[᭑᭘ 18B]
᭑᭘
ᬦᬓ᭄ᬫᬵᬮᬶᬕ᭄ᬬ᭞ᬫᬶᬯᬄᬭᭀᬭᬲ᭄ᬫᬥ᭄ᬬᬲᬫᬶ᭞ᬲᬮᬶᬂᬮᬗ᭄ᬓᬸᬗᬶᬦ᭄ᬫᭂᬫᬃᬕ᭄ᬕᬶ᭞ᬧᬶᬢᬺᬲᬗ᭄ᬕᬾᬯ᭠ᬱ᭄ᬝᬦ᭄ᬳᬶᬧᬸᬦ᭄᭞ᬯᬳᬸᬧᭀᬮᬶᬄᬧᬶᬢᭀᬯᬲᬦ᭄᭞ᬯᬸᬲ᭄ᬫᬸᬓ᭄ᬢᬶᬓᬵᬢᬸᬦ᭄ᬥᬸᬂᬫ᭄ᬯᬮᬶ᭞ᬗᬶᬦ᭄ᬢᭂᬓ᭄ᬳᭂᬦ᭄ᬢᬓ᭄᭞ᬭᬶᬂᬳᬶᬢ᭄ᬕᬮ᭄ᬧ
ᬦᬵᬗ᭄ᬲᬭᬦ᭄᭚ᬲᬧᬸᬦᬶᬓᬓᬵᬢᬢ᭄ᬯᬜ᭞ᬓᬂᬢᬦ᭄ᬫᬸᬧᬓᬵᬭᬲᬫᬶ᭞ᬳᬯᬦᬦ᭄ᬦᭂᬫᬄᬲᬦ᭄ᬢᬵᬦ᭞ᬳᬶᬦᬸᬘᬧ᭄ᬭᬶᬂᬮᬶᬂᬦᬶᬂᬳᬚᬶ᭞ᬳᬯᬦᬦ᭄ᬳᬦᬓᬾᬫᬮᬶᬂ᭞ᬢᬍᬃᬫᬸᬯᬢ᭄ᬢᬂᬭᬳᬬᬸ᭞ᬫᬗ᭄ᬤᬾᬦ᭄ᬲᬫ᭄ᬧᬸ
ᬦ᭄ᬓᬧᬵᬦᬲᬦ᭄᭞ᬬᬦ᭄ᬤᬤᭀᬲ᭄ᬢᬍᬃᬓᬃᬤ᭄ᬥᬶᬦᬶᬦ᭄᭞ᬫᬗ᭄ᬤᬾᬦ᭄ᬳᬬᬸ᭞ᬭᬯᬸᬄᬭᬶᬂᬤᬹᬃᬫ᭄ᬫᬵᬓᬯᬶᬢᬦ᭄᭚ᬤᬹᬃᬫ᭄ᬫᬵ᭚ᬳᬶᬗ᭄ᬕᬶᬄᬫᬗ᭄ᬓᬶᬦ᭄᭞ᬩᭂᬩᬦ᭄ᬢᭂᬦ᭄ᬫᬵᬮᬶᬄᬳᬸᬘᬧᬂ᭞ᬧᬶᬦᬶᬄᬳᬸᬢ᭄ᬢᬫᬵᬲᬸᬘ᭄ᬘᬶ᭞ᬲᬓ᭄ᬱᬢ᭄ᬯᬶ
ᬤ᭄ᬥᬷᬢᬬ᭞ᬳᬦ᭄ᬢᬸᬓ᭄ᬜᬢ᭄ᬫᬵᬓᬬᬂ᭞ᬫᬦᬫ᭄ᬧᬾᬦᬵᬳᬶᬦ᭄ᬮᬶᬂᬦᬶᬂᬳᬚᬶ᭞ᬢᬦ᭄ᬳᬦᬂᬩᬦ᭄ᬢᭂᬦ᭄᭞ᬓ᭠ᬳᬦᬂᬧᬸᬚ᭄ᬚᬵᬯ᭄ᬬᬓ᭄ᬢᬶ᭚ᬲᬧᬸᬦᬶᬓᬶ᭞ᬓᬢ᭄ᬭᬗᬦ᭄ᬲᬸᬘᬶᬳᬸᬢ᭄ᬢᬫᬵ᭞ᬢᬸᬫ᭄ᬩᬓ᭄ᬳᭂᬫ᭄ᬧᬢ᭄ᬢᬾᬯ᭄ᬬᬓ᭄ᬢᬶᬲᬰ᭄ᬯ
[᭑᭙ 19A]
ᬢ᭄ᬢᬶᬫᬸᬓ᭄ᬬ᭞ᬚᬚ᭄ᬚᬵᬤᬵᬳᬃᬕᬸᬭᬹᬲᬫ᭄ᬯᬦ᭄᭞ᬧᬲᬂᬓᭂᬫ᭄ᬩᬂᬧᬶᬲᬂᬳᭂᬰᬄ᭞ᬲᬸᬓ᭄ᬮᬧᬯᬶᬢ᭄ᬭ᭞ᬮᬮᬵᬫ᭄ᬧᬤᬦ᭄ᬮᬶᬗ᭄ᬕᬵᬫᬮᬶᬄ᭚ᬘᬢᬹᬃᬧ᭄ᬫᬸᬓ᭄ᬢ᭄ᬬᬦ᭄᭞ᬯᬾᬤ᭄ᬬᬫᬶᬯᬄᬧᬵᬧᬾᬦ᭄ᬤᬾᬢᬦ᭄᭞ᬧᬵᬭᬗ᭄ᬓᬢᬦ᭄ᬫᬵᬓ
ᬤᬶᬮᬦ᭄ᬓᭂᬭᬶᬓ᭄ᬓ᭄ᬭᬫᬲ᭄᭞ᬫᬶᬯᬄᬳᬶᬲ᭄ᬓᬃᬲᬶᬢᬫ᭄ᬫᬦ᭄᭞ᬘᬦᬂᬢᬸᬩᬸᬗᬦ᭄ᬫᬵᬓᬵᬤᬶ᭞ᬫ᭄ᬯᬂᬧᬜ᭄ᬘᬨᬮ᭞ᬫᬶᬯᬄᬤᬸᬫ᭄ᬫᬵᬮ᭄ᬗᭂᬯᬗᬶ᭚ᬫᬓᬵᬤᬶᬜ᭞ᬧ᭄ᬦᭂᬓ᭄ᬧᭂᬭᬲ᭄ᬮᬦ᭄ᬤᬓ᭄ᬱᬶᬡ᭞ᬧᬶᬢ᭄ᬕᭂᬲ᭄ᬜᬲᬧᬸᬦᬶᬓᬶ
᭞ᬫ᭄ᬭᬕ᭄ᬕᬵᬮᬯᬦ᭄ᬧᬤ᭄ᬫᬵ᭞ᬲᬭᬰ᭄ᬯᬢ᭄ᬢᬶᬭᬶᬂᬢ᭄ᬗᬄ᭞ᬫᬓᬵᬢᬸᬂᬢᬹᬂᬮᬯ᭄ᬯᬵᬲᬫᬶ᭞ᬤᬤᭀᬲ᭄ᬫᬭᬕ᭄ᬕᬵ᭞ᬲᬂᬳ᭄ᬬᬂᬧᬺᬡᬯ᭄ᬯᬵᬲ᭄ᬫᬺᬢ᭄ᬢᬶ᭞ᬲᬧᬸᬦᬶᬓᬵᬓᬢ᭄ᬭᬗᬦ᭄ᬲᬸᬘ᭄ᬘᬶᬳᬸᬢᬫ᭄ᬫᬵ᭞ᬢᭀᬳᬯᬦᬦ᭄ᬲᬂᬯᬸᬲ᭄ᬳᬸᬦᬶᬂ᭞
ᬢ᭄ᬕᭂᬲ᭄ᬭᬶᬂᬧᬶᬤᬩ᭄ᬤᬵᬩ᭄᭞ᬓᭀᬢᬫᬦᬶᬂᬳᬚ᭄ᬜ᭄ᬬᬡ᭞ᬢᬦ᭄ᬮᬾᬫ᭄ᬧᬲ᭄ᬫᬓᬃᬬ᭄ᬬᬲᬸᬘ᭄ᬘᬶ᭞ᬬᬦᬶᬂᬫᭀᬢ᭄ᬢᬫ᭄ᬫᬵ᭞ᬓᬢᬹᬃᬭᬶᬂᬳ᭄ᬬᬂᬫᬳᬵᬯᬶᬥᬷ᭚ᬲᬧᬸᬦᬶᬓᬵ᭞ᬢᬶᬗ᭄ᬓᬄᬳᬦᬓᬾᬫᬵᬢᬸᬭᬦ᭄᭞ᬫᬓ᭄ᬱᬸᬤ᭄ᬳᬶᬧᬸ
Kaca:Bali-lontar-gaguritan-panca-yajnya-350ppi.pdf/19
Kaca puniki sampun kauji-wacén
