Kaca:Bali-lontar-gaguritan-pakangraras-02-300ppi.pdf/73

[᭗᭒ 72B]
᭗᭒᭟
ᬲᬶᬸᬂᬤᭂᬕᬕ᭄ᬲᬶᬕᬸᬕ᭄᭞ᬗᬓᬸᬭᬶᬭᬶᬄᬢᬦ᭄ᬧᬕᬸᬡ᭞ᬗᬓᬸᬲᬸᬕᬶᬄ᭞ᬤᬾᬯᬾᬓᬾᬤᬶᬧᬤᬾᬰᬬᬦ᭄᭟᭜᭟ᬤ᭄ᬬᬧᬶᬦ᭄ᬩᭂᬜᬗᬓᬸᬩᬶᬲ᭞ᬤᬶᬢᬸᬮᬶᬬᬸᬳᬦᬓ᭄ᬭᬶᬭᬶᬄ᭞
ᬬᬤᬶᬦ᭄ᬫᬗᬓᬸᬯᬶᬰᬾᬱ᭞ᬤᬶᬢᬸᬮᬶᬬᬸᬳᬦᬓ᭄ᬯᭂᬭᬸᬄ᭞ᬫᭂᬮᬄᬗᬓᬸᬩᭂᬮᭀᬕ᭄ᬢᬶᬯᬲ᭄᭞ᬤᬤᬶᬲᬳᬶᬂ᭞ᬳᬤᬢᭀᬗᭀᬲ᭄ᬗᬶᬤᬶᬄᬦᬸᬦᬲ᭄᭟᭜᭟ᬮᬸᬄᬫ᭄ᬯᬦᬶᬜᭂᬩᬸᬭᬶᬦ᭄ᬪ
ᬲ᭞ᬢ᭄ᬯᬭᬓᭀᬳᬶᬤᬫᬫᬺᬤᬶ᭞ᬢᬦ᭄ᬗᬓᬸᬭᬵᬕᬫᬾᬡᬓ᭄᭞ᬓᬭᬯᭀᬲᬂᬭᬵᬕᬦᬾᬮᬘᬸᬃ᭞ᬫᬕᭂᬦᬄᬤᬶᬤᬾᬰᬦ᭄ᬳᬦᬓ᭄᭞ᬩᬸᬓᬚᬦᬶ᭞ᬳᬶᬤᬩᬸᬤᬮ᭄ᬓᬚᬗ᭄ᬕᬮ᭟
᭐᭟ᬚᬦᬶᬤᬾᬯᬾᬓᬾᬓᬢᬶᬢᬄ᭞ᬫᬳᬶᬭᬢᬸᬫᬳᬶᬕᬸᬲ᭄ᬢᬶ᭞ᬫᬜᭂᬫ᭄ᬩᬄᬫ᭠ᬘᭀᬓᭀᬃᬳᬶᬤᬾᬯ᭞ᬓᬾᬢᭀᬜᬳᬶᬳᬧᬂᬢᬳᬸ᭞ᬫᭂᬮᬄᬢᬸᬦᬳᬶᬦ᭄ᬳᬳᬸᬲᬧ᭄᭞ᬢᭂᬓᬾ
[᭗᭓ 73A]
ᬦᬶᬂᬍᬩᬶᬄ᭞ᬤᬤᬶᬳᬸᬢᬄᬫᬩ᭄ᬭᬭᬓᬦ᭄᭟᭜᭟ᬓᬤᬶᬳᬦᬓᬾᬫᬢ᭄ᬯᬓᬦ᭄᭞ᬫᬦᬸᬯᬸᬓᬶᬦ᭄ᬮᭂᬕᬦ᭄ᬳᬢᬶ᭞ᬗ᭄ᬕᬯᬾᬲᬸᬓᬯᬶᬃᬬ᭄ᬬᬳᭀᬫᭀᬂ᭞ᬢᭀᬂᬤᬤᬶᬓᬲᭀᬭᬦ᭄ᬲᭂᬫᬸ᭞ᬗ᭄ᬕᬯᬾᬓᬲᬸ
ᬩ᭄ᬓᬺᬂᬫᬤᬳᬃ᭞ᬫᬗ᭄ᬮᬶᬯᬢᬶᬦ᭄᭞ᬢᭂᬓᬾᬦ᭄ᬲᬸᬓᬢ᭄ᬜᬦᬾᬫᬸᬮ᭟᭜᭟ᬤᬤᬶᬧᭂᬲᬸᬭ᭠ᬯᭀᬲ᭄ᬧᬸᬜᬄ᭞ᬫᬗ᭄ᬭᬯᭀᬲ᭄ᬚᭂᬗ᭄ᬓᬂᬚᭂᬗ᭄ᬓᬶᬂ᭞ᬢ᭄ᬯᬭᬦᬯᬂᬮᬸᬳᬸᬃᬲᭀᬃ᭞ᬫᬚᬮᬦ᭄ᬬᬚ᭄ᬭᬡᬓ᭄ᬚ᭄ᬭᬸᬡᬸᬓ᭄᭞
ᬤᬤᬶᬩᬶᬸᬂᬳᭂᬩᬄᬩᭂᬦᬫᬕᭂᬩ᭄ᬬᬕ᭄᭞ᬦᭂᬧᬾᬦ᭄ᬩᬘᬶᬦ᭄᭞ᬓᬓᭂᬤᬾᬓᬶᬦ᭄ᬩᬳᬦ᭄ᬢᬶᬫ᭄ᬧᬮ᭄᭟᭜᭟ᬳᭂᬦᭂᬗᬓ᭄ᬦᬋᬓᬾᬭᬶᬂᬤᬳ᭞ᬭᬶᬂᬚᬗ᭄ᬕᬮᬓᭀᬘᬧ᭄ᬫᬗ᭄ᬓᬶᬦ᭄᭞ᬓᬯᬸᬮᬦᬾᬮᬦᬂᬯᬤᭀ
ᬦ᭄᭞ᬳᬤᬗᬩᬭᭀᬦ᭄ᬩᬸᬲᬸᬂ᭞ᬮ᭄ᬬᬦ᭄ᬧᬗᬬᬄᬯᬗᬸᬦ᭄ᬩᬗ᭄ᬲᬮ᭄᭞ᬫ᭄ᬯᬄᬢᬢᬭᬶᬂ᭞ᬤᬶᬩᬜ᭄ᬘᬶᬗᬄᬫᬳᬸᬲᬸᬗᬦ᭄᭟᭜᭟ᬤᬩᬗᬾᬮᬳᬶᬲ᭄ᬫᬕᬾᬢᬓ᭄᭞ᬤᬕᬂᬭᬸᬚᬓ᭄ᬤᬕᬂᬓᭀᬧᬶ