[᭖᭘ 68B]
᭖᭘᭟
ᬢᬋᬓᭀ᭞ᬕᬸᬲ᭄ᬢᬶᬤᭂᬫᬸᬂᬚᬦᬶᬓᬯᬸᬯᬸᬲ᭄᭞ᬲᬸᬩᬕᭂᬦᭂᬧ᭄ᬢᬶᬕᬂᬤᬶᬦ᭞ᬕᭂᬮᬶᬲ᭄ᬫᬫᬃᬕ᭄ᬕᬶ᭞ᬲᬵᬫ᭄ᬧᬸᬦ᭄ᬭᬯᬸᬄᬫᬭᬶᬂᬤᬳ᭟᭜᭟ᬲᬢᭂᬓᬦᬾᬩᬢᬦ᭄ᬩᬜ᭄ᬘᬶᬗᬄ᭞ᬗᬮᬶᬯᭂᬓᬲᬦ᭄ᬓᬧᬸ
ᬭᬷ᭞ᬲᬕᬾᬢ᭄ᬳᬤᬧᬋᬓᬦ᭄ᬦᭂᬮᬵᬓ᭄᭞ᬫᬯᬱ᭄ᬝᬳᬶᬯᬬᬦ᭄ᬲᬸᬩᬸᬓᬓ᭞ᬘᬭᬓᬓᬧᬭᬲᬭ᭞ᬚᬸᬭᬸᬦᬗᬦᬶᬦ᭄᭞ᬲᬦᬾᬓᬭᬯᭀᬲ᭄ᬳᭀᬕ᭄ᬬᬧᭂᬚᬄ᭟᭜᭟ᬧᬸᬦᬶᬓᬋᬓᬾᬫᬜ
ᬧ᭞ᬳᬶᬤᭂᬫᬂᬗᬦ᭄ᬤᬶᬓᬳᬭᬶᬲ᭄᭞ᬩᭂᬮᬶᬯᬬᬦ᭄ᬢ᭄ᬬᬂᬯᭂᬓᬲᬂ᭞ᬭᬶᬂᬳᬶᬤᬳᬦᬓᬾᬳᬕᬸᬂ᭞ᬳᬶᬲᬸᬩᬸᬓ᭄ᬫᬢᬸᬃᬲᬦ᭄ᬤᬶᬓ᭞ᬢᬶᬢ᭄ᬬᬂᬗᬶᬭᬶᬂ᭞ᬢᬸᬫᬸᬮᬶᬕᭂᬮᬶᬲ᭄ᬗᬧᬸᬃᬬ᭄ᬬᬂ᭟᭜᭟ᬲᬢᭂᬓᬦᬾᬳᬶᬲᬸ
ᬩᬸᬓ᭄ᬜᭂᬫ᭄ᬩᬄ᭞ᬢᬸᬫᬸᬮᬶᬫᬳᬸᬃᬕᭂᬮᬶᬲ᭄᭞ᬭᬢᬸᬳᬕᬸᬂᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬯᬾᬦ᭄ᬢᭂᬦ᭄ᬤᬸᬢᬩᬯᬸᬭᬯᬸᬄ᭞ᬕᬸᬲ᭄ᬢᬶᬤᭂᬫᬂᬭᬶᬂᬚᬗ᭄ᬕᬮ᭞ᬭᬯᬸᬄᬫᬗ᭄ᬓᬶᬦ᭄᭞ᬲᬂᬧ᭄ᬭᬪᬸᬳᬭᬶᬲ᭄ᬗᬦ᭄ᬤᬶᬓ᭟᭜᭟ᬦᬄ
[᭖᭙ 69A]
ᬓᭂᬫᬲᬸᬩᬸᬓ᭄ᬓᬚᬩ᭞ᬳᬢᬸᬭᬶᬦᬶᬓᬓᬧᬢᬶᬄ᭞ᬳᬢᬸᬭᬂᬳᬸᬢᬸᬲᬦ᭄ᬢᭂᬓ᭞ᬳᬸᬢᬸᬲᬦᬾᬤᭂᬧᬂᬫᬮᬸ᭞ᬳᬶᬲᬸᬩᬸᬓ᭄ᬕᭂᬮᬶᬲ᭄ᬓᬚᬩ᭞ᬫᬗᬢᬸᬭᬶᬦ᭄᭞ᬕᬸᬲ᭄ᬢᬶᬧᬢᬶᬄᬕᬕᭂᬮᬶᬲᬦ᭄᭟᭜᭟ᬕᬸᬲ᭄ᬢᬶ
ᬧᬢᬶᬄᬚᬕᬶᬫᭂᬤᬮ᭄᭞ᬳᬶᬲᬸᬩᬸᬓ᭄ᬭᬭᬶᬲ᭄ᬧ᭄ᬭᬧ᭄ᬢᬶ᭞ᬢᬸᬫᬸᬮᬶᬫᬳᬢᬸᬃᬳᬮᭀᬦ᭄᭞ᬜᬦ᭄ᬤᬂᬩᭂᬘᬶᬓ᭄ᬢᬶᬢ᭄ᬬᬂᬭᬯᬸᬄ᭞ᬭᬢᬸᬦ᭄ᬤᬶᬓᬬᬂᬗ᭄ᬕᭂᬮᬲᬂ᭞ᬫᬗ᭄ᬓᬶᬦ᭄ᬓᬧᬸᬭᬷ᭞ᬳᬦ᭄ᬢᬸᬓᬶᬤᬰ᭄ᬭᬷᬦᬭᬾᬦ᭄ᬤ᭄ᬭ᭟᭜᭟ᬯᬾ
ᬦ᭄ᬢᭂᬦ᭄ᬳᬸᬢᬸᬲᬦ᭄ᬚᬗ᭄ᬕᬮ᭞ᬕᬸᬲ᭄ᬢᬶᬤᭂᬫᬸᬂᬭᬯᬸᬄᬫᬗ᭄ᬓᬶᬦ᭄᭞ᬓᬦ᭄ᬢᬸᬦ᭄ᬳᬾᬲᭀᬭᬶᬂᬩᬜ᭄ᬘᬶᬗᬄ᭞ᬳᬶᬧᬢᬄᬕᭂᬮᬶᬲ᭄ᬳᬸᬫᬢᬸᬃ᭞ᬳᬶᬧᬢᬶᬕᭂᬮᬶᬲ᭄ᬳᬸᬫᬢᬸᬃ᭞ᬳᬶᬤᭂᬫᬂᬭᬭᬶᬲ᭄ᬓᬘᬶᬗᬓ᭄᭞ᬓᬧᬭᬦᬶᬦ᭄᭞ᬢᬸᬫᬸᬮᬶ
ᬫᬤᬦ᭄ᬤᬦ᭄ᬢᬗᬦ᭄᭟᭜᭟ᬭᬭᬶᬲ᭄ᬫᬸᬗ᭄ᬕᬄᬭᬶᬂᬩᬜ᭄ᬘᬶᬗᬄ᭞ᬲᬂᬧ᭄ᬭᬪᬸᬲᬵᬫ᭄ᬧᬸᬦ᭄ᬫᬮᬶᬗ᭄ᬕᬶᬄ᭞ᬳᬶᬧᬢᬶᬄᬫ᭄ᬯᬂᬳᬶᬤᭂᬫᬂ᭞ᬲᬳᬲᭂᬫ᭄ᬩᬄᬲᬃᬯ᭄ᬬᬫᬢᬸᬃ᭞ᬤᬸᬄᬤᬾᬯᬭᬢᬸᬪᬝᬭ᭞ᬰ᭄ᬭᬷᬪᬹᬧᬢᬶ᭞ᬕᭂᬮᬶᬲ᭄ᬫᬶ
Kaca:Bali-lontar-gaguritan-pakangraras-02-300ppi.pdf/69
Kaca puniki sampun kauji-wacén
