[᭗᭐ 70B]
᭗᭐᭟
ᬜᬶᬂᬗᬦ᭄ᬤᬶᬓ᭞ᬧᭂᬤᬲ᭄ᬓᬾᬢᭀᬓᬓᬧᬢᬶᬄ᭞ᬲᬸᬓᬢᬢ᭄ᬯᬭᬚᬚᭀᬄ᭞ᬤᬶᬭᬵᬕᬦ᭄ᬓᬓᬦᬾᬲᬵᬫ᭄ᬧᬸᬦ᭄᭞ᬫᬲᬶᬓᬓᬫᬜᭂᬓᭂᬦᬂ᭞ᬧᬘᬂᬓᬭᬶ᭞ᬫᬗᭂᬫᬶᬢ᭄ᬤᬶᬦᬶᬤᬶᬧᬸᬭ᭟᭐
᭟ᬕᭂᬥᬾᬓᬭᬂᬳᬧᬗᬚᬸᬫᬄ᭞ᬲᬋᬂᬭᬶᬂᬳᬶᬫᬥᬾᬲᬶᬢᬶ᭞ᬢᭂᬓᬦᬶᬲᬯᬤ᭄ᬯᬩᬮ᭞ᬫᬮᬶᬄᬩᬧᬕᭂᬥᬾᬢᬸᬩᬸᬄ᭞ᬫᬶᬯᬄᬩᬧᬜᭀᬫᬦ᭄ᬢᭂᬕᬮ᭄᭞ᬮᬶᬫᬂᬤᬶᬭᬶ᭞ᬫ᭄ᬯᬂᬩᬧᬧᬸᬢᬸᬳ
ᬩ᭄ᬬᬦ᭄᭟᭜᭟ᬦᬶᬓᬳᬧᬗᬳᭂᬤᬮᬸᬯᬲ᭄᭞ᬲᬭᭀᬯᬂᬜᬦᬾᬲᬫᬶ᭞ᬢᬍᬃᬓᬓᬫᬦᬶᬢᬳᬂ᭞ᬫᬗ᭄ᬤᬾᬦ᭄ᬜᬦᬾᬢ᭄ᬯᬭᬲᬸᬯᬸᬂ᭞ᬤᬶᬧᬸᬭᬷᬓᬮᬳᬶᬦ᭄ᬮᬸᬯᬲ᭄᭞ᬳᬫᬶᬲᬶᬗ᭄ᬕᬶᬄ᭞
ᬕᬸᬲ᭄ᬢᬶᬧᬢᬶᬄᬫᬢᬸᬃᬲᭂᬫ᭄ᬩᬄ᭟᭜᭟ᬲᬂᬦᬵᬣᬫᬮᬶᬄᬗᬦ᭄ᬤᬶᬓ᭞ᬤᭂᬫᬂᬧᬶᬤᬦ᭄ᬧᬘᬂᬫᬸᬮᬶᬄ᭞ᬕᬸᬲ᭄ᬢᬶᬤᭂᬫᬂᬫᬢᬸᬃᬳᬮᭀᬦ᭄᭞ᬲᬦᬾᬩᬾᬜ᭄ᬚᬂᬢᬶᬢ᭄ᬬᬂᬫᬦ᭄ᬢᬸᬓ᭄᭞ᬢᬶᬢ᭄ᬬᬂᬢᬦ᭄ᬫ
[᭗᭑ 71A]
ᬮᬶᬄᬗᬸᬦᬶᬗᬂ᭞ᬫᬭᬤᬗᬶᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬧᬗᬦ᭄ᬤᬶᬓ᭟᭜᭟ᬲᬂᬭᬢᬸᬓᬤᬾᬭᬷᬗᬦ᭄ᬤᬶᬓ᭞ᬦᬾᬢ᭄ᬬᬂᬫᬓᬩᬳᬶᬦ᭄᭞ᬳᬢᬸᬃᬭᬶᬂᬳᬶᬤᬲᬂᬓᬢᭀᬂ᭞ᬚᬯᬶᬦ᭄ᬲᬸᬭᬵᬢ᭄ᬤᭂᬫᬂ
ᬫᬢᬸᬃ᭞ᬳᬧᬦ᭄ᬤᭂᬫᬂᬲᬸᬩᬦᬯᬂ᭞ᬧᬋᬫ᭄ᬩᬸᬕ᭄ᬤᬶᬦᬶ᭞ᬳᬶᬤᭂᬫᬂᬫᬢᬸᬃᬲᬦ᭄ᬤᬶᬓ᭟᭜᭟ᬢᬸᬫᬸᬮᬶᬭᬭᬶᬲ᭄ᬫᬫᬶᬦ᭄ᬤ᭞ᬓᬮᬶᬄᬕᬸᬲ᭄ᬢᬶᬗᬸᬭᬄᬧᬢᬶᬄ᭞ᬫᬗ᭄ᬭᬭᬶᬲ᭄ᬫᭂᬤᬮᬺᬓᭀ᭞ᬤᬾᬦᬶᬂᬲᬵᬫ᭄ᬧᬸ
ᬦ᭄ᬮᬶᬗ᭄ᬲᬶᬃᬢᭂᬤᬸᬄ᭞ᬳᬶᬤᭂᬫᬂᬫᬓᬾᬍᬫᬦ᭄᭞ᬭᬶᬂᬳᬶᬧᬢᬶᬄ᭞ᬢᬦ᭄ᬓᬯᬃᬡ᭄ᬦᬭᬶᬂᬓᬧᬢ᭄ᬬᬦ᭄᭟᭜᭟ᬓᭀᬘᬧ᭄ᬳᬶᬤᬲᬂᬦᬵᬣ᭞ᬓᬮᬶᬄᬮᬦ᭄ᬧ᭄ᬭᬫᬾᬰ᭄ᬯᬭᬷ᭞ᬫᬗ᭄ᬭᬯᭀᬲᬂᬧ
ᬘᬂᬮᬸᬗ᭄ᬳ᭞ᬧᬜ᭄ᬚ᭄ᬭᭀᬯᬦᬾᬕᬶᬭᬂᬓᬸᬫ᭄ᬧᬸᬮ᭄᭞ᬗᬶᬦ᭄ᬢᬾᬗᭂᬫ᭄ᬩᬂᬧᬗᬸᬦᭂᬗᬦ᭄᭞ᬩᬬᬦ᭄ᬲᬗᬶᬢ᭄᭞ᬲᬓᬢᬳᬶᬂᬧᬜ᭄ᬚ᭄ᬭᭀᬯᬦ᭄᭟᭜᭟ᬮᬸᬄᬫ᭄ᬯᬦᬶᬧᬥᬲᬸᬓ᭞ᬲᬓᬢ
Kaca:Bali-lontar-gaguritan-pakangraras-02-300ppi.pdf/71
Kaca puniki sampun kauji-wacén
