[᭗᭓ 73B]
᭗᭓᭟
᭞ᬤᬕᬂᬲᬲᬢᬾᬭᬯᭀᬦ᭄᭞ᬤᬕᬂᬲᭀᬢᭀᬫᬶᬯᬄᬢᬳᬸ᭞ᬤᬕᬂᬓᬢᬶᬧᬢ᭄ᬩᬮᬬᬕ᭄᭞ᬤᬕᬂᬳᭂᬫᬶ᭞ᬤᬕᬂᬦᬲᬶᬮᬳᬶᬲ᭄ᬫᬓᭂᬚᬂ᭟᭜᭟ᬮ᭄ᬬᬦ᭄ᬲᬦᬾᬭᬶᬂᬧᬫ᭄ᬭᬚᬦ᭄᭞ᬕᭂᬦᬄᬧᬭᬳᬶ
ᬲ᭄ᬢ᭄ᬭᬶᬦᬾᬫᬢᬦ᭄ᬤᬶᬂ᭞ᬲᭀᬭᭀᬄᬰᬸᬘᬶᬧᬥᬗᬫᭀᬂ᭞ᬳᬶᬤᬢᬸᬓᬂᬲᬵᬫ᭄ᬧᬸᬦ᭄ᬭᬯᬸᬄ᭞ᬳᬶᬤᬳᬶᬲ᭄ᬢ᭄ᬭᬷᬧᭂᬢᬂᬤᬰ᭞ᬯᬕᭂᬤ᭄ᬲᬫᬶ᭞ᬧᬥᬫᬜᬸᬫ᭄ᬩᬸᬗᬂᬭᬵᬕ᭟᭜᭟ᬫᬗ᭄ᬭᬯᭀᬲ᭄ᬫᭂᬗ᭄ᬕᭀᬕᭂᬗ᭄ᬕᭀ
ᬕᬦ᭄᭞ᬫᬯᬲ᭄ᬢᬸᬲᬮᬶᬂᬧᬓᭂᬜᬢᬶᬦ᭄᭞ᬤᬤ᭄ᬬᬦ᭄ᬜᬧᬬᬸᬫᬳᬶᬬᭂᬕᬦ᭄᭞ᬫᬢᬸᬤᬂᬫᬢᬸᬤᬶᬂᬤᬶᬢᬸ᭞ᬓᬯᬸᬮᬦᬾᬓᬧᭂᬧᭂᬗ᭞ᬕᭂᬮᬶᬲ᭄ᬧ᭄ᬭᬧ᭄ᬢ᭞ᬧ᭄ᬭᬫᬾᬰ᭄ᬯᬭᬷᬳᬶᬤᬤᬸᬓ᭟᭜᭟ᬭᬭᬶᬲ᭄ᬳᬶᬤᬫ
ᬗᬦ᭄ᬤᬶᬓ᭞ᬗᬸᬤᬓᬾᬢᭀᬳᬶᬤᬳᬶᬲ᭄ᬢ᭄ᬭᬷ᭞ᬓᬃᬬ᭄ᬬᬦ᭄ᬢᬶᬢ᭄ᬬᬗᬾᬭᬯᭀᬲᬂ᭞ᬓᬾᬦ᭄ᬓᬾᬦ᭄ᬓ᭄ᬭᬡᬤᬤᬶᬳᬸᬬᬸᬢ᭄᭞ᬳᬶᬤᬬᬸᬓᬢᬄᬗᬢᬸᬭᬂ᭞ᬤᬳᬶᬲ᭄ᬢ᭄ᬭᬶᬭᬳᬶ᭞ᬳᬶᬤᬓᬾᬯᬦ᭄ᬢᭂᬦ᭄ᬦᬕᬶᬄᬓᬗ᭄ᬕᭀ
[᭗᭔ 74A]
ᬯᬂ᭟᭜᭟ᬲᬵᬫ᭄ᬧᬸᬦ᭄ᬚᬦ᭄ᬢᭂᬦ᭄ᬗᬦ᭄ᬤᬂᬗᬦ᭄ᬤᬂ᭞ᬲᬋᬂᬓᬢᬄᬫᬫ᭄ᬩᭀᬬᬦᬶᬦ᭄᭞ᬓᬬᬸᬦ᭄ᬳᬶᬤᬢᬍᬃᬓᭀᬚᭀᬄ᭞ᬦᬦ᭄ᬤᬶᬂᬰᬸᬘᬶᬫᬶᬯᬄᬘᬢᬸᬃ᭞ᬧᬓᬾᬫᬤᬕᬶᬂᬧᬜ᭄ᬚᬂᬳᬶᬮᬂ᭞ᬓᬩᭀᬬᬦᬶᬦ᭄᭞ᬓ
ᬤᬸᬭᬸᬲᬦ᭄ᬤᬤᭀᬲ᭄ᬚᬮ᭄ᬚᬮ᭄᭟᭜᭟ᬰ᭄ᬭᬷᬧ᭄ᬭᬫᬾᬰ᭄ᬯᬭᬷᬗᬦ᭄ᬤᬶᬓ᭞ᬗᬸᬤᬓᬾᬢᭀᬳᬤᬳᬶᬲ᭄ᬢ᭄ᬭᬷ᭞ᬓᬗ᭄ᬕᭀᬯᬂᬲᬦᬾᬓᬢᬳᬦ᭄᭞ᬳᭂᬤᬳᬶᬤᬩᭂᬗ᭄ᬓᬸᬂᬲᬶᬕᬸᬕ᭄᭞ᬳᬶᬤᬳᬶᬲ᭄ᬢ᭄ᬭᬷᬭᬳᬶᬫᬘᬭ᭞ᬧ᭄ᬭ
ᬫᬗ᭄ᬓᬶᬦ᭄᭞ᬳᬶᬤᬫᭂᬤᬮ᭄ᬭᬭᬶᬲ᭄ᬩᬸᬤᬮ᭄᭟᭜᭟ᬢᬦ᭄ᬘᬭᬶᬢᬭᬶᬂᬧᬫ᭄ᬭᬚᬦ᭄᭞ᬤᬶᬩᬜ᭄ᬘᬶᬗᬄᬓᬾᬘᬧ᭄ᬫᬗ᭄ᬓᬶᬦ᭄᭞ᬲᬂᬧ᭄ᬭᬪᬸᬓᬢᬗ᭄ᬓᬶᬮᬺᬓᭀ᭞ᬳᬶᬤᭂᬫᬂᬲᬕᬾᬢᬦ᭄ᬭᬯᬸᬄ᭞ᬕᭂᬮᬶᬲ᭄ᬧᬋᬓ᭄ᬭᬶᬂᬲᬂᬦᬵ
ᬣ᭞ᬫᬢᬸᬃᬪᬓ᭄ᬢᬶ᭞ᬫᬗᬢᬸᬭᬂᬢᬫ᭄ᬧᬓ᭄ᬢᬗᬦ᭄᭟᭜᭟ᬓᬳᬫ᭄ᬩᬶᬮ᭄ᬭᬭᬶᬲ᭄ᬓᬕᬕᬄ᭞ᬓᬩᬯᭀᬲ᭄ᬲᬚ᭄ᬭᭀᬦᬶᬂᬕᬮᬶᬄ᭞ᬲᬵᬫ᭄ᬧᬸᬢ᭄ᬧᬸᬧᬸᬢ᭄ᬳᬶᬤᬫ᭄ᬩᬯᭀᬲ᭄᭞ᬢᬸᬫᬸᬮᬶᬗᬦ᭄ᬤᬶᬓᬳᬮᬸᬲ᭄᭞ᬚ
Kaca:Bali-lontar-gaguritan-pakangraras-02-300ppi.pdf/74
Kaca puniki sampun kauji-wacén
