Kaca:Bali-lontar-gaguritan-pakangraras-02-300ppi.pdf/81

Saking Wikisource
Kaca puniki sampun kauji-wacén

[᭘᭐ 80B]
᭘᭐᭟
ᬧ᭄ᬲᬵᬫ᭄ᬧᬸᬦ᭄ᬲᬸᬭᬸᬧ᭄ᬲᬹᬃᬬ᭄ᬬ᭞ᬰ᭄ᬭᬷᬫᬳᬵᬭᬵᬚᬓᬤᬾᬭᬷ᭞ᬓᬮᬶᬄᬮᬦ᭄ᬧ᭄ᬭᬫᬾᬰ᭄ᬯᬃᬬ᭄ᬬ᭞ᬧᬜ᭄ᬚ᭄ᬭᭀᬯᬦ᭄ᬓᬤᬾᬭᬷᬢᬸᬫᬹᬢ᭄᭞ᬗᬶᬭᬶᬂᬓᬭᬾᬧᭀᬲᬗ᭄ᬕ᭄ᬭᬳᬦ᭄᭞ᬭᬤᬾᬦ᭄ᬤᬾᬯᬷ᭞ᬲᬭᬯᬸᬄ
ᬳᬶᬤᬳᬶᬭᬶᬓ᭟᭜᭟ᬓᬬᬸᬦ᭄ᬳᬶᬤᬲᬸᬓᬤᬸᬓ᭞ᬲᬂᬧ᭄ᬭᬪᬸᬮᬦ᭄ᬧ᭄ᬭᬫᬾᬰ᭄ᬯᬭᬷ᭞ᬳᬦ᭄ᬢᬸᬓ᭄ᬢᬦ᭄ᬭᬶᬂᬧᬸᬭᬷᬤᬳ᭞ᬓᬾᬦᬓᬾᬧᬸᬢ᭄ᬭᬦᬾᬧᬗ᭄ᬕᬸᬄ᭞ᬢᬸᬃᬓᬓᬃᬬ᭄ᬬᬦᬂᬲᬸᬓ᭞ᬚᬦᬶᬫ
ᬩᬸᬜ᭄ᬘᬶᬂ᭞ᬭᬶᬂᬦᬦᬓ᭄ᬫᬦ᭄ᬢ᭄ᬭᬶᬓᭀᬭᬶᬧᬦ᭄᭟᭜᭟ᬓᭀᬘᬧ᭄ᬫᬗ᭄ᬓᬶᬦ᭄ᬯᬸᬲ᭄ᬭᬳᬶᬦ᭞ᬲᬂᬧ᭄ᬭᬪᬸᬚᬗ᭄ᬕᬮᬓᬢᬗ᭄ᬓᬶᬮ᭄᭞ᬳᬦ᭄ᬢᬸᬓ᭄ᬧᬭᬭᬢᬸᬲᬫ᭄ᬬᬦ᭄᭞ᬧᬢᬶᬄᬧᬸᬗ᭄ᬕᬯᬦᬾᬓᬸᬫ᭄ᬧᬸᬮ᭄
᭞ᬲᬂᬧ᭄ᬭᬪᬸᬫᬗᬦ᭄ᬤᬶᬓ᭞ᬭᬶᬂᬳᬶᬧᬢᬶᬄ᭞ᬓᬓᬜᬦᬦ᭄ᬤᬯᬸᬄᬮᬶᬫ᭟᭜᭟ᬳᬧᬂᬳᭂᬤᬤᬤᬶᬓᬤᬢ᭄᭞ᬧᬸᬧᬸᬢᬂᬭᬯᭀᬲᬾᬚᬦᬶ᭞ᬤᬤᬶᬳᬶᬗᭂᬢ᭄ᬢᭂᬓᬾᬦᬶᬂᬢᭀ᭠
[᭘᭑ 81A]
ᬗᭀᬲ᭄᭞ᬦᬾᬤᭀᬭᬶᬫᬶᬯᬄᬤᬶᬫᬮᬸ᭞ᬕᬸᬲ᭄ᬢᬶᬧᬢᬶᬄᬫᬢᬸᬃᬲᬦ᭄ᬤᬶᬓ᭞ᬳᬶᬗ᭄ᬕᬶᬄᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬦᬶᬢᬳᬂᬲᭀᬤ᭟᭜᭟ᬮᬶᬗ᭄ᬕᬶᬄᬳᬶᬤᬧᬭᬦᬵᬣ᭞ᬓᬮᬶᬄᬧᬸᬗ᭄ᬕᬯᬧᬗᬶ
ᬭᬶᬂ᭞ᬓᬮᬶᬄᬫᬭᬶᬂᬭᬾᬧᭀᬕᬾᬫ᭄ᬩᭀᬂ᭞ᬭᬬᬸᬦᬦᬾᬧᬘᬂᬓᬢᬸᬃ᭞ᬭᬶᬂᬳᬭᬶᬦ᭄ᬘᭀᬓᭀᬃᬳᬶᬤᬾᬯ᭞ᬧ᭄ᬭᬪᬸᬓᬤᬾᬭᬷ᭞ᬓᬮᬶᬄᬭᬶᬂᬲᬫᬶᬓᬯᬸᬮ᭟᭜᭟ᬲᬂᬧ᭄ᬭᬪᬸᬫᬗᬦ᭄ᬤᬶᬓ᭞ᬦᬄᬫᬭᬶ
ᬓᬓᬓᬕᭂᬮᬶᬲ᭄᭞ᬧᬭᬭᬢᬸᬲᬫᬶᬩᬸᬩᬃ᭞ᬫᬭᬶᬂᬧᬲᬗ᭄ᬕ᭄ᬭᬳᬦ᭄ᬲᬵᬫ᭄ᬧᬸᬦ᭄᭞ᬲᬂᬧ᭄ᬭᬪᬸᬧᬸᬃᬬ᭄ᬬᬂ᭞ᬧᬸᬧᬸᬢ᭄ᬲᬫᬶ᭞ᬭᬶᬂᬧᬸᬭᬷᬓᬮᬶᬄᬭᬶᬂᬚᬩ᭟᭜᭟ᬓᭀᬘᬧ᭄ᬲᬵᬫ᭄ᬧᬸᬦ᭄ᬤᬯᬸᬄᬮᬶ
ᬫ᭞ᬫᬤᬩ᭄ᬤᬩ᭄ᬧᬫᬃᬕ᭄ᬕᬶᬦᬾᬲᬫᬶ᭞ᬢᬫ᭄ᬩᬸᬭᬾᬫᬗ᭄ᬭᬶᬳᬶᬦᬂ᭞ᬫᬫᬲ᭄ᬧᬗᬯᬶᬦᬾᬗᬦ᭄ᬢᬸᬦ᭄᭞ᬤᬸᬮᬸᬭᬶᬦ᭄ᬲᭀᬭᭀᬄᬧᬧᬶᬦ᭄ᬤᬦ᭄᭞ᬧᬤᬤᬶᬗ᭄ᬓ᭄ᬭᬶᬓ᭄᭞ᬭᬹᬧᬦᬾᬗᬺᬲᬂᬫᬦᬄ᭟

Kapolihang saking "https://ban.wikisource.org/w/index.php?title=Kaca:Bali-lontar-gaguritan-pakangraras-02-300ppi.pdf/81&oldid=49973"