[᭗᭘ 78B]
᭗᭘᭟
ᬦ᭄ᬢᭂᬦ᭄ᬘᬭᬶᬢ᭞ᬓᬤᬶᬫᬗ᭄ᬓᬶᬦ᭄᭞ᬧᬜ᭄ᬚᬂᬲᬢ᭄ᬯᬦᬾᬢᬸᬢᬸᬭᬂ᭟᭜᭟ᬓᬬᬶᬸᬂᬦᬶᬸᬂᬯᬶᬦᬾᬫᬓᬃᬬ᭄ᬬᬮᬫ᭄ᬩᬢ᭄᭞ᬤ᭄ᬬᬧᬶᬦ᭄ᬢᬶᬢ᭄ᬬᬂᬫᬯᬶᬦᬦ᭄ᬫᬢᬶ᭞ᬤᬸᬭᬸᬂᬢᬶᬢ᭄ᬬᬂᬚᬜ᭄ᬚᬶᬕᬦ᭄ᬢᭀᬲ᭄᭞ᬓ
ᬓᬃᬬ᭄ᬬᬦᬂᬢᬶᬢ᭄ᬬᬂᬳᬶᬤᬸᬧ᭄᭞ᬳᬦ᭄ᬢᬸᬓ᭄ᬲᬂᬓᬯᬷᬰ᭄ᬯᬭ᭞ᬰ᭄ᬯᬭᬫᬸᬜᬶ᭞ᬲᬂᬓᬯᬶᬲᬂᬯᬶᬯᬾᬓ᭟᭜᭟ᬩᬯᭀᬲᬾᬫᬕᬸᬬᬸᬕᬸᬬᬸᬦ᭄᭞ᬳᬶᬧᬢᬶᬄᬚᬗ᭄ᬕᬮᬧ᭄ᬭᬧ᭄ᬢᬶ᭞ᬗᬢᬸᬭᬶᬦ᭄ᬳᬶᬤ
ᬲᬂᬓᬢᭀᬂ᭞ᬳᬶᬗ᭄ᬕᬶᬄᬤᬾᬯᬲᬗ᭄ᬳᬸᬮᬸᬦ᭄᭞ᬢᬶᬢ᭄ᬬᬂᬫᬢᬸᬃᬧᬗᬸᬦᬶᬗ᭞ᬧᬸᬧᬸᬢ᭄ᬲᬫᬶ᭞ᬲᭀᬤᬦᬾᬲᬵᬫ᭄ᬧᬸᬦ᭄ᬭᬶᬂᬧᬸᬃᬬ᭄ᬬᬦ᭄᭟᭜᭟ᬭᬶᬂᬚᬩᬬᬦ᭄ᬲᬵᬫ᭄ᬧᬸᬦ᭄ᬩᬾᬩᬲ᭄᭞ᬳᬶᬗ᭄ᬕᬶᬄᬧᬸᬗ᭄ᬕᬯ
ᬫ᭄ᬯᬂᬧᬢᬶᬄ᭞ᬫᬶᬯᬄᬓᬯᬸᬮᬳᬶᬭᬶᬗᬦ᭄᭞ᬲᬫᬶᬭᬢᬸᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬧ᭄ᬭᬪᬸᬚᬗ᭄ᬕ᭠ᬮᬗᬦ᭄ᬤᬶᬓ᭞ᬫᬃᬕ᭄ᬕᬶᬳᬤᬶ᭞ᬢᬸᬫᬸᬮᬶᬭᬭᬶᬲ᭄ᬗᬧᬸᬃᬬ᭄ᬬᬂ᭟᭜᭟ᬦᬵᬣᬾᬤᬳᬫᬤᬦ᭄ᬤᬦ᭄ᬢᬗ
[᭗᭙ 79A]
ᬦ᭄᭞ᬭᬶᬂᬳᬶᬤᬭᬳᬤᬾᬦ᭄ᬫᬦ᭄ᬢ᭄ᬭᬷ᭞ᬲᬭᬯᬸᬳᬾᬳᬶᬤᬭᬶᬂᬚ᭄ᬭᭀ᭞ᬲᬂᬧ᭄ᬭᬪᬸᬫᬸᬗ᭄ᬕᬄᬲᬵᬫ᭄ᬧᬸᬦ᭄᭞ᬧ᭄ᬭᬪᬸᬓᬤᬾᬭᬷᬲᬋᬂᬭᬳᬤ᭄ᬬᬦ᭄᭞ᬳᬶᬤᬫ᭄ᬪᬸᬓ᭄ᬢᬶ᭞ᬢᬦ᭄ᬘᬭᬶᬢᬭᬶᬂᬧᬸᬃᬬ᭄ᬬᬦ᭄᭟᭜᭟ᬭᬶᬂᬩᬜ᭄ᬘᬶ
ᬗᬄᬲᬵᬫ᭄ᬧᬸᬦ᭄ᬯᬸᬲᬦ᭄᭞ᬧᬸᬗ᭄ᬕᬯᬫᬶᬯᬄᬳᬶᬧᬢᬶᬄ᭞ᬲᬫᬶᬗᬸᬗ᭄ᬲᬶᬧᬓᭀᬍᬫᬦ᭄᭞ᬢᬦ᭄ᬓᬯᬃᬡ᭄ᬦᬚ᭄ᬭᭀᬦᬶᬂᬤᬮᬸ᭞ᬕᭂᬮᬶᬲᬶᬂᬘᬭᬶᬢᬓᭀᬘᬧ᭄᭞ᬲᬵᬫ᭄ᬧᬸᬦ᭄ᬳᬾᬜ᭄ᬚᬶᬂ᭞ᬭᬤᬾᬦ᭄ᬤᬾᬯᬷᬳᬶᬤᬩᬸ
ᬤᬮ᭄᭟᭜᭟ᬧᬜ᭄ᬚ᭄ᬭᭀᬯᬦ᭄ᬓᬢᬄᬗᬶᬭᬶᬗᬂ᭞ᬫᬶᬦᬓᬵᬤᬶᬦᬶᬯᬬᬦ᭄ᬳᬮᬶᬢ᭄᭞ᬓᬮᬯᬵᬦᬶᬤᬕᬂᬧᬫᭀᬃ᭞ᬩᬬᬦ᭄ᬲᬗ᭄ᬳᬶᬢ᭄ᬗᬶᬦ᭄ᬢᬾᬢᬸᬫᬹᬢ᭄᭞ᬓᬧᬲᬶᬭᬓ᭄ᬧᬗᬸᬦᭂ
ᬗᬦ᭄᭞ᬗᭂᬫ᭄ᬩᬦ᭄ᬗᬶᬭᬶᬂ᭞ᬳᬢᬦᬧᬶᬧᬭᬧᬜ᭄ᬚ᭄ᬭᭀᬯᬦ᭄᭟᭜᭟ᬲᬓ᭄ᬱᬥᬥᬭᬷᬲᬸᬧ᭄ᬭᬪ᭞ᬓᬳᬶᬭᬶᬂᬩᬳᬦ᭄ᬯᬶᬥ᭄ᬬᬥᬭᬶ᭞ᬩᬸᬤᬮ᭄ᬲᬓᬶᬂᬳᬶᬦ᭄ᬤ᭄ᬭᬓᬶ᭠
Kaca:Bali-lontar-gaguritan-pakangraras-02-300ppi.pdf/79
Kaca puniki sampun kauji-wacén
