[᭑᭗ 17B]
᭑᭗
ᬕᬲ᭄᭞ᬓᭀᬘᬧ᭄ᬳᬗ᭄ᬕᬾᬦ᭄ᬜᬧᬬᬸᬩᬦ᭄᭚ᬓᬢᬶᬓ᭄ᬱ᭄ᬡᬦᬶᬂᬳᬤᬶᬢ᭄ᬬᬫᬗᬶᬘᭂᬓ᭄ᬓᬲᭂᬓ᭄ᬫᬵᬦᬗᬶᬲ᭄᭞ᬫᬦᬸᬮᬫᬾᬧᬦᬓ᭄ᬲᭀᬫᬄ᭞ᬧᬸᬢᬸᬓᬂᬓᬵᬭᬶᬫᬳᬸᬭᬶᬧ᭄᭞ᬲᬩ᭄ᬥᬦ᭄ᬜᬢᬦ᭄ᬧᬲ᭄ᬭᬸᬢ᭄ᬢᬶ᭞ᬦ᭄ᬫᬄᬲ
ᬦ᭄ᬢᬦᬦ᭄ᬦᬾᬮᬶᬬᬸ᭞ᬳᬸᬤᬸᬄᬘᬳᬶᬧᬦᬓ᭄ᬩᬧᬵ᭞ᬢᬦ᭄ᬫᬢᬺᬯ᭄ᬮᬲᬶᬂᬘᬳᬶ᭞ᬫᬯᬾᬄᬩᬸᬩᬹᬭ᭄᭞ᬫᬓᬵᬫᬶᬯᬄᬬᬾᬄᬲᬢᬳᬧ᭄᭚ᬳᬓ᭄ᬯᬾᬄᬩᬧᬵᬗ᭄ᬮᬄᬧ᭄ᬬᬦᬓ᭄᭞ᬧᬸᬢᬸᬩᬸᬬᬸᬢ᭄ᬧᬥᬤᬶᬦᬶ᭞ᬩᬧ
ᬓ᭄ᬯᬾᬄᬫᬯᬾᬄᬓᬲᬸᬓᬦ᭄᭞ᬕ᭄ᬮᬄᬩᬧᬵᬕᬶᬲᬶᬦ᭄ᬘᬳᬶ᭞ᬢᬦ᭄ᬳᬦᬵᬯᬵᬯᬦ᭄ᬓᬸᬫᬢ᭄ᬢᬶ᭞ᬘᬳᬶᬗᬗ᭄ᬕᭀᬧᬥᬵᬤᬶᬢᬸ᭞ᬫᬗ᭄ᬯᬭᬶᬲ᭄ᬳᭂᬦ᭄ᬢᭀᬫᬓ᭄ᬚᬂ᭞ᬫ᭄ᬮᬄᬳᬗ᭄ᬕᭀᬜ᭄ᬘᬳᬶ᭞ᬩᭂᬲ᭄ᬲᬶᬂᬧᬶᬲᬦ᭄᭞ᬳᬶᬗᭂ᭠
ᬢ᭄ᬢᭂᬓᬾᬦᬶᬂᬓᬯᬶᬢᬦ᭄᭚ᬧ᭄ᬭᬤᬾᬦᬾᬤᬵᬤᬶᬲᬶᬂᬧᬶᬲᬦ᭄᭞ᬲᬫᬢᬺᬧᬗ᭄ᬭᬱᬜ᭄ᬘᬳᬶ᭠ᬧᬘᬂᬯᬾᬄᬢᬶᬃᬢ᭄ᬣᬧᬗᭂᬦ᭄ᬢᬲ᭄᭞ᬳᬶᬄᬲᬦ᭄ᬢᬵᬦᬦ᭄ᬓᬓᬶᬚᬦᬶ᭞ᬦᬄᬯᬲ᭄ᬢᬸᬦᬘᬳᬶᬜᬳᬶ᭞ᬧᬂᬲᬶᬂᬦ᭄ᬧᬸ᭠
[᭑᭘ 18A]
ᬓᬶᬦ᭄ᬭᬳᬬᬸ᭞ᬳᬧᬂᬫᬗ᭄ᬕᬶᬄᬳᬮ᭄ᬨᬬᬸᬱ᭞ᬲᬮᬓᬸᬮᬫ᭄ᬧᬄᬲᭂᬲᬳᬶ᭞ᬓᬲᬗ᭄ᬲᬭᬦ᭄᭞ᬓᬸᬘᬧ᭄ᬭᬶᬂᬧᬹᬃᬯ᭄ᬯᬵᬚᬶᬢᬢ᭄ᬯ᭚ᬓᭀᬘᬧ᭄ᬕ᭄ᬦᬄᬧᬵᬧ᭞ᬢ᭄ᬕᬮ᭄ᬮᬶᬗ᭄ᬕᬄᬳᬮᬂᬳᬓᬶᬂ᭞ᬫ᭄ᬤᬵᬕᬶᬂᬫᭂᬥᬸ
ᬭᬶᬭᬕᬲ᭄᭞ᬳᬗ᭄ᬕᬾᬦ᭄ᬫᬬᬸᬩ᭄ᬲᬋᬂᬲᬫᬶ᭞ᬧᬦᬲᬾᬢ᭄ᬯᬭᬚ᭄ᬚᬵᬕᬶᬕᬶᬲ᭄᭞ᬓᭀᬘᬧ᭄ᬫᬃᬕ᭄ᬕᬶᬮᬸᬗ᭄ᬳᬵᬫᬦ᭄ᬢᬸᬓ᭄᭞ᬓᬧᬶᬧᬶᬢ᭄ᬢᬂᬲᬋᬂᬲᬫ᭄ᬬᬦ᭄᭞ᬬᬦ᭄ᬯᬾᬦ᭄ᬢᭂᬦ᭄ᬳᬦᬓ᭄ᬫᬵᬫᬃᬕ᭄ᬕᬶ᭞ᬲᬫᬶᬦᬸᬢᬸᬕ᭄᭞ᬬᬤᬶ
ᬦ᭄ᬮᬸᬗ᭄ᬳᬵᬗ᭄ᬫᬵᬦ᭄ᬢᬸᬓᬂ᭚ᬳᬦ᭄ᬢᬸᬓ᭄ᬧᬦᬲᬾᬓᬵᬮᬶᬦ᭄ᬢᬂ᭞ᬧᬸᬧᬸᬢ᭄ᬲᬫᬶᬦᭂᬤᬵᭂᬳᬗᬶᬦ᭄᭞ᬬᬦ᭄ᬯᬾᬦ᭄ᬢᭂᬦ᭄ᬳᬢ᭄ᬫᬵᬦᬾᬮᬸᬗ᭄ᬳᬵ᭞ᬓᬫᬺᬘ᭄ᬘᬧᬥᬵᬦᬸᬫᬤᬶ᭞ᬓᬢᬸᬢᬸᬕ᭄ᬲᬋᬂᬜᬲᬫᬶ᭞ᬤᬤᭀᬲ᭄ᬩᬚᬂᬯ
ᬱ᭄ᬝᬦ᭄ᬳᬶᬧᬸᬦ᭄᭞ᬬᬦ᭄ᬭᬶᬂᬭᬭᬾᬢ᭄ᬮᬸᬩᬸᬮᬦ᭄᭞ᬫᬳᬸᬧᬵᬓᬵᬭᬫᬚᬗᬶᬦ᭄᭞ᬫᬗ᭄ᬮᬸᬯᬭᬂ᭞ᬳᬶᬩᬚᬂᬫᬮᬶᬄᬫᬦ᭄ᬢᬸᬓᬵ᭚ᬬᬦᬶᬂᬳᬢ᭄ᬫᬵᬗᬫᬵᬦ᭄ᬢᬸᬓᬂ᭞ᬓᬢᬸᬢᬸᬕ᭄ᬲᬫᬶᬫ᭄ᬭᬶᬬᬸᬓᬶᬦ᭄᭞ᬭᬶᬂᬓᬮᬵᬳ
Kaca:Bali-lontar-gaguritan-panca-yajnya-350ppi.pdf/18
Kaca puniki sampun kauji-wacén
