[᭕᭕ 55B]
᭕᭕
ᬳᬓᬾᬄᬭᬶᬂᬧᬲᬃ᭞ᬚᬦ᭄ᬫᬦᬾᬫᬗᬶᬯᬲᬶᬦ᭄᭟ᬧᬥᬕᬯᭀᬓ᭄ᬩᬦ᭄ᬩᬕᬸᬲᬾᬓᬥᭂ᭠ᬳᭂᬧᬂ᭞ᬢ᭄ᬯᬭᬳᬤᬫᬗᬶᬭᬶᬂ᭞ᬤᬤᬶᬧᬤᬤ᭄ᬯᬦᬦ᭄᭞ᬫᬶᬭᬶᬩ᭄ᬢ᭄ᬯᬭᬵᬤᬚᬮ᭄ᬫ᭞ᬤᬶᬪᬵᬚᬦᬵᬕ
ᬭᬗᬶᬭᬶᬂ᭞ᬗᬾᬦ᭄ᬢᬾᬗᬂᬭᬕ᭞ᬲᬶᬜᬳᭂᬦ᭄ᬢᭀᬩᬦᬾᬰᬓ᭄ᬢᬶ᭟ᬢᬜ᭄ᬘᬭᬶᬢᬫᬸᬃᬜᬶᬜ᭄ᬚᬦ᭄ᬫᬦᬾᬗᭂᬳᭂᬗᬂ᭞ᬲᬂᬧ᭄ᬭᬪᬸᬕ᭄ᬮᬶᬲ᭄ᬫᬫᬃᬕ᭄ᬕᬶ᭞ᬳᬤᭀᬄᬫᬗᬮᬶᬦ᭄ᬢᬂ᭞ᬯᬯᭂᬗ᭄ᬓᭀᬦ᭄ᬪᭀᬚᬧᬸᬭ᭞ᬤ
ᬤ᭄ᬬᬵᬫᬗ᭄ᬕᬶᬄᬢᬫᬦ᭄ᬩ᭄ᬘᬶᬓ᭄᭞ᬫᬢ᭄ᬮᬕᬮᬶᬗ᭄ᬕᬄ᭞ᬕᬸᬫᬶᬦ᭄ᬓᬺᬢ᭄ᬢᬦᬵᬕᬭᬶ᭟ᬧᬜ᭄ᬘᭀᬭᬦᬾᬦᭂᬫ᭄ᬦᭂᬫ᭄ᬫᬧᬶᬦ᭄ᬤᬕᬭᬸᬥ᭞ᬬᬾᬳᬾᬦᬶᬃᬫ᭄ᬫᬮᬵᬳ᭄ᬦᬶᬂ᭞ᬢᬮᬕᬦᬾᬚᬶᬫ᭄ᬩᬃ᭞ᬩᬩᬢᬸᬭᬦᬾ᭠
ᬳᬲᬢ᭄᭞ᬫᬩᬚᬺᬮᬾᬧᬗᬶᬍᬳᬶᬦ᭄᭞ᬫᬓᬦ᭄ᬤᬓᬦ᭄ᬤ᭞ᬓᬓᬬᭀᬦᬦ᭄ᬤᬶᬲᬶᬲᬶ᭟ᬢᬾᬫ᭄ᬩᭀᬓ᭄ᬢᬫᬦᬾᬢ᭄ᬕᭂᬄᬜ᭄ᬮᭂᬧ᭄ᬜᬍᬩᬢ᭄᭞ᬧᬥᬫᬮᬾᬫᬧᬸᬢᬶᬄ᭞ᬕᬕᬭᬧᬦ᭄ᬢᬸᬓᬂ᭞᭠
[᭕᭖ 56A]
ᬓᭀᬭᬶᬳᬕᬸᬗᬾᬗᬕ᭄ᬓᬕ᭄᭞ᬫᬵᬋᬧ᭄ᬓᭂᬮᭀᬤ᭄ᬩᬸᬗᬄᬧᬱ᭄ᬝᬶ᭞ᬫᬧᬸᬮᬲ᭄ᬫᭂᬮᬄ᭞ᬭᬱᬗ᭄ᬕᬦ᭄ᬮ᭄ᬬᬸᬗᬧᬶᬢ᭄᭟ᬯᬾᬦ᭄ᬢᭂᬦ᭄ᬮᭀᬚᬶᬫᭂᬫ᭄ᬧᬢ᭄ᬭᬶᬂᬧᬶᬗ᭄ᬕᬶᬃᬢᬮᬕ᭞ᬩᬸᬗᬳᬾᬢᬶᬤᭀᬂᬕᬶᬕᬶᬲ᭄᭞ᬫ᭠
ᬤᭂᬫ᭄ᬧᬮ᭄ᬫᬧ᭄ᬭᬥ᭞ᬓᭀᬭᬶᬦᬾᬮᬶᬦ᭄ᬢᬂᬩᬸᬗᬄ᭞ᬩᬩᬢᬸᬭᬦ᭄ᬢ᭄ᬕᭂᬄᬧᬱ᭄ᬝᬶ᭞ᬗᭂᬦᬄᬗᬶ᭠ᬮᬶᬮᬦ᭄᭞ᬭᬳᬩᬾᬩᬦ᭄ᬩᬢᬩᬶᬦ᭄᭟ᬢ᭄ᬕᬓ᭄ᬢᬫᬦᬾᬦ᭄ᬕᭂᬳᬶᬦ᭄ᬢᭂᬓᬾᬦ᭄ᬫᬃᬕ᭄ᬕ᭞ᬓ᭄ᬮᭀᬤ᭄ᬗᬶᬮᬶᬮᬦ᭄ᬧ᭠
ᬲᬶᬄ᭞ᬯᬸᬄᬘᬭᬶᬓ᭄ᬩᬦᬢ᭄᭞ᬩ᭄ᬢᬾᬦᬦ᭄ᬜᬦᬾᬓᬚ᭞ᬓᬗᬶᬦ᭄ᬤᬾᬰᬫᬗ᭄ᬕᭂᬦᬳᬶᬦ᭄᭞ᬢ᭄ᬯᬄᬢᬸᬮᬾᬦ᭄ᬓᬤᬶ᭞ᬢᬫᬦᬾᬤᬶᬧ᭄ᬭᬕ᭄ᬚ᭄ᬬᭀᬢᬶ᭟ᬮᬶᬦ᭄ᬢᬂᬫ᭄ᬮᬄᬜᬦ᭄ᬤᬂᬕᬯᭀᬓᬂᬭᬶᬂᬫᬦᬄ᭞
ᬓᬓᬦ᭄ᬢᭂᬦᬾᬩᬵᬲ᭄ᬩᭂᬘᬶᬓ᭄᭞ᬓᬓ᭄ᬮᭂᬩᬸᬢᬦ᭄ᬓᬢᬄ᭞ᬢᭀᬬᬦ᭄ᬳᬶᬧᬸᬦ᭄ᬦᬶᬃᬫ᭄ᬫᬮ᭞᭠ᬧᬦ᭄ᬢᭂᬦ᭄ᬕ᭄ᬦᬄᬯᬶᬥ᭄ᬬᬥᬭᬶ᭞ᬓᬵᬮᬘᬂᬗ᭄ᬓ᭄ᬭᬫ᭞ᬫᬵᬤᬦ᭄ᬤᬶᬧᬹᬃᬡ᭄ᬦᬯᬢᬶ᭟ᬓᬓ᭄ᬮᭂᬩᬸᬢᬦᬾᬫᬸᬭᬸ
Kaca:Bali-lontar-gaguritan-prabu-aji-dharma-350ppi.pdf/56
Kaca puniki sampun kauji-wacén
