[᭑᭑ 11B]
᭑᭑
ᬱ᭄ᬝᬶ᭞ᬤᬤᬶᬓᬮᬶᬦ᭄ᬢᬗᬶᬂᬳᬗᭀᬩ᭄᭞ᬲᬂᬤᬵᬓ᭄ᬱᬶᬮᬯᬸᬢ᭄ᬫᬫᬸᬜᬶ᭞ᬦᬾᬳᬤᬩᬗ᭄ᬓᬾᬳᬤᬶ᭞ᬫᬶᬭᬶᬩ᭄ᬫᬧᬲᬄᬳᬶᬢ᭄ᬮᬸᬦ᭄᭞ᬚᬦᬶᬦᬾᬲᬸᬩᬧᬸᬭᬓ᭄᭞ᬲᬗᬭᬶᬓᬮᬶᬄᬜᬕ᭄ᬚᬕᬶ᭠
ᬦ᭄᭞ᬢᬦ᭄ᬧᬗᬶᬢᬸᬂ᭞ᬫᬗ᭄ᬭᭀᬓᬾᬄᬳᬚᬓ᭄ᬢᬢᬶᬕ᭟ᬧ᭄ᬗᬶᬢᬾᬗ᭄ᬩᭂᬓᬶᬦ᭄ᬓ᭄ᬱᬾᬢᬺ᭞ᬘᬶᬘᬶᬗᬾᬲ᭄ᬮᭂᬫ᭄ᬜ᭄ᬚᬕ᭄ᬚᬕᬶᬦ᭄᭞ᬤᬿᬯᬷᬤᬵᬓ᭄ᬱᬶᬦᬾᬓᬳᭀᬚᭀᬕ᭄᭞ᬫᬜᬮᬸᬂᬗᬶᬍ
ᬳᬶᬦ᭄ᬩᬢᬶᬲ᭄᭞ᬫᬶᬭᬶᬩ᭄ᬫᬫᬶᬢᬸᬢᬸᬭᬶᬦ᭄᭞ᬤᬓᬓᬾᬦᬾᬤᬢᬲᬮᬸᬓ᭄᭞ᬤᬿᬯᬷᬤᬵᬢᬶᬳᬗᬸᬘᬧ᭄᭞ᬘᬶᬘᬶᬗᬾᬳᭂᬫ᭄ᬩᭀᬓ᭄ᬳᭂᬦ᭄ᬢᬸᬗᬶᬦ᭄᭞ᬢᬦ᭄ᬓᬤᬸᬭᬸᬲ᭄᭞ᬳᬶᬧᬸᬦ᭄ᬫᬜᬮᬸᬂᬤᬶ
ᬲ᭄ᬫ᭟ᬤᬿᬯᬷᬤᬵᬓ᭄ᬱᬶᬭᬭᬶᬲ᭄ᬗᬢᬢ᭄᭞ᬮᬬᬄᬫᬗᭂᬦ᭄ᬢᬸᬗᬶᬜ᭄ᬘᬶᬘᬶᬂ᭞ᬲᬂᬤᬵᬢᬷ᭠ᬫᬮᬶᬄᬓᬳᭀᬚᭀᬕ᭄᭞ᬜᬮᬸᬂᬳᬶᬭᬶᬓᬗᬶᬍᬳᬶᬦ᭄᭞ᬭᬭᬶᬲ᭄ᬓᬳᭂᬦ᭄ᬢᬸᬗᬶᬦ᭄ᬳᬢᬶ᭞ᬓᬘ᭠
[᭑᭒ 12A]
ᬧ᭄ᬮᭀᬓ᭄ᬫᬮᬶᬄᬫᬜᬮᬸᬂ᭞ᬫᬗᭀᬚᭀᬕ᭄ᬤᬿᬯᬷᬤᬵᬢ᭞ᬩᬳᬸᬓᬳᭂᬦ᭄ᬢᬸᬗᬶᬦ᭄ᬳᬶᬲᬶ᭞ᬕ᭄ᬮᬶᬲ᭄ᬓᬲ᭄ᬕᬸᬢ᭄᭞ᬲᬂᬧ᭄ᬭᬪᬸᬦᬸᬮᬶᬫᬢᬸᬮᬓ᭄᭟ᬭᬯᬸᬄᬤᬶᬚ᭄ᬭᭀᬓᬲᬗᬶᬤᬂ᭞ᬤᬤᬶᬧᬶᬦᭂᬄ
ᬤᬶᬳᬢᬶ᭞ᬳ᭄ᬦᬾᬳᬤᬧᬘᬂᬳᬫ᭄ᬩᬄ᭞ᬫ᭄ᬲᬸᬯᬂᬧᬶᬢᬸᬢᬸᬃᬩ᭄ᬘᬶᬓ᭄᭞ᬬᬾᬦ᭄ᬢ᭄ᬯᬭᬳᬤᬕᬶᬲᬶ᭞ᬧ᭄ᬟᬲ᭄ᬩᬜᬢᭀᬂᬓᬕᬸᬕᬸ᭞ᬩᬳᬸᬳᬲᬧᬸᬦᬶᬓ᭞ᬧᬂᬧᬶᬦᭂᬳᬾᬭᬶᬚ᭄ᬭᭀᬦᬶᬗ᭄ᬳᬢᬶ᭞ᬓ᭠
ᬕᬾᬢ᭄ᬭᬯᬸᬄ᭞ᬲᬂᬧᬸᬢ᭄ᬭᬷᬫᬓᬢᬢᬶᬕ᭟ᬭᬭᬶᬲ᭄ᬗᭀᬚᭀᬕ᭄ᬭᬶᬂᬧᬫᬺᬫᬦ᭄᭞ᬫᬮᬶᬗ᭄ᬕᬶᬄᬲᬫᬶᬫᬲᬦ᭄ᬤᬶᬂ᭞ᬳ᭄ᬩᭀᬦᬾᬫᬶᬬᬶᬓ᭄ᬫᬗᭀᬭᭀᬩ᭄᭞ᬤᬾᬦᬶᬂᬢᬗᬃᬲᬋᬂᬲᬫᬶ᭞ᬫᬲᬶᬭ᭠
ᬫ᭄ᬫᬭᬭᬤᬶᬦ᭄᭞ᬫᬍᬗᬶᬲ᭄ᬫᬶᬬᬶᬓ᭄ᬲᬢᬫ᭄ᬩᬸᬮ᭄᭞ᬫᬶᬬᬶᬓ᭄ᬜᬦᬾᬩᬸᬮᬦᬦ᭄᭞ᬗᬗ᭄ᬭ᭠ᬭᬶᬲ᭄ᬫᬺᬫ᭄ᬜᬶᬲᬶᬦᬶᬦ᭄᭞ᬳᬶᬤᬲᬂᬧ᭄ᬭᬪᬸ᭞ᬫᬧᬶᬫᬧᬶᬢᬦ᭄ᬳᬸᬦᬶᬗ᭟ᬲᬂᬧ᭄ᬭᬪᬸᬫᬢᬗᬶᬓᬕ᭄ᬬᬢ᭄᭞᭠
Kaca:Bali-lontar-gaguritan-prabu-aji-dharma-350ppi.pdf/12
Kaca puniki sampun kauji-wacén
