[᭖᭖ 66B]
᭖᭖᭟
ᬗᬸᬲᬧᬸᬲᬧ᭄᭞ᬕᬶᬕᬶᬃᬮᬯᬦ᭄ᬧ᭄ᬭᬭᬳᬶ᭞ᬦᬦᬓ᭄ᬕᬮᬸᬄᬢᬦᬶᬪᬕ᭄ᬬ᭞ᬓᬧᭀᬓᬯᬶᬦᬾᬫᬦᬸᬤᬸᬄ᭞ᬗᬧᬗ᭄ᬕᬶᬳᬂᬢᭂᬓᬾᬦ᭄ᬩ᭄ᬬᬂ᭞ᬓᬮᬶᬄᬳᬶᬬᬚᬷ᭞ᬫ᭄ᬯᬂᬦᬦᬓ᭄ᬫᬦ᭄ᬢ᭄ᬭᬷᬓᭀᬭᬶᬧᬦ᭄
᭟᭜᭟ᬢ᭄ᬯᬶᬓᬯᬶᬗᬫᬗ᭄ᬕᭂᬳᬂ᭞ᬢᬸᬲ᭄ᬢᬸᬲ᭄ᬦᬦᬓ᭄ᬲᬢ᭄ᬭ᭄ᬬᬮᬸᬯᬶᬄ᭞ᬬᬾᬦᬶᬂᬕᬦ᭄ᬢᬶᬦ᭄ᬦᬦᬓ᭄ᬓᬯᭀᬦ᭄᭞ᬮ᭄ᬬᬦ᭄ᬯᬗ᭄ᬲᬦᬦᬓ᭄ᬳᬸᬮᬸᬂ᭞ᬫᬶᬗ᭄ᬓᬶᬦ᭄ᬢᭂᬓᬾᬦᬶᬂᬯᭀᬂᬰᬸᬤ᭄ᬭ᭞ᬤᬤᬶᬢᬦᬶ᭞ᬓᬯᬸᬮ
ᬦᬾᬗᬲᬳᬶᬦ᭄ᬪᬲ᭟᭜᭟ᬦᬾᬫᬗ᭄ᬓᬶᬦ᭄ᬩ᭄ᬬᬂᬗᬭᬳᬶᬦ᭞ᬫᬰᬩ᭄ᬤᬭᬶᬂᬦᬦᬓ᭄ᬤᬾᬯᬷ᭞ᬦᬦᬓ᭄ᬧᬘᬂᬓᬩᬸᬜ᭄ᬘᬶᬗᬂ᭞ᬤ᭄ᬭᬶᬓᬶᬭᬶᬂᬦᬦᬓ᭄ᬩᬕᬸᬲ᭄᭞ᬳᬧᬂᬧᬶᬲᬦ᭄ᬦᬦᬓ᭄ᬧ᭄ᬭᬕᬢ᭄᭞ᬢᬯᬂᬕᬸ
ᬫᬶ᭞ᬭᬤᬾᬦ᭄ᬤᬯᬶᬫᬢᬸᬃᬲᭂᬫ᭄ᬩᬄ᭟᭜᭟ᬕᬸᬂᬳᬫ᭄ᬧᬸᬭᬭᬢᬸᬩ᭄ᬬᬂ᭞ᬩᭀᬬᬢᬦ᭄ᬢᬶᬢ᭄ᬬᬂᬲᬳᬶᬭᬶᬂ᭞ᬭᬶᬂᬧᬓᬬᬸᬦ᭄ᬧᬤᬸᬓᬩ᭄ᬬᬂ᭞ᬭᬶᬂᬚᬕᬢᬾᬢᬶᬢ᭄ᬬᬂᬓᬶᬫᬸᬤ᭄᭞ᬲᬢ᭄ᬲᬢ᭄ᬢᬶᬢ᭄ᬬᬂᬯ᭄ᬯᬂ
[᭖᭗ 67A]
ᬳᬮᬲᬦ᭄᭞ᬤ᭄ᬭᬶᬓᬶᬗᭂᬫ᭄ᬧᬶ᭞ᬢᬦ᭄ᬧᬢᬹᬢ᭄ᬧᬯᬶᬯᬳᬂ᭟᭜᭟ᬢᬦ᭄ᬧᬫᬾᬫᬾᬢᬦ᭄ᬧᬩᬧ᭞ᬚᬦ᭄ᬢᭂᬦ᭄ᬤᬤᭀᬲ᭄ᬤᭀᬍᬕ᭄ᬳᬢᬶ᭞ᬓᬮᬶᬄᬓᬾᬗᬶᬦ᭄ᬳᬮᬭᬯᭀᬲ᭄᭞ᬧ᭄ᬬᬦᬓ᭄ᬜᬦᬾᬤ
ᬦᬾᬩᭂᬓᬸᬂ᭞ᬦᬾᬦᬸᬤᬸᬓ᭄ᬤᬶᬢᭂᬗᬄᬳᬮᬲ᭄᭞ᬚᬦᬶᬫᬩᬸᬜ᭄ᬘᬶᬂ᭞ᬫᬗᭂᬜ᭄ᬚᭀᬢᬂᬚᬕᬢ᭄ᬚᬗ᭄ᬕᬮ᭟᭜᭟ᬲᬧᬸᬦᬶᬓᬭᬢᬸᬢᬷᬢ᭄ᬬᬂ᭞ᬲᬵᬫ᭄ᬧᬸᬦᬂᬢᬶᬢ᭄ᬬᬂᬫᬩᬸᬜ᭄ᬚᬶᬂ᭞ᬧ᭄ᬭᬫᬾᬰ᭄ᬯᬭᬷᬗᬦ᭄ᬤᬶᬓ
ᬳᬮᭀᬦ᭄᭞ᬳᭂᬤᬓᬾᬢᭀᬦᬦᬓ᭄ᬕᬮᬸᬄ᭞ᬚᬦᬶᬩ᭄ᬬᬂᬫᭂᬢᭀᬄᬳᬧᬶᬲᬦ᭄᭞ᬤ᭄ᬬᬧᬶᬦᬶᬬᬚᬷ᭞ᬤᬾᬦᬶᬂᬢ᭄ᬯᬭᬤᬩ᭄ᬯᬶᬦᬦ᭄᭟᭜᭟ᬭᬤᬸᬦ᭄ᬕᬮᬸᬄᬢᬦ᭄ᬧᬗᬸᬘᬧ᭄᭞ᬭᬤᬾᬦ᭄ᬫᬦ᭄ᬢ᭄ᬭᬷᬦᬩ᭄ᬤᬳ
ᬭᬶᬲ᭄᭞ᬳᬶᬭᬶᬂᬓᬬᬸᬦ᭄ᬤᬳᬶᬩ᭄ᬬᬂ᭞ᬳᬧᬂᬢᬶᬢ᭄ᬬᬂᬕᭂᬮᬶᬲ᭄ᬧᬸᬧᬸᬢ᭄᭞ᬲᬓᬵᬤᬶᬢᬶᬢ᭄ᬬᬂᬫᬋᬓᬦ᭄᭞ᬭᬶᬂᬓᬤᬾᬭᬷ᭞ᬢᬸᬃᬫᬯᬱ᭄ᬝᬳᬶᬧᬓᬂᬭᬭᬲ᭄᭟᭜᭟ᬭᬤᬾᬦ᭄ᬤᬾᬯᬷᬓᭂᬜᭂᬫ᭄ᬫ᭄ᬬᬃᬱ᭞
Kaca:Bali-lontar-gaguritan-pakangraras-02-300ppi.pdf/67
Kaca puniki sampun kauji-wacén
