[᭑᭙ 19B]
᭑᭙
ᬦ᭄ᬲᬧᬸᬦᬶᬓᬶ᭞ᬤᬓ᭄ᬱᬶᬡ᭄ᬦᬵᬮᬦ᭄ᬧᭂᬭᬲ᭄᭞ᬧᭂᬭᬲ᭄ᬜᬧᬸᬢᬂᬓᬃᬬ᭄ᬬ᭞ᬧᬜᬶᬤᬓᬃᬬ᭄ᬬᬦᬾᬲᬫᬶ᭞ᬳᬶᬓᬂᬤᬓ᭄ᬱᬶᬡ᭄ᬦᬵ᭞ᬧᬶᬦᬓᬵᬧᬵᬲᬕᬶᬲᬕᬶ᭚ᬲᬮ᭄ᬯᬶᬃᬦᬾᬓᬶᬭᬂ᭞ᬩᬘᬓᬦ᭄ᬩᬦ᭄ᬢᭂᬦ᭄ᬧᬸᬦᬶ
ᬓᬵ᭞ᬤᬓ᭄ᬱᬶᬡ᭄ᬦᬵᬫᬓᬗᭂᬦ᭄ᬢᭀᬲᬶᬦ᭄᭞ᬫᬶᬯᬄᬩ᭄ᬭᬲ᭄ᬤᬰᬬᬦ᭄᭞ᬓᬳᬸᬘᬧ᭄ᬭᬶᬂᬦᬶᬂᬲᬰ᭄ᬢ᭄ᬭ᭞ᬳᬯᬶᬦᬦ᭄ᬢᬸᬓᬗᬾᬲᬫᬶ᭞ᬫᬩ᭄ᬯᬢ᭄ᬧᬶᬲᬦ᭄᭞ᬫᬓᬃᬬ᭄ᬬᬧᬲᬕᬶᬲᬕᬶ᭚ᬢᬹᬃᬓᬪᬹᬓ᭄ᬢᬶ᭞ᬳᬦ᭄ᬢᬸᬓ᭄ᬳᬶᬤᬲᬂ
ᬳ᭄ᬬᬂᬰ᭄ᬭᬸᬢ᭄ᬬ᭞ᬘᬢᬹᬃᬧᬫᬸᬓ᭄ᬢ᭄ᬬᬦ᭄ᬫᬵᬮᬶᬄ᭞ᬓᬪᬸᬓ᭄ᬢ᭄ᬬᬦᬶᬂᬲᬂᬳ᭄ᬬᬂ᭞ᬳ᭄ᬬᬂᬩ᭄ᬭᬳ᭄ᬫᬵᬤᬵᬫᬧ᭄ᬢ᭄ᬬ᭞ᬯᬶᬱ᭄ᬡᬸᬭᬹᬤᬺᬇᬰ᭄ᬯᬭᬵᬤᬶ᭞ᬲᬫᬶᬤᬫ᭄ᬧᬢ᭄ᬬ᭞ᬓᬳᬸᬘᬧ᭄ᬭᬶᬂᬧᬹᬃᬯ᭄ᬯᬓᬵᬤᬶ᭚ᬲᬧᬸᬦᬶᬓ᭞ᬳᬯᬶᬦ
ᬦᬦ᭄ᬢᬦ᭄ᬤᬤᭀᬲ᭄ᬮᬾᬫ᭄ᬧᬲ᭄᭞ᬳ᭄ᬬᬂᬰ᭄ᬭᬸᬢ᭄ᬢᬶᬫ᭄ᬯᬂᬲ᭄ᬫᬺᬢ᭄ᬢᬶ᭞ᬢᬸᬗ᭄ᬕᬮ᭄ᬧᬯ᭄ᬢᬸᬦ᭄ᬜ᭞ᬲᬫᬶᬫᬳᬵᬳᬸᬢᬫᬵ᭞ᬳᬶᬲᬸᬘ᭄ᬘᬶᬫᬸᬧᬸᬢ᭄ᬢᬂᬲᬫᬶ᭞ᬬᬤᬶᬦ᭄ᬫᬸᬓ᭄ᬢ᭄ᬬᬦ᭄᭞ᬫᬶᬯᬄᬧᬗᬗ᭄ᬕᬾᬲᬫᬶ᭚ᬬᬤᬶᬦ᭄ᬩᬦ᭄ᬢᭂᬦ᭄᭞ᬳ᭠
[᭒᭐ 20A]
ᬩᬮᬾᬤᬸᬮᬂᬤᬸᬮᬗᬦ᭄᭞ᬬᬦ᭄ᬦᬾᬦ᭄ᬢᭂᬦ᭄ᬫᬵᬤᬕᬶᬂᬲᬸᬘ᭄ᬘᬶ᭞ᬦᬶᬓᬵᬢᬦ᭄ᬧᬕᬸᬡᬵ᭞ᬬᬦ᭄ᬗᬦᬹᬢ᭄ᬢᬂᬳᬸᬢ᭄ᬢᬫᬵ᭞ᬧᬘᬂᬓᬵᬢᬹᬃᬫ᭄ᬭᬶᬂᬳ᭄ᬬᬂᬯᬶᬥᬷ᭞ᬗᭂᬩᭂᬓᬶᬦ᭄ᬮᬧᬦ᭄᭞ᬩᬦ᭄ᬢᭂᬦ᭄ᬦᬶ
ᬱ᭄ᬝᬵᬓᬯᬱ᭄ᬝᬦᬶᬦ᭚ᬲᭀᬃᬭᬶᬂᬲᬸᬘ᭄ᬘᬶ᭞ᬫᬮᬶᬄᬫ᭄ᬯᬱ᭄ᬝᬵᬳᬩᬢᭂᬓᬦ᭄᭞ᬢ᭄ᬳᭂᬦᬦ᭄ᬫᬶᬦᬵᬓᬵᬤᬶ᭞ᬕᬸᬭᬹᬮᬦ᭄ᬓᬸᬋᬦᬦ᭄᭞ᬮᬸᬯᬂᬫᬶᬯᬄᬧᭂᬫᬧᬕ᭄᭞ᬧᬗᬶᬭᬶᬂᬘᭀᬗ᭄ᬓᬓ᭄ᬫᬵ
ᬓᬵᬤᬶ᭞ᬳᭀᬤᭂᬮ᭄ᬚ᭄ᬭᬶᬫ᭄ᬧᭂᬦᬦ᭄᭞ᬓᬚ᭄ᬭᭀᬧᬫᬺᬫᬦ᭄ᬗ᭄ᬭᬜ᭄ᬚᬶᬂ᭚ᬮ᭄ᬬᬦ᭄ᬢᬢᬵᬩᬦ᭄᭞ᬧᭂᬗᬸᬮᬧ᭄ᬮᬦ᭄ᬧᭂᬗᬫ᭄ᬩᬾᬬᬦ᭄᭞ᬧᬜ᭄ᬚᬕ᭄ᬚᬕ᭄ᬮᬦ᭄ᬧ᭄ᬭᬲ᭄ᬕᬸᬦᬶᬮᬶᬂ᭞ᬧᬸᬘᬓ᭄ᬫᬡᬶᬓ᭄ᬚ᭄ᬭᬶᬫ᭄ᬧᭂ
ᬦᬦ᭄᭞ᬯᬢᭂᬓ᭄ᬧᬶᬢᬸᬲᬦᬾᬓᬸᬘᬧ᭄᭞ᬦᬗ᭄ᬕᬄᬲᬧ᭄ᬢᬵᬤᬾᬯᬯ᭄ᬬᬓ᭄ᬢᬶ᭞ᬬᬦ᭄ᬭᬶᬂᬳᬓ᭄ᬱᬭ᭞ᬑᬗ᭄ᬓᬭᬵᬗ᭄ᬕᬦ᭄ᬦᬶᬭᬮᬸᬯᬶᬄ᭚ᬮ᭄ᬬᬦ᭄ᬧ᭄ᬢᬫ᭄ᬩᭂᬄ᭞ᬲᭂᬲᬬᬸᬢ᭄ᬲᬳᬵᬯᬱ᭄ᬝᬜ᭞ᬲᬢᬸᬲ᭄ᬳ
Kaca:Bali-lontar-gaguritan-panca-yajnya-350ppi.pdf/20
Kaca puniki sampun kauji-wacén
