[᭕᭗ 57B]
᭕᭗
ᬯᬾᬬᬂ᭞ᬫᬓ᭄ᬩᭂᬃᬫᬗᬮᬶᬄ᭞ᬕ᭄ᬟᭀᬗᬾᬦᬶ᭞ᬧᬤᬯᬸᬳᬶᬦ᭄ᬮᬬᬭᬶᬦ᭄᭟ᬢ᭄ᬯᬭᬧᬶ᭠ᬲᬦ᭄ᬳᬤᬧᬤᬯᬸᬫᬗᭂᬦᬄ᭞ᬩ᭄ᬗᭀᬂᬳᬶᬧᬢᬶᬄᬫᬤ᭄ᬭᬶ᭞ᬫᬓ᭄ᬚᬂᬓᬳᬯᬲ᭄᭞ᬲᬂᬧ᭄ᬭᬪᬸᬳᬚᬶᬥᬃᬫ᭄ᬫ᭞ᬲᬸ
ᬯᬾᬗᬦ᭄ᬢᭀᬲᬂᬭᬶᬂᬬᬯᬶ᭞ᬭᬭᬶᬲ᭄ᬗᬦ᭄ᬤᬶᬓ᭞ᬬᬫᬗᬸᬤ᭄ᬬᬂᬳᬶᬧᬢᬶᬄ᭟ᬢ᭄ᬯᬭᬢ᭄ᬓᬗ᭄ᬭᬭᬶ᭠ᬲ᭄ᬳᬶᬤᬚ᭄ᬭᭀᬦᬶᬂᬢᬦ᭄᭞ᬓᬧᬗ᭄ᬕᬶᬄᬧᬢᬶᬄᬫᬤ᭄ᬭᬶ᭞ᬩ᭄ᬗᭀᬂᬫᬧᬵᬯᬲᬦ᭄᭞ᬲᬭᬯᬸᬄᬧ᭄ᬭᬪᬸᬥᬃ᭠
ᬫ᭄ᬫ᭞ᬳᬶᬧᬢᬶᬄᬳᬕᬾᬦ᭄ᬥᬸᬦᬶᬦ᭄᭞ᬲᬂᬧ᭄ᬭᬪᬸᬗᬸᬘᬧ᭄᭞ᬧᬢᬄᬤ᭄ᬫᭂᬦ᭄ᬫᬩᬮᬶᬄ᭟ᬤᭀᬂᬚᬚᬮᬦ᭄ᬫᬚᬮᬦ᭄ᬳᬾᬗ᭄ᬕᬮᬦ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬦᭀᬮᬶᬄ᭞ᬧᭀᬢ᭄ᬭᬾᬢᬾᬧᬸᬦᬶᬓ᭞
ᬍᬍᬄᬓᬳ᭄ᬬᬸᬦᬾᬫᬜᬶᬗᬓ᭄᭞ᬦᬾᬚᬬᬚᬳᬬᬸᬍᬯᬶᬄ᭞ᬬᬾᬦ᭄ᬲᬚᬳᬤ᭞ᬚᬦ᭄ᬫᬫᬕᭀᬩᬦᬶᬓᬶ᭟ᬲ᭄ᬟᭂᬂᬭᬸᬭᬸᬄᬧ᭄ᬭᬩᬸᬢᬶᬦᬩᬳᬦ᭄ᬳᬢ᭄ᬫ᭞ᬧᬶᬤᬦ᭄ᬢᬸᬮᬓᬾᬩᬸᬯᬶᬦ᭄᭞ᬧᬢᬶᬄ᭠
[᭕᭘ 58A]
ᬫᬗᬶᬗᭂᬢᬂ᭞ᬧᭀᬢ᭄ᬭᬾᬢᬾᬢ᭄ᬓᬳᬩ᭞ᬤ᭄ᬫᭂᬦᬶᬭᬫᬗᬶᬯᬲᬶᬦ᭄᭞ᬳᬗ᭄ᬕᭀᬦ᭄ᬕᬧ᭄ᬕᬧᬦ᭄᭞ᬢ᭄ᬓᬾᬦ᭄ᬕᬸᬲ᭄ᬢᬶᬦ᭄ᬳᬶᬧᬢᬶᬄ᭟ᬧᬢᬶᬄ᭞ᬤ᭄ᬭᬶᬫᬵᬢᬹᬃᬦᬶᬓᬭᬢᬸᬘᬶᬗᬓ᭄᭞ᬤᬶᬕᬶᬮᬶᬦᬾᬧᬸᬦᬧᬶ᭞ᬩᬸᬗ
ᬳᬾᬓᬮᬶᬦ᭄ᬢᬂ᭞ᬤᬤᭀᬲ᭄ᬢᬦ᭄ᬯᬾᬦ᭄ᬫᬃᬕ᭄ᬕ᭞ᬓᬶᬚᬫᬭᬶᬓᬫᬃᬕ᭄ᬕᬶᬦᬶᬦ᭄᭞ᬲᬂᬧ᭄ᬭᬪᬸᬦᬶᬫ᭄ᬩᬮ᭄᭞ᬓ᭄ᬦᭂᬄᬳᬗ᭄ᬕᭀᬦ᭄ᬦᬶᬢᬶᬦᬶᬦ᭄᭟ᬬᬾᬦ᭄ᬢᬸᬯᬄᬳᬶᬭᬫᬃᬡ᭄ᬦᬢᬫᬡ᭄ᬦᬢᬫᬦᬾᬢᬾᬦᬾᬦᬦ᭄᭞ᬢ᭄ᬯᬭ᭠
ᬓᬚᬢᬾᬦ᭄ᬤᬶᬦᬶ᭞ᬫᬶᬭᬶᬩ᭄ᬧᬧᭀᬢ᭄ᬭᬾᬢᬦ᭄᭞ᬩᬵᬦ᭄ᬫᬮᬶᬳᬾᬳᬯᬲᬂ᭞ᬫᬶᬭᬶᬩ᭄ᬘᬭᬳᬸᬫᬄᬳ᭄ᬚᬶᬦ᭞ᬫᬳᬯᬓ᭄ᬰᬹᬦ᭄ᬬ᭞ᬭᬱᬩᬸᬓᬫᬓ᭄ᬮᬶᬃ᭟ᬤᬲ᭄ᬫᬫᬃᬕ᭄ᬕᬶᬦᬶᬢᬸᬯᬢ᭄ᬓᬫᬜᬕ᭄ᬚ
ᬕ᭄᭞ᬫᬳᬢᬹᬃᬲᬃᬯ᭄ᬯᬶᬗ᭄ᬮᬶᬂ᭞ᬩᬵᬦ᭄ᬮᬘᬸᬭᬾᬫᬵᬯᬓ᭞ᬫᬦᬫ᭄ᬧᬯᭀᬄᬩᬸᬮᬸᬯᬦ᭄᭞ᬓᬤᬶᬜᬯᭀᬄᬘᬭᭀᬭᬶᬂ᭞ᬮᬯᬸᬢ᭄ᬓᬵᬢᬹᬭᬂ᭞ᬭᬶᬂᬧ᭄ᬭᬪᬸᬥᬃᬫ᭄ᬫᬳᬚᬶ᭟ᬯᬸᬲ᭄ᬓᬳᬃᬱᬾᬦ᭄ᬭᬭᬶ᭠
Kaca:Bali-lontar-gaguritan-prabu-aji-dharma-350ppi.pdf/58
Kaca puniki sampun kauji-wacén
