[᭒᭔ 24B]
᭒᭔
ᬦ᭄᭞ᬗᬯᬶᬢ᭄ᬳᬸᬓᬸᬲᬶᬦ᭄ᬢᬵᬳᬶᬓᬸ᭞ᬪᬝᬭᬶᬭᬢᬶᬄᬧᬶᬦᬸᬚ᭄ᬚᬵ᭞ᬩᬸᬤᬓ᭄ᬮᬶᬯᭀᬦ᭄ᬫ᭠ᬳᬬᬸᬰᬭᬷᬭᬤᬸᬫᬸᬦ᭄᭞ᬫᬲᬸᬲᬹᬃᬪᬦᬾᬦ᭄ᬤᬵᬕ᭄ᬲᬹᬃᬬ᭄ᬬ᭞ᬫᬯᬱ᭄ᬝᬵᬳᬧᬕᭂᬃᬯ᭄ᬯᭂᬲᬶ᭚ᬫᬗ᭄ᬓᬶᬦ᭄ᬢ᭄ᬫ᭄ᬧᭂ
ᬓ᭄ᬮᬦ᭄ᬤᭂᬧ᭄ᬓᭀᬘᬧ᭄᭞ᬢᬦ᭄ᬮ᭄ᬬᬦ᭄ᬳᬶᬤᬳ᭄ᬬᬂᬧᬲᬸᬧᬢ᭄ᬢᬶᬓᬵᬧᬸᬚᬶ᭞ᬮᭂᬮᬦ᭄ᬤᭂᬧ᭄ᬲᬫᬶᬧᭂᬳᬬᬸ᭞ᬳᭀᬤᬮᬦ᭄ᬲᬃᬯ᭄ᬯᬵᬲᬜ᭄ᬚᬢ᭞ᬬᬦ᭄ᬯᬭᬶᬕ᭄ᬕᬵ᭞ᬰᬦᬶᬰ᭄ᬘᬭᬓ᭄ᬮᬶᬯᭀᬦ᭄ᬳᬶᬓᬸ᭞ᬪᬝᬭᬶᬰ᭄ᬭᬷᬓᬂᬧᬶᬦᬸᬚᬵ᭞
ᬲᬃᬯ᭄ᬯᬢᬸᬫᬸᬯᬸᬄᬫᬳᬸᬭᬶᬧ᭄᭚ᬯ᭄ᬭᬲ᭄ᬧᬢᬶᬯᬕᬾᬦᬶᬂᬲᬸᬗ᭄ᬲᬂ᭞ᬫᬶᬯᬄᬰᬸᬓᬺᬓ᭄ᬮᬶᬯᭀᬦ᭄᭠ᬜᬫᬮᬶᬄᬪᬝᬭᬵᬭᬹᬤᬺᬢᬸᬫᬸᬭᬸᬦ᭄᭞ᬗᬸᬭᬶᬧᬶᬦ᭄ᬲᬃᬯ᭄ᬯᬪᬹᬱᬡ᭞ᬲᬸᬕᬶᬫᬦᬾᬓ᭄᭞ᬓᭀᬘ
ᬧ᭄ᬯᬱ᭄ᬝᬜᬦᬾᬳᬶᬓᬸ᭞ᬅᬗ᭄ᬕᬭᬯᬕ᭄ᬕᬾᬤᬸᬗ᭄ᬕᬸᬮᬦ᭄᭞ᬢ᭄ᬫᬸᬦ᭄ᬳᬮᬵᬚᬬᬵᬯ᭄ᬬᬓ᭄ᬢᬶ᭚᭠ᬦ᭄ᬫᬵᬯ᭄ᬦᬂᬫᬩ᭄ᬬᬓᬵᬮ᭞ᬗ᭄ᬮᬸᬯᬭᬓᭂᬦ᭄᭞ᬫᬮᬦᬶᬂᬰᬭᬷᬭᬯ᭄ᬬᬓ᭄ᬢᬶ᭞ᬫᬲ᭄ᬫᬵᬬᬸᬢ᭄ᬫᬗ᭄ᬤᬾᬦ᭄ᬳᬬᬸ
[᭒᭕ 25A]
ᬩᬸᬤᬓ᭄ᬮᬶᬯᭀᬦ᭄ᬜᬦᬾᬓᭀᬘᬧ᭄᭞ᬲᬂᬳ᭄ᬬᬂᬫᬳᬵᬤᬾᬯ᭄ᬯᬵᬧᬶᬦᬸᬚ᭄ᬚᬶᬧᬸᬦᬶᬓᬸ᭞ᬳᬗᬸᬭᬶᬧᬶᬦ᭄ᬩᬮᬸᬂᬳᬸᬯᬢ᭄᭞ᬓᬂᬯᭀᬂᬯ᭄ᬦᬂᬲ᭄ᬫᬵᬬᬸᬢᬶᬦ᭄᭚ᬬᬤᬶᬦ᭄ᬭᬶᬂᬲᬗ᭄ᬕᬄᬓ᭄ᬫᬸᬮᬦ᭄᭞ᬢᬍᬃᬧᬢᬸᬢ᭄ᬫᬢᬸᬭ
ᬦ᭄ᬩᭂᬩᬦ᭄ᬢᭂᬦ᭄ᬓᬶᬤᬶᬓ᭄᭞ᬓᬸᬦᬶᬗᬦ᭄ᬫᬵᬮᬶᬄᬓᬯᬸᬯᬸᬲ᭄᭞ᬭᬶᬦ᭄ᬰᬦᬶᬰ᭄ᬘᬭᬓ᭄ᬮᬶᬯᭀᬦ᭄ᬜ᭞ᬲᬂᬳ᭄ᬬᬂ᭠ᬕᬸᬭᬹᬧᬶᬦᬸᬚ᭄ᬚᬓᬮᬵᬧᬸᬦᬶᬓ᭞ᬫᬢᬸᬭᬦ᭄ᬭᬶᬂᬲᬗ᭄ᬕᬄ᭞ᬢᬍᬃᬜᬶᬭᬶᬬᬂᬲᬸᬪᬓ᭄ᬢᬶ᭚ᬭᬯᬸᬄᬳᬶᬂᬚᬦ᭄ᬫᬵ
ᬦᬾᬲᬫ᭄ᬬᬦ᭄᭞ᬫᬲ᭄ᬫᬵᬬᬸᬢ᭄᭞ᬫᬓ᭄ᬱᬦ᭄ᬜᬦᬾᬫᭂᬗᬸᬭᬶᬧᬶᬦ᭄᭞ᬘᬃᬫ᭄ᬫᬵᬤᬕᬶᬂᬯ᭄ᬯᬵᬢ᭄ᬲᬫ᭄ᬧᬸᬦ᭄᭞ᬩᬸᬤᬓ᭄ᬮᬶᬯᭀᬦ᭄ᬧᬳᬂᬓᭀᬘᬧ᭄᭞ᬲᬂᬬᬂᬰᬶᬯ᭄ᬯᬵ᭞ᬧᬶᬦᬸᬚ᭄ᬚᬓᬮᬵᬧᬸᬦᬶᬓᬸ᭞ᬗᬶᬮᬗᬓᭂᬦ᭄ᬫᬵ
ᬮᬦ᭄ᬫᬦᬄ᭞ᬫᬢᬸᬭᬦ᭄ᬭᬶᬂᬲᬗ᭄ᬕᬄᬫᬮᬶᬄ᭚ᬓ᭄ᬭᬸᬮᬸᬢ᭄ᬰᬦᬶᬰ᭄ᬘᬭᬵᬓ᭄ᬮᬶᬯᬦ᭄᭞ᬳ᭄ᬬᬂᬇᬰ᭄ᬯᬭᬵᬳᬶᬤᬵᬓᭀᬘᬧ᭄ᬓᬂᬧᬶᬦᬸᬚ᭄ᬚᬶ᭞ᬲᬃᬯ᭄ᬯᬫᬳ᭄ᬮᬃᬢᬸᬯᬸᬯᬸᬄ᭞ᬢᬸᬫ᭄ᬧᭂᬓ᭄ᬳᬸᬬᬾᬳᬸᬘᬧᬂ᭞ᬲᬂᬳ᭄ᬬᬂᬩ᭄ᬭᬳ᭄ᬫᬵᬧᬶᬦᬸᬚᬶᬓ᭠
Kaca:Bali-lontar-gaguritan-panca-yajnya-350ppi.pdf/25
Kaca puniki sampun kauji-wacén
