[᭑᭐ 10B]
᭑᭐
ᬩᬸᬮᬦ᭄᭞ᬲᬂᬧ᭄ᬭᬪᬸᬗᭂᬦᬳᬶᬦ᭄ᬭᬩᬶ᭞ᬫᬳᬶᬫ᭄ᬬᬦᬦ᭄ᬓᬭᬲᬶᬓᬦ᭄᭞ᬦᬾᬫᬗ᭄ᬓᬶᬜ᭄ᬘ᭄ᬭᬶᬢᬦᭂᬦ᭄ᬢ᭄ᬗᬶ᭞ᬲᬂᬧ᭄ᬭᬪᬸᬮᬦ᭄ᬲᬂᬧᬸᬢ᭄ᬭᬶ᭞ᬫᬵᬧᬶᬫᬢᬸᬭᬸᬧᬥᬯ᭄ᬭᬸᬄ᭞ᬲᬂᬧ᭄ᬭᬪᬸᬳᬚᬶᬥᬃᬫ᭄ᬫ᭞ᬫᬧᬶᬲᬶ᭠
ᬋᬧ᭄ᬲᬤᬳᬭᬶᬲ᭄᭞ᬦᬵᬗ᭄ᬳᬶᬂᬳᬶᬤ᭞ᬫᬶᬋᬗᬂᬭᬯᭀᬲ᭄ᬲᬂᬧᬸᬢ᭄ᬭ᭄ᬬ᭟ᬤᬾᬯᬶᬤᬵᬓ᭄ᬱᬶᬫᬗᬦ᭄ᬤᬶᬓ᭞ᬳᬤᬶᬤᭀᬂᬚᬮᬦ᭄ᬦᬾᬚᬦᬶ᭞ᬫᬸᬂᬧᬸᬂᬭᬓᬦ᭄ᬳᬤᬶᬗ᭄ᬮᬸᬫᬄ᭞ᬫᬓ᭄ᬮᭀᬢᭀᬂᬢᬳᬾ
ᬦ᭄ᬫᬮᬮᬶ᭞ᬓᬲ᭄ᬫᬦᬾᬦ᭄ᬕᬭᬶᬦ᭄᭞ᬗ᭄ᬮᭂᬓᬲᬂᬫᬦ᭄ᬢ᭄ᬭᬦᬾᬫᬮᬸ᭞ᬬᬾᬦ᭄ᬓᬾᬦ᭄ᬓᬾᬦ᭄ᬢᭀ᭠ᬘᬬᬦ᭄ᬜ᭞ᬳ᭄ᬦᬸᬩᬸᬓᬭᬶᬳᬶᬦ᭄ᬭᬶᬳᬶᬦ᭄᭞ᬭᬱᬢ᭄ᬧᬸᬓ᭄᭞ᬢ᭄ᬬᬂᬩᬗ᭄ᬓᬾᬦᬾᬤᬶᬲ᭄ᬫ᭟ᬲᬤ᭄ᬬᬄᬓ᭠
ᬮᬶᬄᬫᬗᬶᬭᬶᬗᬂ᭞ᬭᬯᬸᬄᬭᬶᬂᬓ᭄ᬱᬾᬢ᭄ᬭᬫᬗ᭄ᬭᬭᬶᬲ᭄᭞ᬯᬾᬦ᭄ᬢᭂᬦ᭄ᬗᭀᬚᭀᬕ᭄ᬧᬫᬸᬳᬸᬦᬦ᭄᭞ᬯᬾᬦ᭄ᬢᭂᬦ᭄ᬓᬥᬍᬫ᭄ᬫᬗ᭄ᬭᬭᬶᬲ᭄᭞ᬲᬵᬫ᭄ᬧᬸᬫᬂᬗ᭄ᬮᭂᬓᬲ᭄ᬲᬫᬶ᭞ᬧ᭄ᬭᬪᬸᬚᬶᬥᬃᬫ᭄ᬫᬵᬫᬸ᭠
[᭑᭑ 11A]
ᬗᬸ᭞ᬗ᭄ᬭᬯᭀᬲ᭄ᬭᬶᬂᬧᬓᬳ᭄ᬬᬸᬦᬦ᭄᭞ᬓᬮᬶᬗᬦᬾᬩᬶᬱᬲᬫᬶ᭞ᬲᬮᬄᬲᭂᬗ᭄ᬕᬸᬄ᭞ᬚ᭄ᬕᬾᬕᬾᬩᬶᬱᬗ᭄ᬮᬾᬬᬓ᭄᭟ᬦ᭄ᬤᬄᬳᬶᬦ᭄ᬤᬬᬂᬓ᭄ᬫᭂᬯᬲ᭄ᬯᬲ᭄᭞ᬓᬃᬯ᭄ᬯᬦᬓᬾᬦ᭄ᬧᬶᬦᬶᬄᬰᬓ᭄ᬢᬶ᭞ᬫᬗ᭄ᬭᬭᬶᬲ᭄ᬢᭂ᭠
ᬥᬸᬦ᭄ᬫᬫᬃᬕ᭄ᬕ᭞ᬭᬯᬸᬄᬭᬶᬂᬓ᭄ᬱᬢᬺᬫᬦ᭄ᬤᬤᬶ᭞ᬳᬲᬸᬲ᭄ᬮᭂᬫ᭄ᬫᬍᬗᬶᬲ᭄᭞ᬫᭀᬓᭀᬄᬍᬫᬸᬄᬓᬶᬮᬂᬓᬶᬮᬸᬂ᭞ᬩᬢᬦ᭄ᬓ᭄ᬧᬸᬳᬾᬗᭀᬚᭀᬕ᭄᭞ᬲᬓᬶᬂᬳᬶᬭᬶᬓᬓᬳᬓ᭄ᬱᬶ᭞ᬭᬭᬶᬲ᭄ᬭᬯᬸᬄ᭠
ᬲᬂᬧᬸᬢ᭄ᬭᬷᬓ᭄ᬭᬸᬭᬭᬹᬧ᭟ᬤᬿᬯᬷᬤᬵᬓ᭄ᬱᬶᬲᬓᬶᬂᬰᬷᬯ᭞ᬤ᭄ᬯᬭᬦᬾᬫᬶᬚᬶᬮᬂᬕ᭄ᬦᬶ᭞ᬓ᭄ᬭᬸᬭ᭠ᬫᬓ᭄ᬤᬸᬲ᭄ᬮᭀᬮᭀᬃᬤᬿᬯᬶᬤᬵᬢᬷᬲᬓᬶᬂᬩᬶᬩᬶᬄ᭞ᬳᬧᬶᬦᬾᬫᬸᬜ᭄ᬘ᭄ᬭᬢ᭄ᬗᭂᬦ᭄ᬤᬶᬄ᭞ᬤᬿᬯᬷᬤᬵᬢ᭠
ᬲᬓᬶᬂᬲᬸᬭᬸᬓ᭄᭞ᬳᬧᬶᬦᬾᬫᬗᬸᬮᬾᬮᬫ᭄᭞ᬧᬢ᭄ᬮᬤ᭄ᬢᬤ᭄ᬗᭂᬩᭂᬓᬶᬦ᭄ᬕᬸᬫᬶ᭞ᬫᬮᬶᬄ᭠ᬤᬸᬤᬸᬂ᭞ᬲᬃᬯ᭄ᬯᬲᬦ᭄ᬤᬶᬯᬶᬚᬶᬮ᭄ᬳᬧ᭄ᬬᬧ᭄ᬭᬪᬸᬳᬚᬶᬥᬃᬫ᭄ᬫᬜᬶᬗᬓ᭄᭞ᬭᬩᬶᬦᬾᬩᬶᬱᬫᬦ᭄ᬤᬾ᭠
Kaca:Bali-lontar-gaguritan-prabu-aji-dharma-350ppi.pdf/11
Kaca puniki sampun kauji-wacén
