[᭒᭓ 23B]
᭒᭓
ᬘ᭄ᬘᬶᬫᬗ᭄ᬤᬤᬶᬤᬹᬃᬖ᭄ᬕᬵ᭞ᬦᬫ᭄ᬧᬶᬳᬢᬸᬭᬦ᭄ᬯᭀᬂᬫᬢᬶ᭞ᬓᬳᬸᬘᬧ᭄ᬳᬶᬤᬫᬦᬗ᭄ᬕᬧ᭄᭞ᬳᬢᬸᬭᬦ᭄ᬧ᭄ᬭᬚ᭄ᬚᬵᬧᬢ᭄ᬢᬶ᭞ᬲᬤ᭄ᬥᬵᬲᭂᬭᬶᬂᬳᬶᬤᬫᬹᬓ᭄ᬢᬶ᭞ᬭᬭᬶᬲ᭄ᬰᬰᬶᬄᬓ᭄ᬦᭂᬫ᭄ᬭᬯᬸᬄ᭞ᬲᬶᬬᭂᬧ᭄ᬳᬦᬓᬾᬫᬵ
ᬢᬸᬭᬦ᭄᭞ᬢᬦ᭄ᬧᭀᬮᬶᬄᬳᬶᬤ᭄ᬥᬵᬫᬫᬹᬓ᭄ᬢᬶ᭞ᬓᭂᬕᬸᬫᬶᬦᬾ᭞ᬳᬶᬤᬜᬸᬲᬸᬧ᭄ᬗ᭄ᬤᬤᬶᬪᬹᬝ᭚ᬓ᭄ᬩᬸᬲ᭄ᬧᬦᭂᬲ᭄ᬓᬂᬦᬵᬕᬭ᭞ᬳᬗ᭄ᬲᭂᬗᬦ᭄ᬪᬝᬭᬶᬲᬸᬘ᭄ᬘᬶ᭞ᬫᬜᬸᬲᬸᬧ᭄ᬲᬚ᭄ᬭᭀᬦᬶᬂᬢᬦᬄ᭞ᬕᭂ
ᬭᬵᬢ᭄ᬓᬂᬪᬹᬯᬦᬲᬫᬶ᭞ᬪᬝᬭᬓᬾᬯᭂᬄᬫᬶᬦᭂᬳᬶᬦ᭄᭞ᬳ᭄ᬬᬂᬦᬯ᭄ᬯᬵᬲᬗ᭄ᬳᬫᬦᬸᬮᬸᬂ᭞ᬳ᭄ᬧᬂᬪᬬᬸᬓ᭄ᬭᬲ᭄ᬗᬫ᭄ᬧᭂᬳᬂ᭞ᬫᬗ᭄ᬤᬾᬦ᭄ᬜᬫ᭄ᬧᬹᬃᬡ᭄ᬦᬬᬂᬓᬶᬤᬶᬓ᭄᭞ᬫᭂᬭᭀᬢ᭄ᬢᬯᬸᬓ᭄᭞ᬯᬱ᭄ᬝᬜᬩᬦᬾ
ᬦ᭄ᬓᬲᬗ᭄ᬳᬵ᭚ᬢᬶᬍᬫ᭄ᬓᬯᬸᬮᬦᬾᬓᭀᬘᬧ᭄᭞ᬧᬢᬸᬢᬾᬫᬘᬭᬹᬲᬫᬶ᭞ᬭᬶᬂᬧᬲᬃᬓᭀᬝᬦᬵᬕᬭ᭞ᬢᬩᬸᬄᬕᭂᬦ᭄ᬢᬸᬄᬚ᭄ᬭᭀᬓᬃᬤ᭄ᬥᬶᬦᬶᬦ᭄᭞ᬲᬱ᭄ᬝᬶᬓᬧᭀᬱ᭄ᬝᬶᬓᬵᬤᬶ᭞ᬭᬓ᭄ᬱᬡᬜ᭄ᬘᬲᬋᬂ
[᭒᭔ 24A]
ᬓᬸᬫ᭄ᬧᬸᬮ᭄᭞ᬮᬯᬦ᭄ᬓᬂᬳᬪᬶᬘᬭᬹᬓ᭞ᬫᬜ᭄ᬘᬩᬮᬶᬓ᭄ᬭᬫ᭄ᬫᬵᬫᬮᬶᬄ᭞ᬯᬸᬲ᭄ᬫᬫᬹᬓ᭄ᬢᬶ᭞ᬫᬮᬶᬄᬤᬤᭀᬲ᭄ᬤᬾᬯᬶᬤᬹᬃᬖ᭄ᬕᬵ᭚ᬳᬸᬲᬦ᭄ᬜᬸᬲᬸᬧ᭄ᬭᬶᬂᬳᬶᬚᬕᬢ᭄᭞ᬜᬸᬲᬸᬧ᭄ᬭᬶᬂᬫᬵᬦᬹᬱᬫᬮᬶᬄ᭞ᬓ᭄ᬭᬡᬵ
ᬫᬦᬢᬩᭂᬢᬶᬨᬢ᭄᭞ᬗᬼᬫᭂᬓᬶᬦ᭄ᬲᬭᬷᬭᬯ᭄ᬬᬓ᭄ᬢᬶ᭞ᬗᬲᬗ᭄ᬳᬵᬋᬓᬾᬯᬱ᭄ᬝᬦᬶᬦ᭄᭞ᬗ᭄ᬮᬸᬓᬢ᭄ᬓᬭᬂᬤᬗ᭄ᬓᬮ᭄ᬳᬶᬓᬸ᭞ᬢᬹᬃᬫᬵᬢᬸᬭᬦ᭄ᬭᬶᬂᬓ᭄ᬫᬸᬮᬦ᭄᭞ᬜᬶᬭᬶᬬᬂᬪᬓ᭄ᬢᬶᬭᬶᬂᬯᬶᬤ᭄ᬥᬷ᭞ᬲᬧᬸᬦᬶᬓᬵ᭞ᬮᬶᬂᬦᬶᬂ
ᬳᬚᬶᬰ᭄ᬭᬸᬢ᭄ᬢᬶᬲ᭄ᬫᬺᬢ᭄ᬬ᭚ᬫᬦᬵᬫ᭄ᬧᬶᬰᬰᬶᬄᬓᬵᬤᬰᬵ᭞ᬗᬯᬶᬢ᭄ᬫᬮᬶᬄᬧᬸᬮᬵᬨᬮᬶ᭞ᬳᬘᬶᬳᬘᬶᬭᬶᬂᬪᬝᬭ᭞ᬫᬶᬯᬄᬭᬶᬂᬫᬦᬹᬱᬫᬮᬶᬄ᭞ᬭᬶᬂᬓᬯᬶᬢᬦ᭄ᬫᬵᬓᬲᬵᬫᬶ᭞ᬲᬳᬸᬧᬵᬓᬵᬭᬦᬾᬫ
ᬦᬹᬢ᭄᭞ᬫᬮᬶᬄᬫᬹᬓ᭄ᬢᬶᬳ᭄ᬬᬂᬲᬹᬓ᭄ᬱ᭄ᬫᬵ᭞ᬫᬕᭂᬳᬂᬚᬕᬢ᭄ᬢᬾᬲᬫᬶ᭞ᬲᬧᬸᬦᬶᬓᬵ᭞ᬧᬸᬗ᭄ᬓᬸ᭠ᬭᬦ᭄ᬫᬮᬶᬄᬳᬸᬘᬧᬂ᭚ᬧᬗ᭄ᬓᬸᬃ᭚ᬬᬦ᭄ᬧᬸᬚ᭄ᬬᬦ᭄ᬳᬸᬓᬸᬧᬸᬦᬶᬓᬵ᭞ᬧᬢᬸᬢ᭄ᬯᭂᬦᬂᬫᭂᬩᬦ᭄ᬢᭂᬦ᭄ᬜ᭄ᬫᬬᬸᬢᬶ᭠
Kaca:Bali-lontar-gaguritan-panca-yajnya-350ppi.pdf/24
Kaca puniki sampun kauji-wacén
