[᭕᭔ 54B]
᭕᭔
ᬢᬶᬄᬫᬤ᭄ᬭᬶ᭞ᬢ᭄ᬯᬦ᭄ᬤᬾᬯᬷᬫᬦᬶᬫ᭄ᬩᬮ᭄᭞ᬢᬶᬢ᭄ᬬᬂᬤᭀᬂᬢ᭄ᬯᬭᬧᬜ᭄ᬚᬂ᭞ᬓᬾᬦᬾᬧᬦᬓᬾᬦᬸᬘ᭄ᬭᬶᬓ᭄᭞ᬓᬮᬳᬶᬦ᭄ᬩᬸᬤᬮ᭄᭞ᬚᬢᬦ᭄ᬢᬮᬸᬲ᭄ᬫᬸᬮᬶᬄ᭟ᬧᬶᬲᬦ᭄ᬫᬦ᭄ᬬᬜ᭄ᬚᬮᬦ᭄ᬫᬸᬮᬶᬄᬳᬧᬶ᭠
ᬲᬦᬦ᭄᭞ᬳᬶᬘ᭄ᬦᬶᬂᬧ᭄ᬚᬂᬤᬶᬤᬶ᭞ᬭᬓᬦᬾᬫᬦᬶᬫ᭄ᬩᬮ᭄᭞ᬧᬸᬦᬶᬓᬧᬵᬢᬹᬢ᭄ᬧᬶᬲᬦ᭄᭞ᬢᬶ᭠ᬢ᭄ᬬᬂᬳᬚᬳᬦ᭄ᬫᬧᬫᬶᬢ᭄᭞ᬳᬾᬮᬶᬗᬂᬧᬶᬲᬦ᭄᭞ᬧᬶᬢ᭄ᬓᭂᬢ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭟ᬬᬦ᭄ᬢ᭄ᬯᬄᬳᬤᬚᬮ᭄ᬫᬫ
ᬕᭀᬩᬢ᭄ᬬᬂ᭞ᬫᬳᬶᬗ᭄ᬕᭀᬤᬳᬶᬫᬡ᭄ᬦᬶᬓ᭄᭞ᬲᬵᬫ᭄ᬧᬸᬦ᭄ᬓᬳ᭄ᬬᬸᬦ᭄ᬫᬶᬭᬄ᭞ᬬᬦ᭄ᬢᬶᬢ᭄ᬬᬂᬭ᭠ᬯᬸᬄᬧᬶᬤᬦ᭄᭞ᬢᬶᬢ᭄ᬬᬂᬤᬤᭀᬲ᭄ᬓ᭄ᬤᬶᬲ᭄ᬘᬸᬭᬶᬓ᭄᭞ᬫᬗᬮᬶᬄᬳᬶᬤ᭞ᬧᬸᬦᬶᬓᬕᭂᬕᭂᬚᬢᬶ᭟ᬭᬵ
ᬤᬾᬦ᭄ᬕᬮᬸᬄᬫᬦᬶᬕ᭄ᬩᬮ᭄ᬫ᭄ᬭᬶᬓᬾᬗᭂᬦᬄ᭞ᬭᬶᬂᬳᬶᬤᬩᬧᬳᬚᬶ᭞ᬫ᭄ᬯᬂᬭᬶᬂᬳᬶᬩ᭄ᬯᬵᬚᬷ᭞ᬫᬗ᭄ᬤᬾᬦᬾᬳᬶᬤᬯᬶᬓᬦ᭄᭞ᬢᬶᬗ᭄ᬓᬄᬳᬶᬤᬦᬾᬫᬧᬫᬶᬢ᭄᭞ᬳᬚᬳᬦ᭄ᬩᬸᬤᬮ᭄᭞ᬲᬂᬧ᭄ᬭᬪᬸᬗ᭄ᬭ᭠
[᭕᭕ 55A]
ᬭᬶᬲ᭄ᬫᬫᬃᬕ᭄ᬕᬶ᭟ᬲᬵᬫ᭄ᬧᬸᬦ᭄ᬧᬋᬓ᭄ᬭᬶᬂᬲᬂᬧ᭄ᬭᬫᬶᬰ᭄ᬯᬃᬬ᭄ᬬ᭞ᬫᬳᬢᬹᬃᬲᬳᬪᬓ᭄ᬢᬶ᭞ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂ᭞ᬤᬸᬭᬸᬲ᭄ᬫᬧᬫᬶᬢ᭄ᬩᬸᬤᬮ᭄᭞ᬳᬚᬳᬦ᭄ᬢᬶᬢ᭄ᬬᬂᬫᬯᬮᬶ᭞ᬫᬭᬶᬓᬢᬸᬮᬓ᭄᭞ᬲᬲ᭄ᬯᬾ᭠
ᬦ᭄ᬜᬓᬮᬶᬄᬰᬰᬶᬄ᭟ᬲᬂᬧ᭄ᬭᬪᬸᬫ᭄ᬯᬂᬧ᭄ᬭᬫᬶᬰ᭄ᬯᬭᬶᬫᬗᬦ᭄ᬤᬶᬓ᭞ᬧᬬᬸᬳᬶᬤᬾᬯᬫᬸᬮᬶᬄ᭞ᬩᬧᬢ᭄ᬯᬭᬧᬜ᭄ᬚᬂ᭞ᬓᬾᬯᬮᬳᬾᬗ᭄ᬕᬮ᭄ᬢᭂᬓ᭞ᬧᬥᬍᬫ᭄ᬳᬦᬓᬾᬘ᭄ᬭᬶᬓ᭄᭞ᬓᬾᬦ᭄ᬓᬾᬦ᭄ᬳᬶᬤᬾᬯ᭞ᬗ
ᬮᬶᬄᬢᬸᬢᬸᬢᬦ᭄ᬤᬶᬦᬶ᭟ᬢᭀᬳᬶᬧᬢᬶᬄᬳᭀᬃᬢ᭄ᬣᬳᬶᬦ᭄ᬳᬧᬗᬮᬸᬯᬲ᭄᭞ᬦᬸᬢᬸᬢᬶᬦ᭄ᬤᬾᬯᬫᬸᬮᬶᬄ᭞ᬢ᭄ᬓᬦᬶᬂᬢ᭄ᬕᬓᬦ᭄᭞ᬲᬶᬄᬳᬧᬂᬫᬢᭂᬗ᭄ᬭᬦ᭄᭞ᬧ᭄ᬭᬪ᭄ᬯᬵᬚᬶᬥᬃᬫ᭄ᬫᬜᬯᬸᬭᬶᬦ᭄᭞ᬢᬦ᭄ᬯᬾᬦ᭄ᬢᭂ᭠
ᬦ᭄ᬢᬶᬢ᭄ᬬᬂ᭞ᬯᬦ᭄ᬢᬄᬲᬋᬂᬳᬶᬫᬤ᭄ᬭᬶ᭟ᬤᬾᬦᬶᬂᬢᬶᬢ᭄ᬬᬂᬫᬫᬃᬕ᭄ᬕᬶᬕᬕ᭄ᬮᬶᬲᬦ᭄ᬧᬶᬲᬦ᭄᭞ᬭᬭᬶᬲ᭄ᬫᬧᬫᬶᬢ᭄ᬫᬶᬚᬶᬮ᭄᭞ᬲᬋᬂᬳᬶᬧᬢᬶᬄᬫᬤ᭄ᬭ᭄ᬬ᭞ᬭᬯᬸᬄᬭᬶᬂᬚᬩᬧᬶᬲᬦ᭄᭞ᬢ᭄ᬓᬗ᭄ᬭᬭᬶᬲ᭄ᬫᬫᬃᬕ᭄ᬕᬶ᭞᭠
Kaca:Bali-lontar-gaguritan-prabu-aji-dharma-350ppi.pdf/55
Kaca puniki sampun kauji-wacén
