[᭕᭙ 59B]
᭕᭙
ᬦᬸᬢᬸᬕ᭄ᬧ᭄ᬭᬪᬸᬥᬃᬫ᭄ᬫᬳᬚᬶ᭞ᬓᬢ᭄ᬧᬸᬓ᭄ᬤᬶᬚᬮᬦ᭄᭞ᬦᬶᬢᬸᬯᬫᬵᬢᬹᬭᬭᬶᬲ᭄᭟᭠ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬫᬗᬶᬭᬶᬂᬳᬶᬤᬾᬯ᭞ᬲᬢᬶᬩᬧᬭᬫᬗ᭄ᬓᬾᬦ᭄᭞ᬲᬂᬧ᭄ᬭᬪᬸᬗᬦ᭄ᬤᬶᬓ᭞ᬜ
ᬳᬶᬳᬦᬓ᭄ᬓᬾᬦ᭄ᬓᬾᬦᬦ᭄᭞ᬢᬶᬢ᭄ᬬᬂᬦᬶᬢᬸᬯᬧᬸᬦᬶᬓᬶ᭞ᬲᬂᬧ᭄ᬭᬪᬸᬦᬶᬫ᭄ᬩᬮ᭄᭞ᬳᬗᭀᬩ᭄ᬳᬶᬭᬢᬸᬦ᭄ᬲᬶᬧᬶ᭟ᬩᬵᬦᬾᬜᬳᬶᬫᬲᬮᬶᬦ᭄ᬫᬕᭀᬩᬩᬚᬂ᭞ᬦᬶᬢᬸᬯᬫᬵᬢᬹᬃᬳᬭᬶᬲ᭄᭞᭠
ᬲᬸᬓᬢ᭄ᬢᬶᬢ᭄ᬬᬂᬦ᭄ᬥᭂ᭞ᬧᬳᬶᬘ᭄ᬙᬦᬾᬲᬢ᭄ᬫᬺᬢ᭄ᬣ᭞ᬤᬤᭀᬲ᭄ᬢᬶᬢ᭄ᬬᬂᬲᬧᬸᬦᬶᬓᬶ᭞ᬧᬸᬦᬧᬶᬳᬗ᭄ᬕᬾᬦ᭄᭞ᬢᬶᬢ᭄ᬬᬂᬫᬦᬯᬸᬃᬫᬗ᭄ᬓᬶᬦ᭄᭟ᬢᬶᬢ᭄ᬬᬂᬗᬶᬭᬶᬂᬲᬓᬯᭀᬦ᭄ᬩ᭄ᬘᬶᬓ᭄ᬳᬶᬤᬾᬯ᭞᭠
ᬳᬦ᭄ᬢᬸᬓ᭄ᬓᬮᬶᬦ᭄ᬢᬂᬍᬯᬶᬄ᭞ᬧᬳᬶᬘ᭄ᬙᬦᬾᬭᬶᬂᬢ᭄ᬬᬂ᭞ᬲᬓ᭄ᬱᬢ᭄ᬗᭂᬩᭂᬓᬶᬜ᭄ᬚᬕᬢ᭄᭞ᬧ᭄ᬭᬪ᭄ᬯᬵᬚᬶᬥᬃᬫ᭄ᬫᬜᬯᬸᬭᬶᬦ᭄᭞ᬓ᭄ᬫᬫᬢᬸᬮᬓ᭄᭞ᬳ᭄ᬤᭂᬚᬩᬋᬂᬦᬾᬚᬦᬶ᭟ᬲᬵᬫ᭄ᬧᬸᬦ᭄ᬫᬯ᭠
[᭖᭐ 60A]
ᬮᬶᬦᬶᬢᬸᬯᬫᬸᬧᭀᬦᬶᬦ᭄ᬍᬕ᭞ᬧ᭄ᬭᬪᬸᬥᬃᬫ᭄ᬫᬦᬾᬫᬗ᭄ᬓᬶᬦ᭄᭞ᬤᬾᬦᬶᬂᬕᬕᬜ᭄ᬘᬗᬦ᭞ᬭᬯᬸᬄᬭᬶᬂᬓᬺᬢ᭄ᬢᬧᬸᬭ᭞ᬰ᭄ᬭᬷᬳᬵᬢᬺᬤ᭄ᬟᬶᬓᬓᬢᬶᬗ᭄ᬓᬶᬮ᭄᭞ᬫᬓᬤᬶᬧᬭ᭞ᬭᬢᬸᬦᬾᬭᬯᬸᬄ
ᬲᬫᬶ᭟ᬲᭂᬲᭂᬓ᭄ᬚᭂᬚᭂᬮ᭄ᬭᬶᬂᬩᬜ᭄ᬘᬶᬗᬄᬓᬺᬢ᭄ᬢᬧᬸᬭ᭞ᬧ᭄ᬭᬪᬸᬫᬳᬵᬳᬺᬤ᭄ᬟᬶᬓᬵᬗ᭄ᬮᬶᬂ᭞ᬤᬾᬯ᭠ᬧᬭᬦᬵᬢᬶᬸᬣ᭞ᬲ᭄ᬦᭂᬂᬭᬶᬂᬧ᭄ᬬᬦᬓ᭄ᬢᬢ᭄ᬬᬂ᭞ᬯᬾᬦ᭄ᬢᭂᬜ᭄ᬚᬦ᭄ᬢᭀᬲ᭄ᬢᬶᬢ᭄ᬬᬂᬓᬶᬤᬶᬓ᭄᭞ᬳᬲᬶᬫᬜᬶᬤ᭄ᬟᬬᬂ᭞
ᬳᬶᬤᬾᬯᬗᬗ᭄ᬕᬾᬦ᭄ᬭᬩᬶ᭟ᬦᬾᬲᬯᭀᬲᬦ᭄ᬲᬵᬫ᭄ᬧᬸᬦ᭄ᬤᬸᬓᬗᬯᬗᬸᬦ᭄ᬬᬸᬤ᭄ᬟ᭞ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬫᬫᬶᬮᬶᬄ᭞ᬲᬭᬹᬧᬦᬶᬂᬚᬦ᭄ᬫ᭞ᬬᬤᬶᬦ᭄ᬫᬯᬗ᭄ᬲᬲᬸᬤᬺ᭞ᬯᬿᬰ᭄ᬬᬓ᭄ᬱᬢ᭄ᬭᬶᬬᬫᬓᬤᬶ᭞ᬩ᭄ᬭᬵ
ᬳ᭄ᬫᬡᬯᬗ᭄ᬲ᭞ᬳᬲᬶᬂᬜᬶᬤ᭄ᬟᬬᬂᬫᬗ᭄ᬓᬶᬦ᭄᭟ᬗᬫᬶᬚᬶᬮᬂᬧᬚᬃᬳᬶᬧᬸᬦ᭄ᬧ᭄ᬬᬦᬓ᭄ᬢᬶᬢ᭄ᬬᬂ᭞ᬧᬶᬂᬢᬶᬕᬦᬶᬓᬗᬫ᭄ᬩᬶᬮ᭄᭞ᬫᬓᬫᬦ᭄ᬢᬸᬦ᭄ᬢᬶᬢ᭄ᬬᬂ᭞ᬧᬭᬳᬕᬸᬂᬲᬫ᭄ᬬᬦ᭄᭞ᬫᬫᬵᬢᬹ
Kaca:Bali-lontar-gaguritan-prabu-aji-dharma-350ppi.pdf/60
Kaca puniki sampun kauji-wacén
