[᭑᭒ 12B]
᭑᭒
ᬭᬭᬶᬲ᭄ᬫᬦᬗᬶᬦᬶᬦ᭄ᬭᬩᬶ᭞ᬫᬢᬗᬶᬲᬫᬶᬓᬂᬯᬤᭀᬦ᭄᭞ᬲᬧ᭄ᬭᬪᬸᬗᬦ᭄ᬤᬶᬓᬫᬦᬶᬲ᭄᭞ᬫᬲ᭄ᬫᬶᬭᬄᬢᬶᬢ᭄ᬬᬂᬗᬶᬧᬶ᭞ᬳᬶᬭᬢᬸᬫᬓᬢᬢ᭄ᬮᬸ᭞ᬓᭀᬘᬧ᭄ᬩᬶᬱᬗ᭄ᬮᬾᬬᬓ᭄᭞ᬳᬶᬤᬾᬯᬲᬂ
ᬤᬵᬢᬇᬓᬶ᭞ᬓᭀᬘᬧ᭄ᬜᭂᬧᭂᬮ᭄᭞ᬳᬶᬲᬶᬚ᭄ᬭᭀᬦᬶᬂᬧᬲᬸᬯᬳᬦ᭄᭟ᬲᬂᬤᬵᬢᬶᬓᭀᬘᬧ᭄ᬜᭂᬧ᭄ᬮᬂ᭞ᬳᬢᬶᬤᬶᬧᬩ᭄ᬯᬦᬾᬧ᭄ᬗᬶᬢ᭄᭞ᬲᬂᬤᬵᬓ᭄ᬱᬶᬓᭀᬘᬧ᭄ᬳᬶᬤᬾᬯ᭞ᬜ᭄ᬧᭂᬮ᭄ᬮᬬᬄ
ᬩᬗ᭄ᬓᬾᬧ᭄ᬗᬶᬢ᭄᭞ᬤᬶᬧᬘ᭄ᬭᬓᬾᬦᬾᬚᬦᬶ᭞ᬲᬂᬤ᭄ᬬᬄᬢᬗ᭄ᬓᭂᬚᬸᬢ᭄ᬫᬘ᭄ᬩᬸᬃ᭞ᬫᬦᬢᬲ᭄ᬦᬾᬓᬳᬸᬘᬧ᭄᭞ᬤᬤᬶᬲᬚᬧᬥᬫᬶᬲᬶ᭞ᬤᬿᬯᬷᬤᬵᬓ᭄ᬱᬶ᭞ᬗᬦ᭄ᬤᬶᬓᬬᬂᬚ᭄ᬗᬧᬶᬲᬦ᭄᭟
ᬧ᭄ᬤᬲ᭄ᬩᬦ᭄ᬢ᭄ᬬᬂᬳᬶᬩᬶᬲᬜ᭄ᬚ᭞ᬢ᭄ᬯᬄᬳᬶᬬᬫᬦ᭄ᬤᬤᬶᬘᬶᬘᬶᬂ᭞ᬲ᭄ᬮᭂᬫ᭄ᬍᬫᬸᬄᬩ᭄ᬯᬶᬦ᭄ᬫᭀᬓᭀᬄ᭞ᬮᬬᬳᬾᬢ᭄ᬬᬂᬗᭂᬦ᭄ᬢᬸᬗᬶᬦ᭄᭞ᬤᬿᬯᬷᬤᬵᬢᬶᬜᬯᬸᬭᬶᬦ᭄᭞ᬓᬾᬦ᭄ᬓᬾᬦᬂᬩᬳ
[᭑᭓ 13A]
ᬦ᭄ᬫᬜᬭᬸ᭞ᬫᬲᬶᬄᬫᬕᭀᬩᬢᬶᬗ᭄ᬕᬃ᭞ᬳᬶᬲᬶᬦᬾᬢ᭄ᬬᬂᬗᭂᬦ᭄ᬢᬸᬗᬶᬦ᭄᭞ᬤᬤᬶᬚᬦᬶᬓᬢ᭄ᬧᬸᬓ᭄ᬳᭂᬦ᭄ᬢᭀᬯᬮᬸᬬ᭟ᬤᬿᬯᬷᬤᬵᬢᬶᬮᬶᬯᬢ᭄ᬓ᭄ᬭᭀᬥ᭞ᬫᬶᬭᬶᬩ᭄ᬩ᭄ᬯᬶᬦ᭄᭞ᬧ᭄ᬲᬸᬳᬧᬶ᭞ᬫᬗ
ᬦ᭄ᬤᬶᬓᬫᬲᬲᬸᬫ᭄ᬩᬃ᭞ᬮᬶᬯᬢ᭄ᬩᬦ᭄ᬜᬗ᭄ᬩᬸᬲᬶᬦ᭄᭞ᬓ᭄ᬦᭂᬳᬾᬩᬸᬓᬚᬦᬶ᭞ᬦᬄᬬᬾᬦ᭄ᬢ᭄ᬯᬭᬲᬶᬤ᭄ᬟᬗ᭄ᬮᬸᬦ᭄ᬢᬸᬓ᭄᭞ᬤᬶᬢᬦᬳᬾᬜᬍᬫ᭄ᬧᬄ᭞ᬳᬾᬤᬍᬫ᭄ᬩᬶᬱᬫᬦ᭄ᬤᬾᬱ᭄ᬝᬶ᭞ᬳᬶᬤᭀᬳᬶ
ᬤᭀ᭞ᬫᬸᬮᬫᬦ᭄ᬢ᭄ᬭᬢᬢᬫ᭄ᬬᬦ᭄᭟ᬤᬿᬯᬷᬤᬵᬢᬶᬭᬭᬶᬲ᭄ᬜᬕ᭄ᬚᬕ᭄᭞ᬗ᭄ᬮᬸᬢ᭄ᬳ᭠ᬤᬦᬿᬯᬷᬤᬵᬓ᭄ᬱᬶ᭞ᬢᬶᬢ᭄ᬬᬂᬦ᭄ᬤᬯᭂᬕ᭄ᬢᬶᬢ᭄ᬬᬂᬳᬶᬫ᭄ᬩᭀᬓ᭄᭞ᬳᬾᬮᬶᬗᬂᬓ᭄ᬭᬫᬦᬾᬩ᭄ᬘᬶᬓ᭄᭞᭠
ᬲᬵᬫ᭄ᬧᬸᬦ᭄ᬩᬗᭂᬢ᭄ᬗᬸᬮᬸᬭᬶᬦ᭄᭞ᬓᬳ᭄ᬬᬸᬦ᭄ᬫᬜᬾᬤ᭄ᬟᬬᬓᬓᬸᬂ᭞ᬳᬾᬮᬶᬗᬂᬤᬸᬓᬾ᭠ᬓᬾᬢᭀ᭞ᬳᬧᬯᬤᬲᬸᬩᬩᬗ᭄ᬓᬶᬢ᭄᭞ᬓᭂᬩ᭄ᬬᬃᬓᭂᬩ᭄ᬬᬸᬃ᭞ᬭᬱᬦ᭄ᬜᬩᬸᬓᬤᬶᬰ᭄ᬯᬃᬕ᭄ᬕᬦ᭄᭟
Kaca:Bali-lontar-gaguritan-prabu-aji-dharma-350ppi.pdf/13
Kaca puniki sampun kauji-wacén
