[᭑᭐ 10B]
᭑᭐
ᬢ᭄ᬫᬵᬳᬶᬲ᭄ᬢ᭄ᬭᬶ᭞ᬧ᭄ᬭᬶᬧᬶᬰᬾᬱᬦᬶᬂᬩᬬᬸᬚᬶᬚᬶᬳᬾᬧᬶᬦᬓᬵᬮᬶᬫ᭄ᬧᬳᬢ᭄ᬢᬶᬲᬸᬫ᭄ᬲᬸᬫ᭄ᬕᬚ᭄ᬚᬄ᭞ᬧᬸᬲᬸᬄᬧᬢᬸ᭞ᬳᬫ᭄ᬧ᭄ᬭᬸᬧ᭄ᬭᬚ᭄ᬜ᭄ᬬᬦ᭄ᬫ᭄ᬯᬂᬳᬶᬦᭂᬩᬦ᭄᭚ᬲᬩ᭄ᬥᬩᬬᬸᬳᬶᬤᭂᬧ᭄ᬲᬵᬫ᭄ᬲ᭠
ᬫ᭄᭞ᬭᬘ᭄ᬘᬵᬥᬵᬦᬫᬵᬓᬓᬸᬮᬶᬢ᭄᭞ᬫᬓᬵᬤᬶᬤᬵᬤᬶᬓᬸᬮᬶᬢ᭄ᬜ᭞ᬮᬶᬤᬦ᭄ᬜᬦᬾᬢᬸᬮᬂᬕᬶᬳᬶᬂ᭞ᬳᬸᬮᬦ᭄ᬢᬵᬕᬫᬓᬵᬫᬃᬕ᭄ᬕᬶ᭞ᬧᬫᬸᬧᬸᬢ᭄ᬳᬸᬢ᭄ᬢᬫᬵᬳᬶᬓᬸ᭞ᬫᬧᬵᬦ᭄ᬮᬲ᭄ᬭᬶᬂᬧᬺᬡᬯ᭄ᬯᬵ᭞ᬢ᭠
ᬦ᭄ᬓᬦ᭄ᬤᭂᬕ᭄ᬭᬶᬂᬮᬦᬂᬳᬶᬲ᭄ᬢ᭄ᬭᬷ᭞ᬲᬧᬸᬦᬶᬓᬵ᭞ᬓᬓ᭄ᬥᬨᬚᬶᬧᬹᬃᬯ᭄ᬯᬓᬵ᭚ᬢ᭄ᬕᭂᬲ᭄ᬢᬶᬃᬢ᭄ᬣᬧᬩᬺᬱ᭄ᬳᬶᬳᬦ᭄᭞ᬫᬺᬰᬶᬳᬶᬦ᭄ᬘᬶᬢ᭄ᬢᬲᬂᬫᬢᬶ᭞ᬳᬯᬦᬦ᭄ᬗᬭᬦ᭄ᬧᬗᭂᬦ᭄ᬢᬲ᭄᭞ᬗᭂᬢᬲᬂᬢᬺᬱ᭄ᬡᬦ᭄ᬲᬂᬫᬢ᭄ᬢᬶ᭞᭠
ᬫᭂᬗᬱ᭄ᬝᬶᬫᬗᬭᬦ᭄ᬗᬶᬭᬶᬫ᭄᭞ᬫᬗᬶᬭᬶᬫ᭄ᬧᬶᬢ᭄ᬕᭂᬲ᭄ᬳᬶᬧᬸᬦᬶᬓᬸ᭞ᬗᬼᬧᬲᬓᭂᬦ᭄ᬲᬂᬳ᭄ᬬᬂᬧᬶᬢ᭄ᬭ᭞ᬮ᭄ᬯᬶᬄᬭᬶᬂᬯᬶᬦ᭄ᬥᬸᬭᬸᬧᬵᬓᬵᬤᬶᬗᬸᬮᬶᬄᬳᬓᭂᬦ᭄᭞ᬳᬗ᭄ᬕᬵᬧᬺᬫᬦᬦᬶᬂᬢᬸᬯᬦ᭄᭚ᬲᬧᬸᬦᬶᬓᬵᬓᬯᬵ
[᭑᭑ 11A]
ᬱ᭄ᬝᬭᬵ᭞ᬳᬶᬗᬸᬘᬧ᭄ᬭᬶᬂᬧᬹᬃᬯ᭄ᬯᬓᬵᬦᬶ᭞ᬫᬮᬶᬄᬬᬦ᭄ᬗᬵᬢ᭄ᬫᬯᬾᬤᬦ᭞ᬩᬮᬶᬕ᭄ᬬᬋᬓᬾᬯᬱ᭄ᬝᬦᬶᬦ᭄᭞ᬩᬮᬶᬕ᭄ᬬᬢ᭄ᬕᭂᬲᬂᬫᬮᬶᬄ᭞ᬧᬫᬵᬃᬕ᭄ᬕᬵᬳᬶᬓᬸ᭞ᬗᬯᬗᬸᬦᬂᬮᬸᬧᬵᬓᬭᬵ᭞ᬲᬂᬳ᭄ᬬᬂᬧᬶᬢᬺ
ᬓᬵᬓᬃᬬ᭄ᬬᬦᬶᬦ᭄᭞ᬭᬶᬂᬩᬮᬶᬕ᭄ᬬ᭞ᬳᬶᬦᬸᬘᬧ᭄ᬤᬵᬳᬢ᭄ᬳᬸᬢ᭄ᬢᬫᬵ᭚ᬬᬦᬶᬂᬓᬃᬬ᭄ᬬᬧᬗ᭄ᬭᭀᬭᬲᬦ᭄᭞ᬬᬦ᭄ᬢᭂᬕᭂᬲᬂᬲᬫᬶᬢᬸᬗ᭄ᬕᬶᬮ᭄᭞ᬫᬗᬲ᭄ᬢᬶᬢᬶᬲᬂᬳ᭄ᬬᬂᬧᬶᬢᬺ᭞ᬭᬶᬂᬕ᭄ᬦᬄᬫᬸᬮ᭄ᬬᬓᬵᬳᬾᬲ᭄ᬢᬶ᭞ᬓᬵᬢᬸᬭᬦ᭄ᬢᬃᬧ᭄ᬧ
ᬡᬵᬲᬚ᭄ᬚᬶ᭞ᬳᬶᬯᬓᬦ᭄ᬫᬵᬢᬸᬭᬹᬓ᭄᭞ᬫᬮ᭄ᬬᬫᬗ᭄ᬤᬾᬦᬾᬢᬦ᭄ᬓᬸᬭᬂ᭞ᬳᬫᬺᬢ᭄ᬣᬭᬶᬂᬰᬹᬦ᭄ᬬᬢᬵᬤᬶ᭞ᬲᬂᬳ᭄ᬬᬂᬧᬶᬢ᭄ᬭ᭞ᬭᬶᬂᬦᬶᬲ᭄ᬓᬮᬵᬫᬸᬓ᭄ᬢᬶᬪᬶᬕ᭄ᬕᬵ᭚ᬲᬧᬸᬦᬶᬓᬓᬵᬢᬢ᭄ᬯᬦ᭄ᬜ᭞ᬧᬶᬢ᭄ᬕᭂᬰᬶᬭᭀᬭ
ᬲ᭄ᬲᬫ᭄ᬫᬶ᭞ᬫᬓᬵᬫᬶᬯᬄᬳᬶᬩᬮᬶᬕ᭄ᬬ᭞ᬳᬦᬹᬢ᭄ᬢᬂᬭᬶᬂᬢᬢ᭄ᬯᬵᬳᬚ᭄ᬚᬶ᭞ᬳᬢ᭄ᬫᬧᬵᬧᬘ᭄ᬭᬶᬢᬫᬵᬮᬶᬄ᭞ᬩᬸᬢ᭄ᬣᬵᬘᬸᬯᬶᬮ᭄ᬯᬱ᭄ᬝᬦ᭄ᬳᬶᬧᬸᬦ᭄᭞ᬲᬦᬾᬦᭀᬭᬭᬫᬸᬧᬓᬵᬭ᭞ᬫᬕ᭄ᬦᬄᬭᬶᬂᬳᬮᬂᬳᬓᬶᬂ᭞ᬫ᭄ᬥᬸᬭᬶᬭ
Kaca:Bali-lontar-gaguritan-panca-yajnya-350ppi.pdf/17
Kaca puniki sampun kauji-wacén
