾᬲᬫᬶ᭟ᬤᬤᬶᬩᬚᬂᬚ᭄ᬕᬾᬕ᭄ᬩᬸᬗ᭄ᬓᬸᬢ᭄ᬜᬦᬾᬳᬶᬥᬮ᭄᭞ᬧᬾᬗ᭄ᬓᭀᬳᬾᬢ᭄ᬯᬭᬓᬭᬶ᭞ᬫᬭᬲᬸᬯᬸᬦ᭄ᬗᬫᬄ᭞ᬦᬲᬶᬓᬸᬦᬶᬗᬾᬫ᭄ᬮᬄ᭞ᬕᬯᭀᬓ᭄ᬦᬶᬢᬸᬯᬭᬶ᭠
ᬗ᭄ᬳᬢᬶ᭞ᬩᬳᬦᬾᬩᬚᬂ᭞ᬫᬲᬸᬯᬄᬧᬺᬚᬦᬶ᭟ᬮᬸᬢ᭄ᬫᬫ᭄ᬓᭂᬤᬶᬢᬮᬕᬦᬾᬗ᭄ᬯᬲ᭄ᬯ᭠ᬲ᭄ᬳᬯᬓ᭄᭞ᬗᭂᬦᬄᬳᬯᬓᬾᬩ᭄ᬘᬶᬓ᭄᭞ᬩᬚᬂᬚ᭄ᬕᬾᬕ᭄ᬜᬫ᭄ᬧ᭄ᬯᬄ᭞ᬫᬧᬳ᭄ᬬᬲ᭄ᬮᬸᬢ᭄ᬫᬚᬮᬦ᭄᭞᭠
Kaca:Bali-lontar-gaguritan-prabu-aji-dharma-350ppi.pdf/59
Kaca puniki sampun kauji-wacén
