[᭖᭗ 67B]
᭖᭗᭟
ᬓᬮᬶᬄᬮᬦᬶᬯᬬᬦ᭄ᬳᬮᬶᬢ᭄᭞ᬫᬾᬮᬂᬭᬶᬂᬢᬶᬗ᭄ᬓᬳᬾᬲᬸᬩ᭞ᬧᬥᬢᬺᬱ᭄ᬡᬓᬯᬶᬮᬸᬮᬸᬢ᭄᭞ᬓᬬᬸᬦᬾᬳᭂᬩᬄᬲᬧᬶᬲᬦ᭄᭞ᬤᬸᬭᬸᬲ᭄ᬳᬲᬶᬄ᭞ᬫᬢᭂᬮᬲᬦ᭄ᬧᬲᬗ᭄ᬓᬾᬢ᭟᭜᭟ᬦᬶᬓᬋᬓᬾᬳᬶ
ᬜ᭄ᬘᬧᬂ᭞ᬓᬾᬯᬦ᭄ᬢᭂᬦ᭄ᬲᬚ᭄ᬭᭀᬦᬶᬂᬕᬮᬶᬄ᭞ᬲᬕᬾᬢ᭄ᬭᬯᬸᬄᬧᬗᬬᬳᬾᬗᭂᬮᭀᬄ᭞ᬕᬸᬲ᭄ᬢᬶᬧᬢᬶᬄᬕᭂᬮᬶᬲ᭄ᬫᬢᬸᬃ᭞ᬭᬶᬂᬧ᭄ᬭᬫᬾᬰ᭄ᬯᬭᬶᬮᬦ᭄ᬭᬳᬤ᭄ᬬᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬷ᭞ᬗᬦ᭄ᬤᬶᬓᬯᬫᬭᬢᭂᬓ᭟᭜
᭟ᬳᬶᬧᬢᬶᬄᬫᬢᬸᬃᬭᬶᬂᬢ᭄ᬯᬦ᭄᭞ᬧᬢᬹᬢ᭄ᬢᬶᬢ᭄ᬬᬂᬯᬯᬸᬧ᭄ᬭᬧ᭄ᬢᬶ᭞ᬢᬶᬢ᭄ᬬᬂᬦᬸᬦᬲ᭄ᬧᬗᬦ᭄ᬤᬶᬓ᭞ᬤᬶᬚᬕᭂᬦᬄᬢᬶᬢ᭄ᬬᬂᬗᬯᬗᬸᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬷᬳᬗᬦ᭄ᬤᬶᬓ᭞ᬳᬸᬯᬧᬢᬶᬄ᭞ᬲᬭᬳᬸᬯᬫᬫᬦ᭄ᬢᭂᬲᬂ᭟
᭐᭟ᬳᬶᬧᬢᬄᬭᬭᬶᬲ᭄ᬫᬓᬃᬬ᭄ᬬ᭞ᬗᬯᬗᬸᬦ᭄ᬩᬗ᭄ᬲᬮ᭄ᬫ᭄ᬯᬂᬢᬢᬭᬶᬂ᭞ᬤᬾᬦᬶᬂᬓᬯᬸᬮᬧᬜᬶᬬ᭄ᬯᬦ᭄᭞ᬕᭂᬮᬶᬲ᭄ᬩᬗ᭄ᬲᬮ᭄ᬢᬢᬭᬶᬂᬧᬸᬧᬸᬢ᭄᭞ᬢᭂᬓᬦᬶᬂᬲᬲᬮᬵᬦ᭄ᬲᬫ᭄ᬬᬦ᭄᭞ᬓᭀᬘᬧ᭄ᬫᬗ᭄ᬓᬶᬦ᭄᭞ᬧ᭄ᬭ
[᭖᭘ 68A]
ᬫᬾᬰ᭄ᬯᬭᬷᬳᬶᬤᬩᬸᬤᬮ᭄᭟᭜᭟ᬢᬦ᭄ᬓᬬᬸᬦ᭄ᬫᬸᬗ᭄ᬕᬄᬭᬶᬂᬥᬫ᭄ᬧ᭞ᬭᬤᬾᬦ᭄ᬫᬦ᭄ᬢ᭄ᬭᬷᬫ᭄ᬯᬄᬳᬶᬧᬢᬶᬄ᭞ᬧᬥᬢᬳᬦᬶᬢᬶᬄᬓᬸᬤ᭞ᬲᭀᬧᬘᬭᬦᬾᬢᬦ᭄ᬓᬦ᭄ᬢᬸᬦ᭄᭞ᬧᬗᬯᬶᬦ᭄ᬮᬦ᭄ᬩᬮᬸᬮᬂᬫ
ᬗᬧ᭄᭞ᬫᬗ᭄ᬭᬶᬳᬶᬦᬶᬦ᭄᭞ᬢᬦ᭄ᬓᬯᬃᬡ᭄ᬦᬭᬶᬂᬧᬫᬃᬕ᭄ᬕ᭟᭜᭟ᬕᭂᬮᬶᬲ᭄ᬫᬸᬗ᭄ᬕᬄᬭᬶᬂᬩᬜ᭄ᬘᬶᬗᬄ᭞ᬫᬗ᭄ᬭᬭᬶᬲ᭄ᬳᬶᬤᬓᬧᬸᬭᬷ᭞ᬲᬭᬯᬸᬳᬾᬫᬭᬶᬂᬚ᭄ᬭᭀ᭞ᬕᭂᬮᬶᬲ᭄ᬧᬋᬓ᭄ᬭᬶᬂᬲᬂᬧ᭄ᬭᬪᬸ᭞ᬧ᭄ᬭᬫᬾᬰ᭄ᬯᬭᬷᬫ
ᬗᬢᬸᬭᬂ᭞ᬓᬓᬳᬚᬷ᭞ᬢᬶᬢ᭄ᬬᬂᬓᬲᭀᬩ᭄ᬗᭂᬢᭀᬦᬶᬦᬦᬓ᭄᭟᭜᭟ᬳᬬᬸᬦᬾᬓᬮᬶᬦ᭄ᬢᬂᬮᬶᬦ᭄ᬢᬂ᭞ᬲᬓ᭄ᬱᬢ᭄ᬓᬤᬶᬲᬂᬳ᭄ᬬᬂᬭᬢᬶᬄ᭞ᬲᬸᬩᬜᬦ᭄ᬤᬂᬲᭂᬓᬃᬓᬤᬢᭀᬦ᭄᭞ᬢᬗ᭄ᬓᬶᬮᬶ
ᬦ᭄ᬧᬸᬗ᭄ᬕᬯᬳᬕᬸ᭞ᬫᬓᬅᬃᬤ᭄ᬟᬦᬭᬾᬰ᭄ᬯᬃᬬ᭄ᬬ᭞ᬲᬸᬫᭂᬦ᭄ᬤᬶᬳᬶ᭞ᬫᭂᬗ᭄ᬓᬸᬚᬕᬢ᭄ᬭᬶᬂᬚᬗ᭄ᬕ᭠ᬮ᭟᭜᭟ᬤᬾᬦᬶᬂᬲᬵᬫ᭄ᬧᬸᬦ᭄ᬲᬸᬭᬸᬧ᭄ᬲᬹᬃᬬ᭄ᬬ᭞ᬳᭂᬦᭂᬗᬓ᭄ᬦᬫᬗ᭄ᬓᬾᬭᬶᬂᬧᬸᬭᬷ᭞ᬕᭂᬮᬶᬲᬶᬂᬘᬭᬶ
Kaca:Bali-lontar-gaguritan-pakangraras-02-300ppi.pdf/68
Kaca puniki sampun kauji-wacén
