[᭕᭖ 56B]
᭕᭖
ᬲᬦ᭄ᬤᬤᬶᬢᬸᬓᬤ᭄᭞ᬗᬶᬍᬳᬶᬦ᭄ᬕᬫᬦ᭄ᬩ᭄ᬘᬶᬓ᭄᭞ᬫᬗ᭄ᬘᭀᬓᬶᬦ᭄ᬲᬯᬄ᭞ᬮ᭄ᬬᬦ᭄ᬫᬮᬶᬄᬲᭀᬭᭀᬄᬩᬸᬭᬸᬯ᭄ᬯᬦ᭄᭞ᬳᬓᬾᬄᬤᬶᬢᬫᬦ᭄ᬫᬮᬮᬶ᭞ᬲᭀᬭᭀᬄᬲ᭄ᬬᬸᬯᬦ᭄᭞ᬫᬓᬤᬶᬲᬃᬯ᭄ᬯᬧᬓ᭄ᬱᬶ᭟
ᬩ᭄ᬯᬶᬦ᭄ᬧᬸᬜᬦ᭄ᬯᭀᬄᬯᭀᬳᬦ᭄ᬗᭂᬩᭂᬓᬶᬦ᭄ᬢᬫᬦ᭄᭞ᬦ᭄ᬟᬶᬂᬫᬩᬸᬯᬄᬲᬫᬶ᭞ᬲᬓ᭄ᬦᭂᬄᬫᬜᬫ᭄ᬩᬢ᭄᭞ᬓᬮᬶᬄᬫᬦᬶᬲᬾᬮᬶᬦ᭄ᬢᬂ᭞ᬳᬤᬚᬦ᭄ᬫᬮᬸᬄᬳᬤᬶᬭᬶ᭞ᬢᬸᬯᬧᬢᬓ᭞ᬬᬤᬶᬢᬸᬫᬗ᭄ᬩᬕᬶ
ᬦ᭄᭟ᬲ᭄ᬟᭂᬓ᭄ᬫᬜᬫ᭄ᬧᬢ᭄ᬳᬶᬫᬤ᭄ᬭᬶᬦ᭄ᬭᭀᬚᭀᬕ᭄ᬫᬦ᭄ᬢᬸᬓᬦ᭄᭞ᬭᬶᬂᬮᭀᬚᬶᬦᬾᬲᬶᬓᬗᬶᬦ᭄᭞ᬦ᭄ᬕᬓ᭄ᬫᬢᭂᬕ᭄ᬢᭂᬕᬦ᭄᭞ᬗᬵᬯᬲ᭄ᬢᬫᬦᬾᬫ᭄ᬮᬄ᭞ᬩᬸᬯᬶᬦ᭄ᬳᬤᬗᭂᬦᬄᬩ᭄ᬘᬶᬓ᭄᭞ᬤᬶᬢᬸᬫᬕ᭄ᬦᬄ᭞ᬕᬫ᭄ᬩᬃ
ᬧᭀᬢ᭄ᬭᬾᬢ᭄ᬳᬲᬶᬓᬶ᭟ᬫᬧᬶᬦ᭄ᬟᬮᬸᬄᬩᬚᬂᬚ᭄ᬕᬾᬕᬾᬓᬮᬶᬦ᭄ᬢᬂ᭞ᬍᬂᬍᬂᬳᬶᬧᬢᬶᬄᬫᬤ᭄ᬭᬶ᭞ᬜ᭄ᬩᬓ᭄ᬳᬗᭀᬩ᭄ᬧᬶᬲᬦ᭄᭞ᬩᬸᬯᬶᬦ᭄ᬳᬤᬫᬗᭂᬦᬄ᭞ᬕ᭄ᬟᭀᬂᬤᬶᬢ᭄ᬗᬄᬲᬭᬲᬶ᭞ᬢ᭄ᬕᭂᬄᬓᬮᬶᬦ᭄ᬢᬂ᭞ᬩᬸᬗ
[᭕᭗ 57A]
ᬳᬾᬢᬶᬤᭀᬂᬕᬶᬕᬶᬲ᭄᭟ᬫᬸᬯᬧ᭄ᬧᬸᬢᬶᬄᬮᬍᬧᬬᬦ᭄ᬢᬸᬓᬂᬯᬗ᭄ᬓᬂ᭞ᬭᬳᬩᬾᬫᬸᬭᬸᬩ᭄ᬗᭂᬦ᭄ᬤᬶᬄ᭞ᬓᭀᬭᬶᬦ᭄ᬜᬦᬾᬫᭂᬫ᭄ᬧᬢ᭄᭞ᬫᬳᬸᬓᬶᬃᬫᬧᬭᬥ᭞ᬧᬧᬸᬮᬲᬦ᭄ᬮᬶᬦ᭄ᬢᬂᬩ᭄ᬘᬶᬓ᭄᭞ᬳᬓᬾᬄ
ᬧᬧᬶᬦ᭄ᬟᬦ᭄᭞ᬳᬶᬭᬶᬓᬫᬗᬶᬍᬳᬶᬦ᭄᭟ᬦᬾᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬫᬃᬕ᭄ᬕᬶᬓᬕ᭄ᬟᭀᬂᬧᬸᬦᬶᬓ᭞ᬲᬸᬫᬶᬗ᭄ᬓᬶᬦ᭄ᬲᬶᬭᬫᬤ᭄ᬭᬶ᭞ᬳᬗᭀᬩᬾᬓᬮᬶᬦ᭄ᬢᬂ᭞ᬫᬓᭂᬳᭂᬗᬦ᭄ᬭᬶᬂᬫᬦᬄ᭞ᬦᬾᬢᬾᬢᬫᬦ᭄ᬳᬧᬤᬶᬦᬶ᭞
ᬢ᭄ᬯᬄᬲᬲᬸᬗ᭄ᬮᬧᬦ᭄᭞ᬫᭂᬮᬳᬾᬢᬶᬤᭀᬂᬕᬶᬕᬶᬲ᭄᭟ᬳᭂᬬᬾᬄᬜᬦᬾᬯ᭄ᬓᬲᬶᬂᬳ᭄ᬦᬶᬂᬦᬶᬃᬫ᭄ᬫᬮ᭞ᬳ᭄ᬩᬾᬦᬾᬢᬶᬗ᭄ᬕᬃᬲᬫᬶ᭞ᬩᬦ᭄ᬤᭂᬂᬮᬾᬦ᭄ᬩᬮᬦᬓ᭄᭞ᬫᬫᬾᬢ᭄ᬭᬦ᭄ᬫᬶᬯᬄᬗᬭᬢ᭄᭞ᬲᬶᬭᬢ᭄ᬕ᭠
ᬥᬸᬂᬫᬶᬦᬓᬤᬶ᭞ᬳᬤᬩᬾᬳ᭄ᬫᬲ᭄᭞ᬓᬸᬦᬶᬂᬕᭀᬩᬦ᭄ᬦᬾᬳᬰ᭄ᬭᬶ᭟ᬩᬵᬦ᭄ᬤᭂᬫᭂᬦᬾᬳᬶᬫᬤ᭄ᬭᬶᬗᬤᬾᬦ᭄ᬲᬶᬮᬸᬫᬦ᭄᭞ᬩᬦᬾᬢ᭄ᬯᬭᬫᬢᬶᬢᬶ᭞ᬓᬕ᭄ᬟᭀᬗᬾᬩᬸᬗᬄ᭞ᬩᬶᬮᬶᬄᬲᬂᬫᬦ᭄ᬤᬸ᭠
Kaca:Bali-lontar-gaguritan-prabu-aji-dharma-350ppi.pdf/57
Kaca puniki sampun kauji-wacén
