[᭒᭕ 25B]
᭒᭕
ᬮᬵᬧᬸᬦᬶᬓᬸ᭞ᬳᬗᬸᬭᬶᬧᬶᬲᬃᬯ᭄ᬯᬵᬲᬢᭀ᭞ᬢᬸᬫ᭄ᬧᭂᬓ᭄ᬯᬬᬂᬘ᭄ᬭᬶᬢ᭄ᬣᬫᬮᬶᬄ᭚ᬲᬂᬳ᭄ᬬᬂᬪᬭᬹᬡᬵᬧᬶᬦᬸᬚ᭄ᬚ᭞ᬳᬗᬸᬭᬶᬧᬶᬦ᭄ᬓᬂᬲᬃᬯ᭄ᬯᬫᬶᬡ᭄ᬦᬦᬾᬲᬫᬶ᭞ᬯ᭄ᬦᬂᬫᬢᬸᬭᬦ᭄ᬩᬸᬩᬸᬄ᭞ᬳᬸᬢᬶᬄᬳᬪᬂᬮᬦ᭄ᬢ
ᬗᬦ᭄᭞ᬤᭀᬦ᭄ᬳᬶᬦ᭄ᬢᬭᬦ᭄᭞ᬫᬮᬶᬄᬩᬸᬤ᭄ᬥᬵᬯᬕᭂᬓ᭄ᬮᬵᬯᬸ᭞ᬳ᭄ᬬᬂᬇᬰᭀᬭᬧᬶᬦᬸᬚ᭄ᬚᬵ᭞ᬳᬗᬸᬭᬶᬧᬶᬦ᭄ᬳᭂᬫᬲ᭄ᬧᬶᬧᬶᬲ᭄᭚ᬰᬦᬶᬰ᭄ᬘᬭᬫᬦᬶᬲ᭄ᬓᭀᬘᬧ᭄᭞ᬯᬢᬸᬕᬸᬦᬸᬂ᭠
ᬳ᭄ᬬᬂᬰ᭄ᬯᬭᬰ᭄ᬯᬢ᭄ᬢᬶᬧᬶᬦᬸᬚ᭄ᬚᬶ᭞ᬫᬕᭂᬳᬓᭂᬦ᭄ᬢᬸᬢᬹᬃᬢᬸᬢᬸᬭ᭄᭞ᬫ᭄ᬯᬂᬗᬸᬭᬶᬧᬶᬦ᭄ᬓᬂᬳᬓ᭄ᬱᬭᬵ᭞ᬢᬹᬃᬗᭀᬤᬮᬶᬦ᭄ᬲᬂᬳ᭄ᬬᬂᬰᬭᬰ᭄ᬯᬢ᭄ᬢᬶᬳᬶᬓᬸ᭞ᬳᬢᬸᬢᬸᬢ᭄ᬜᬗᭂᬤᬲᬼᬫᬳᬂ᭞ᬫᬦ᭄ᬥᬸᬲ᭄ᬫᬓᬸᬫ᭄ᬓᬸᬫᬦ᭄ᬯ᭄ᬬ
ᬓ᭄ᬢᬶ᭞ᬯᬸᬲ᭄ᬫᬢᬶᬃᬢ᭄ᬣᬵᬫᬮᬩᬳᬦ᭄᭞ᬢᬹᬃᬮᭀᬮᭀᬄ᭞ᬩᬜᬸᬦ᭄ᬧᬶᬦᬭᬸᬄᬓ᭄ᬯᬲ᭄ᬢᬦᬶᬦ᭄᭞ᬫ᭄ᬭᬢᬬᬂᬫᬗ᭄ᬤᬾᬦ᭄ᬭᬳᬬᬸ᭞ᬢᬦ᭄ᬲᭀᬘᬧᬦ᭄ᬭᬶᬂᬯᭀᬕ᭄ᬘᬫᬄ᭞ᬳᬓᭂᬲᭀᬭᬾ᭞ᬓᬦ᭄ᬢᬶᬳᭂᬦ᭄ᬤᬕ᭄ᬩᬶᬦ᭄ᬢᬂᬳᬶᬓᬸ᭞ᬤᬤᭀᬲ᭄ᬯᬳᬸᬫᬲᬶᬋᬧᬦ᭄᭞ᬧᬸᬧᬸᬢ᭄ᬩ᭄ᬭᬢ᭄ᬣᬵᬜᬭᬰ᭄ᬯᬢᬶ᭚
[᭒᭖ 26A]
ᬬᬦ᭄ᬓ᭄ᬯᬾᬦ᭄ᬢᭂᬦᬦ᭄ᬲᬂᬳ᭄ᬬᬂᬰᬲ᭄ᬢ᭄ᬭ᭞ᬢᬦ᭄ᬮ᭄ᬬᬦ᭄ᬳᬶᬤ᭄ᬥᬵᬲᬤ᭄ᬥᬵᬰᬶᬯ᭄ᬯᬵᬫᬗᬃᬬᬦᬶᬦ᭄᭞ᬭᬶᬂᬲᬓᬵᬮᬵᬫᬗ᭄ᬤᬾᬦ᭄ᬫᬦᬹᬢ᭄᭞ᬫᬭᬸᬧᬵᬳ᭄ᬦᭂᬫ᭄ᬲᭀᬭᭀᬳᬦ᭄᭞ᬬᬦ᭄ᬧᬶᬕᭂᬲ᭄ᬧᬫᬃᬕ᭄ᬕᬶ
ᬦ᭄ᬲᬰ᭄ᬢ᭄ᬭᬧᬸᬦᬶᬓᬸ᭞ᬗᬯᬶᬢ᭄ᬫᬯᬱ᭄ᬝᬵᬳᬕᬫᬵ᭞ᬳᬱ᭄ᬝᬵᬤᬰᬵᬯ᭄ᬬᬳᬭᬵᬤ᭄ᬥᬶ᭚ᬓᬧᬶᬂᬭᭀᬳᬚᬶᬯᬱ᭄ᬝᬜ᭞ᬲᬰ᭄ᬢ᭄ᬭᬯᬾᬤ᭄ᬥᬵᬧᬹᬃᬯᬓᬵᬤᬶᬦ᭄ᬜᬲᬫᬶ᭞ᬓᬢᬶᬕᬵᬢᬃᬓ᭄ᬓᬵᬓᬵ᭠
ᬯᬸᬯᬸᬲ᭄᭞ᬲᬃᬯ᭄ᬯᬢ᭄ᬦᬸᬂᬫ᭄ᬯᬂᬯᬭᬶᬕ᭞ᬧᬶᬂᬨᬢ᭄ᬜᬦᬾᬯᬾᬤ᭄ᬬᬯᬱ᭄ᬝᬜᬦᬾᬫᬦᬹᬢ᭄᭞ᬲᬮ᭄ᬯᬶᬃᬦᬶᬂᬲᬰ᭄ᬢ᭄ᬭᬳᬸᬲᬤ᭄ᬥᬵ᭞ᬲᬃᬯ᭄ᬯᬳᬗᬶᬮᬗᬂᬯᬤ᭄ᬥᬶ᭚ᬓᬧᬶᬂᬫᬵᬯ᭄ᬬᬓᬵᬭᬡ᭄ᬦᬵ᭞ᬫᬸ
ᬗ᭄ᬕ᭄ᬯᬶᬂᬕᬶᬢ᭞ᬫ᭄ᬯᬂᬧᬺᬮᬫ᭄ᬩᬂᬕᬶᬦᬸᬭᬶᬢ᭄᭞ᬓ᭄ᬦᭂᬫ᭄ᬦᬶᬢ᭄ᬣᬯᬱ᭄ᬝᬦᬶᬧᬸᬦ᭄᭞ᬲᬰ᭄ᬢ᭄ᬭᬳᬸᬗ᭄ᬕ᭄ᬯᬶᬂᬧᬯᬶᬮᬗᬦ᭄᭞ᬫ᭄ᬯᬂᬭᬶᬂᬳᬗ᭄ᬕᬵ᭞ᬳᬚᬶᬯ᭄ᬕᬶᬕ᭄ᬢ᭄ᬯᬄᬧᭂᬧᬶᬢᬸ᭞ᬦᬭᬜ᭄ᬚᬦᬧᬧᬲᬗᬦ᭄ᬫᬳᬸᬮᬄ
Kaca:Bali-lontar-gaguritan-panca-yajnya-350ppi.pdf/26
Kaca puniki sampun kauji-wacén
