[᭗᭑ 71B]
᭗᭑᭟
ᬳᬶᬂᬤᬕᬶᬂᬧᬸᬭᬷ᭞ᬢᭂᬓᬦᬶᬂᬓᬚᬩᬚᬩ᭞ᬫᬓᬫᬶᬯᬄᬳᬶᬜᬩᭂᬓᬸᬂ᭞ᬦ᭄ᬤᬶᬗᭂᬄᬕᬸᬲ᭄ᬢᬶᬦᬾᬲᬸᬩᬓᬃᬯ᭄ᬯᬦ᭄᭞ᬭᬤᬾᬦ᭄ᬤᬾᬯᬷ᭞ᬲᬵᬫ᭄ᬧᬸᬦᬺᬓᭀᬭᬶᬂᬓᭀᬭᬶᬧᬦ᭄᭟᭜
᭟ᬩ᭄ᬯᬶᬦ᭄ᬧᬘᬂᬓᬧᬩᬸᬜ᭄ᬘᬶᬗᬂ᭞ᬭᬶᬂᬳᬶᬤᬭᬳᬤᬾᬦ᭄ᬫᬦ᭄ᬢ᭄ᬭᬷ᭞ᬳᭂᬦ᭄ᬢᬾᬓ᭄ᬭᬙᬧᬥᬗᭀᬭᭀᬂ ᬮᬸᬄᬫ᭄ᬯᬦᬶᬧᬢᬶᬓᭂᬧᬸᬕ᭄᭞ᬗᬮᬶᬧᬗᬗ᭄ᬩᭀᬦᬾᬫᭂᬮᬄ᭞ᬳᬤᬜᬶᬮᬶᬄ
᭞ᬳᬤᬜᬾᬯᬳᬤᬦᬸᬫ᭄ᬩᬲ᭄᭟᭜᭟ᬳᬦᬾᬜᬶᬮᬶᬄᬢᭀᬂᬫᭂᬩᬳᬦ᭄᭞ᬩᬸᬤᬶᬫᭂᬮᬶᬲᬶᬂᬗᭂᬮᬄᬧᬶᬧᬶᬲ᭄᭞ᬫᬗᬭᬸᬫᬸᬓ᭄ᬢᬸᬃᬗᬫᭀᬓᬓ᭄ᬫᭀᬓ᭄᭞ᬓᬢᬸᬗ᭄ᬕᬮᬶᬦ᭄ᬢᬦ᭄ᬓ
ᬕᬸᬕᬸ᭞ᬫᬶᬭᬶᬩᬾᬧᬮᬶᬂᬩᭀᬩᬩ᭞ᬤᬶᬓᬤᬾᬭᬷ᭞ᬤᭂᬧᬂᬓᬾᬦᬾᬲᬸᬩᬮᬶᬯᬢ᭄᭟᭜᭟ᬢ᭄ᬯᬭᬓᭀᬢᬳᬾᬦ᭄ᬫᬩᬶᬓᬲ᭄᭞ᬫᬳᭀᬭᬢ᭄ᬳᬚᬶᬳᬚᬶᬳᬢᭂᬩᬶᬄ᭞ᬢᬸ
[᭗᭒ 72A]
ᬫᬶᬦ᭄ᬜᬦᬾᬫᬗ᭄ᬭᬯᭀᬲ᭄᭞ᬓᬗ᭄ᬕᭀᬯᬂᬕᭂᬮᬳᬾᬲᬮᬸᬓ᭄᭞ᬤ᭄ᬬᬧᬶᬦ᭄ᬩᬸᬗᬄᬩᬳᬦ᭄ᬜᭂᬮᬂ᭞ᬳᬾᬩᬾᬃᬳᬶᬮᬶᬄ᭞ᬫᬗᭂᬫ᭄ᬩᬾᬕᬂᬕᭂᬮᬄᬳᬦᬓ᭄᭟᭜᭟ᬤ᭄ᬬᬧᬶᬦ᭄ᬚᭂᬮᬾᬮᬫᬸᬦ᭄ᬕᭂᬮᬄ᭞
ᬤ᭄ᬬᬧᬶᬦ᭄ᬫᭂᬮᬄᬩᬳᬦ᭄ᬜᬶᬮᬶᬄ᭞ᬤᬶᬧᭂᬮᬶᬳᬾᬩᬳᬦ᭄ᬗᬗ᭄ᬕᭀ᭞ᬳᬸᬲᬓ᭄ᬳᬶᬮᬂᬤᬤᬶᬢᬸᬢᬸᬃ᭞ᬩ᭄ᬯᬶᬦ᭄ᬤᬾᬯᬾᬓ᭄ᬧᬳᭂᬦ᭄ᬤᭀᬦᬦ᭄ ᬜᬥ᭄ᬬᬗᬶᬭᬶᬂ᭞ᬩᬸᬤᬶᬜᭂᬃᬬ᭄ᬬᬂᬳᬦᬓ᭄ᬚᬸᬫᬳ᭟᭜᭟
ᬳᬦᬓ᭄ᬦᬫ᭄ᬧᬶᬂᬧᭂᬢᬶᬓᭀᬢᬓ᭄᭞ᬧᬶᬂᬤᬰᬓᭂᬦᭂᬳᬾᬫᬲᬮᬶᬦ᭄᭞ᬢ᭄ᬯᬭᬤᬗᬮᬶᬄᬤᬶᬚᬳ᭞ᬳᬧᬦ᭄ᬲᬸᬩᬧᬥᬤᬶᬢᬸ᭞ᬜᭂᬋᬕ᭄ᬜᭂᬫᬓ᭄ᬚᬮᬦ᭄ᬫᬸᬮ᭞ᬢᬕᬶᬄᬳᭂᬦ᭄ᬤᭀᬕᬶ
ᬦ᭄᭞ᬳᬦᬓ᭄ᬫᬸᬮᬤᬶᬤᬾᬰᬦ᭄ᬜ᭟᭜᭟ᬤ᭄ᬬᬧᬶᬦ᭄ᬗᬭᬯᭀᬲ᭄ᬚ᭄ᬯᬂᬩᭂᬢᬾᬦᬦ᭄᭞ᬤᬧᬢᬶᬦᬕᬶᬄᬗᬸᬗ᭄ᬓᬸᬮᬶᬦ᭄᭞ᬚᬸᬯᬂᬢᬶᬗ᭄ᬓᬄᬢᬓᬸᬢ᭄ᬩᭂᬮᭀᬕ᭄᭞ᬳᭂᬤᬗᬗ᭄ᬕᭀ
Kaca:Bali-lontar-gaguritan-pakangraras-02-300ppi.pdf/72
Kaca puniki sampun kauji-wacén
