[᭗᭙ 79B]
᭗᭙᭟
ᬮ᭞ᬲᬯᬸᬲᬦᬾᬗᭀᬤᬤᬶᬢᬸ᭞ᬧᬢᬧᬦ᭄ᬲᬂᬅᬃᬚ᭄ᬚᬸᬦ᭞ᬢ᭄ᬯᬭᬧᭂᬮᬶᬄ᭞ᬢ᭄ᬯᬶᬓᬾᬢᭀᬬᬦᬸᬧᬫ᭟᭜᭟ᬲᬭᬯᬸᬳᬾᬭᬶᬂᬭᬾᬧᭀᬲᬗ᭄ᬕ᭄ᬭᬳᬦ᭄᭞ᬢᬦ᭄ᬯᬶᬦᬃᬡ᭄ᬦ
ᬭᬤᬾᬦ᭄ᬤᬾᬯᬷ᭞ᬓᬯᬸᬯᬸᬲᬦ᭄ᬧᬭᬓᬢᭀᬂ᭞ᬲᬧᬶᬲᬦᬦ᭄ᬳᬶᬤᬭᬯᬸᬄ᭞ᬲᬫᬶᬮᬶᬬᬦ᭄ᬮᬶᬬᬦ᭄ᬦᬵᬕᬭ᭞ᬫᬗ᭄ᬭᬯᬸᬳᬶᬦ᭄᭞ᬓᬃᬬ᭄ᬬᬦ᭄ᬳᬤᬰ᭄ᬭᬷᬚᬗ᭄ᬕᬮ᭟᭜᭟ᬦᬵᬣᬾᬂᬧ
ᬚᬂᬮᬦ᭄ᬫᬢᬭᬫ᭄᭞ᬕᬕ᭄ᬮᬂᬮᬦ᭄ᬲᬶᬗ᭄ᬳᭀᬲᬭᬶ᭞ᬧᬚᬭᬓᬦ᭄ᬮᬦ᭄ᬘᬭᬶᬸᬂᬫᬭ᭞ᬢᬜ᭄ᬚᬸᬂᬧᬸᬭᬮᬦ᭄ᬫᬢᬳᬸᬦ᭄᭞ᬫᬓᬮᬶᬳᬦ᭄ᬧ᭄ᬭᬫᬾᬰ᭄ᬯᬭᬷ᭞ᬧᬸᬢ᭄ᬭᬧᬸᬢ᭄ᬭᬷ᭞ᬫᬳᬶᬭᬶᬗᬦ᭄ᬲ
ᬫᬶᬲᬢᬓ᭄᭟᭜᭟ᬲᬵᬫ᭄ᬧᬸᬦ᭄ᬲᬫᬶᬢᬢᬍᬗ᭄ᬕᬄ᭞ᬧᬭᬳᬶᬲ᭄ᬢ᭄ᬭᬷᬗ᭄ᬭᬭᬶᬲ᭄ᬓᬧᬸᬭᬷ᭞ᬢᬦ᭄ᬮᬶᬗᭂᬦᬶᬓᬂᬩᬩᬯᭀᬲ᭄᭞ᬧᬗᬬᬄᬲᬸᬫᬗ᭄ᬓᬶᬦ᭄ᬭᬚᬸᬓ᭄᭞ᬫᬳᭀᬮᬳᬦ᭄ᬫᬭᬢᭂ
[᭘᭐ 80A]
ᬗᬦ᭄᭞ᬏᬜ᭄ᬚᬶᬂᬮᬶᬗ᭄ᬲᬶᬃ᭞ᬫᬕᬶᬮᬶᬃᬧᬜ᭄ᬚᬓ᭄ᬚᬗ᭄ᬕᬮ᭟᭜᭟ᬤᬸᬯᬂᬧᬸᬗ᭄ᬕᬯᬳᬭᬳᬶᬦ᭞ᬫᬗ᭄ᬭᬭᬶᬲ᭄ᬫᬓᬯᭂᬗᬶ᭞ᬲᬮ᭄ᬯᬶᬃᬥᬳᬃᬮ᭄ᬬᬦ᭄ᬭᬬᬸᬦᬦ᭄᭞ᬭᬶᬂᬲᭀᬤᬳᬦ᭄ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞
ᬕᬶᬩᬸᬗᬦ᭄ᬫᬶᬯᬄᬧᬗ᭄ᬓᭀᬦᬦ᭄᭞ᬲᬫᬶᬭᬚᬶᬦ᭄᭞ᬳᭂᬮᬸᬄᬳᭂᬮᬸᬄᬲᬸᬩᬓᬾᬫᬗᬬᬄ᭟᭜᭟ᬢᬍᬃᬫᬕᬮᬶᬃᬕᬶᬮᬶᬭᬦ᭄᭞ᬳᬲᬸᬩᬓ᭄ᬗᬬᬄᬳᬯᬳᬶ᭞ᬕᭂᬮᬶᬲᬶᬂᬘᬭᬶᬢᬋᬓᭀ᭞
ᬓᬃᬬ᭄ᬬᬦ᭄ᬳᬶᬤᬲᬗ᭄ᬳᬳᬸᬮᬸᬦ᭄᭞ᬓᭀᬘᬧ᭄ᬲᬵᬫ᭄ᬧᬸᬦ᭄ᬩᬾᬜ᭄ᬚᬂᬓᬃᬬ᭄ᬬ᭞ᬲᬫᬶᬧ᭄ᬭᬧ᭄ᬢᬶ᭞ᬲᬲᭀᬭᭀᬂᬕᭀᬗᬾᬲᬫ᭄ᬬᬦ᭄᭟᭜᭟ᬲᬵᬫ᭄ᬧᬸᬦ᭄ᬲᬫᬶᬗᬭᬜ᭄ᬚᬶᬂᬩᬗ᭄ᬲᬮ᭄᭞ᬭᬭᬶᬲ᭄ᬦᬩᬸᬄᬗᬮᭀ
ᬗ᭄ᬕᭀᬃᬲᬫᬶ᭞ᬳᬸᬫ᭄ᬬᬂᬲ᭄ᬯᬭᬦᬶᬂᬢᬩᬸᬳᬦ᭄᭞ᬗᬭᬸᬤᬸᬕ᭄ᬮ᭄ᬯᬃᬭᬸᬕ᭄ᬦᬕᬦ᭄ᬢᬸᬦ᭄᭞ᬓᬮᬶᬃᬭᬶᬂᬭᬾᬧᭀᬲᬗ᭄ᬕ᭄ᬭᬳᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬓᬮᬶᬄᬩᬭᬸᬂᬫᬸᬗ᭄ᬕᬸᬄᬳᬶᬭᬶᬓ᭟᭜᭟ᬓᭀᬘ
Kaca:Bali-lontar-gaguritan-pakangraras-02-300ppi.pdf/80
Kaca puniki sampun kauji-wacén
