[᭖᭕ 65B]
᭖᭕᭟
ᬅᬢ᭄ᬫᬚ᭄ᬯᬶᬢ᭞ᬦᬸᬦᬲ᭄ᬓᬾᬭᬢᬸᬫᬗ᭄ᬭᬜ᭄ᬚᬶᬂ᭞ᬲᬵᬫ᭄ᬧᬸᬦᬂᬓᬢᬄᬩᬩᬯᭀᬲ᭄᭞ᬤᬾᬦᬶᬂᬲᬵᬫ᭄ᬧᬸᬦ᭄ᬢᭂᬗᬄᬤᬮᬸ᭞ᬭᬤᬾᬦ᭄ᬕᬮᬸᬄᬮᬦ᭄ᬭᬳᬤ᭄ᬬᬦ᭄᭞ᬲᬵᬫ᭄ᬧᬸᬦ᭄ᬗᬭᬜ᭄ᬚᬶᬂ᭞ᬢᬦ᭄ᬓᬯᬃᬡ᭄ᬦᬭᬶᬂᬧᬫᬺᬫᬦ᭄᭟
᭐᭟ᬓᭀᬘᬧᬦ᭄ᬲᬵᬫ᭄ᬧᬸᬦ᭄ᬭᬳᬶᬦ᭞ᬓᬯᬸᬯᬸᬢᬦ᭄ᬧ᭄ᬭᬫᬾᬰ᭄ᬯᬭᬷ᭞ᬮᬸᬗ᭄ᬳᬫᬭᬶᬂᬭᬾᬧᭀᬕᬾᬫ᭄ᬩᭀᬂ᭞ᬯ᭄ᬯᬂᬚ᭄ᬭᭀᬦᬾᬓᬢᬄᬢᬸᬫᬹᬢ᭄᭞ᬫᬗ᭄ᬭᬳᬶᬦᬶᬦ᭄ᬩᭂᬮᬸᬮᬂᬫᬗᬧ᭄᭞ᬗᬩᬩᭂᬤᬶᬮ᭄᭞ᬢᬫ᭄ᬬᬂᬓᭀ᭠
ᬍᬫ᭄ᬫᬓᭂᬫ᭄ᬩᬭᬦ᭄᭟᭜᭟ᬧᬗᬯᬶᬦᬾᬫᬧᭀᬦ᭄ᬢᬂᬫᬵᬲ᭄᭞ᬓᬦᬦ᭄ᬓᬾᬭᬷᬳᬫ᭄ᬭᬧᬶᬢ᭄᭞ᬧ᭄ᬭᬫᬾᬰ᭄ᬯᬭᬲᬵᬫ᭄ᬧᬸᬦ᭄ᬫᬸᬗ᭄ᬕᬄ᭞ᬭᬶᬤᬫ᭄ᬧᬃᬫᬵᬲᬾᬫᬸᬭᬸᬩ᭄᭞ᬧᬶᬦ᭄ᬤᬫᬩᬜᬸᬳᭂᬫᬵᬲ᭄᭞ᬫᬢᭂᬧᬸᬓ᭄ᬫᬗ᭄ᬕᬶᬲ᭄
᭞ᬤᬶᬢᭂᬗᬄᬬᬫᬲᬰᭀᬘᬦ᭄᭟᭜᭟ᬘᬭᬶᬢᬬᬂᬧᬫᬃᬕ᭄ᬕᬶᬦᬶᬤ᭞ᬢᬦ᭄ᬮ᭄ᬬᬦ᭄ᬤᬾᬯᬶᬤ᭄ᬭᬸᬧᬤᬶ᭞ᬮᬸᬗ᭄ᬳᬦᬾᬗᬮᬂᬮᬂᬓᬮᬗᭀᬦ᭄᭞ᬭᬶᬓᬵᬮᬓᬢᬫᬦ᭄ᬲᬦ᭄ᬢᬸᬦ᭄᭞ᬢ᭄ᬯᬶᬓᬾᬢᭀ
[᭖᭖ 66A]
ᬉᬧᬫᬬᬂ᭞ᬧ᭄ᬭᬫᬾᬰ᭄ᬯᬭᬷ᭞ᬧᬭᬍᬗᭃᬗᬾᬗᬶᬭᬶᬗᬂ᭟᭜᭟ᬕᭂᬮᬶᬲᬶᬤᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬭᬤᬾᬦ᭄ᬤᬾᬯᬷᬕᭂᬮᬶᬲ᭄ᬫᭂᬦ᭄ᬤᬓᬶᬦ᭄᭞ᬰ᭄ᬭᬷᬧ᭄ᬭᬫᬾᬰ᭄ᬯᬭᬷᬜᬶᬗᬓ᭄᭞ᬭᬭᬶᬲ᭄ᬫᬗᬾᬗ᭄ᬕᬮᬂ
ᬢᭂᬤᬸᬦ᭄᭞ᬭᬤᬾᬦ᭄ᬤᬾᬯᬶᬜᭀᬗ᭄ᬓᭀᬓ᭄ᬜᭂᬫ᭄ᬩᬄ᭞ᬫᬢᬸᬃᬳᬭᬶᬲ᭄᭞ᬢᬶᬢ᭄ᬬᬂᬦ᭄ᬤᬯᭂᬕ᭄ᬦᬸᬦᬲ᭄ᬮᬸᬕ᭄ᬭ᭟᭜᭟ᬕᬂᬲᬵᬫ᭄ᬧᬸᬭᬭᬢᬸᬩ᭄ᬬᬂ᭞ᬭᬶᬂᬢᬶᬢ᭄ᬬᬂᬯᭀᬂᬓᬵᬲᬾᬲᬶ᭞ᬦᬶᬱ᭄ᬝᬥᬫ
ᬓᬦᬭᬓ᭞ᬢᬦ᭄ᬧᬦ᭄ᬢᭂᬲ᭄ᬢᬺᬳᬶᬭᬢᬸ᭞ᬫᬕᭂᬦᬄᬭᬶᬂᬚᬮᬦ᭄ᬚᬮᬦ᭄᭞ᬢᬦ᭄ᬧᬓᬺᬢᬶ᭞ᬫᬦᬶᬮᬭᬶᬦ᭄ᬫᬾᬫᬾᬩᬧ᭟᭜᭟ᬧ᭄ᬭᬫᬾᬰ᭄ᬯᬭᬷᬲᭂᬫᬸᬯᬱ᭄ᬧ᭞ᬫᬶᬋᬂᬳᬢᬸᬃᬭᬤᬾᬦ᭄ᬤᬾ
ᬯᬶ᭞ᬢᬸᬫᬸᬮᬶᬗᬦ᭄ᬤᬶᬓᬳᬮᭀᬦ᭄᭞ᬤ᭄ᬬᬄᬫᬵᬲ᭄ᬫᬶᬭᬄᬦᬦᬓ᭄ᬕᬮᬸᬄ᭞ᬲᬵᬫ᭄ᬧᬸᬦᬂᬚ᭄ᬯᬫᬫᬜ᭄ᬚᬗᬂ᭞ᬫᬸᬯᬄᬲᭂᬤᬶᬄ᭞ᬩ᭄ᬬᬂᬫᬶᬋᬂᬰᬩ᭄ᬤᬦ᭄ᬦᬦᬓ᭄᭟᭜᭟ᬭᬭᬶᬲᬶᬤ᭠
Kaca:Bali-lontar-gaguritan-pakangraras-02-300ppi.pdf/66
Kaca puniki sampun kauji-wacén
