[᭖᭔ 64B]
᭖᭔᭟
ᬓᬳᬭᬶᬲ᭄᭞ᬤᬸᬭᬸᬲᬂᬦᬦᬓ᭄ᬫᬫᬃᬕ᭄ᬕ᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬷᬕᭂᬮᬶᬢ᭄ᬫᬜᭂᬫ᭄ᬩᬄ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬧᬋᬓᬦᬾᬗᬶᬭᬶᬂᬳᬶᬤ᭞ᬫ᭄ᬯᬦᬶᬧᬢ᭄ᬧᬢ᭄ᬮᬸᬄᬳᬓᬸᬢᬸᬲ᭄᭞ᬧᬥᬬᬫᬲᬲ
ᬦ᭄ᬤᬗᬦ᭄᭞ᬓᭀᬢᬓ᭄ᬧᭂᬢᬶ᭞ᬢᬶᬓᭂᬄᬕᬍᬂᬫᬶᬯᬄᬢᬶᬮᬫ᭄᭟᭜᭟ᬧᬸᬦ᭄ᬢᬚ᭄ᬭᬸᬤᬾᬄᬮᬦ᭄ᬓᬃᬮ᭞ᬢᬦ᭄ᬫᬭᬶᬗᬶᬭᬶᬂᬢ᭄ᬯᬦ᭄ᬫᬦ᭄ᬢ᭄ᬭᬷ᭞ᬫᬗ᭄ᬕᬯᬮᬮᬜ᭄ᬘᬂᬫᬵᬲ᭄᭞ᬫᬲᬰᭀᬘᬦ᭄ᬳᭂᬦ᭄ᬤᬶᬄᬫᬸᬭᬸᬩ᭄᭞
ᬧᬫᬃᬕ᭄ᬕᬶᬦᬾᬕᬕᬗ᭄ᬲᬭᬦ᭄᭞ᬕᬮᬂᬰᬰᬶᬄ᭞ᬕᭂᬮᬶᬲ᭄ᬭᬯᬸᬄᬳᬶᬤᬭᬤ᭄ᬬᬦ᭄᭟᭜᭟ᬭᬤᬾᬦ᭄ᬤᬾᬯᬷᬕᭂᬮᬶᬲ᭄ᬫᬜᬧ᭞ᬦᬶᬯᬬᬦ᭄ᬳᬮᬶᬢ᭄ᬫᬗᬶᬭᬶᬂ᭞ᬤᬦᬾᬩᭂᬓᬸᬂᬯᬤᭀᬦ᭄᭞ᬜᭂᬫ᭄ᬩᬄᬬ
ᬲᬃᬯ᭄ᬯᬶᬬᬶᬸᬂᬲᬶᬸᬃᬯᬸᬫᬳᬢᬸᬃ᭞ᬭᬢᬸᬩᬕᬸᬲ᭄ᬢᬶᬦ᭄ᬢ᭄ᬬᬂ᭞ᬯᬳᬸᬧ᭄ᬭᬧ᭄ᬢᬶ᭞ᬭᬤᬾᬦ᭄ᬫᬦ᭄ᬢ᭄ᬭᬷᬕᭂᬮᬶᬲ᭄ᬗᬦ᭄ᬤᬶᬓ᭟᭜᭟ᬢᬶᬢ᭄ᬬᬂᬫᬭᬫᬾᬫᬾᬩᬧ᭞ᬓᬓᬸᬗ᭄ᬓᬸᬮ᭄ᬗᬶᬭᬶᬂᬲᬂᬳᬚᬷ᭞ᬓᬮᬶᬄᬗᭂᬦᭂᬫᬶᬦ᭄ᬧᬸ
[᭖᭕ 65A]
ᬗ᭄ᬕᬯ᭞ᬳᬸᬯᬧᬢᬶᬄᬲᭂᬤᬳᬦ᭄ᬧᬳᬸᬫ᭄᭞ᬫᬗ᭄ᬭᬯᭀᬲᬂᬧᬘᬂᬓᬃᬬ᭄ᬬ᭞ᬳᬦᬾᬫᬦᬶ᭞ᬫᬗᬯᬶᬢᬂᬗᬯᬗᬸᬦ᭄ᬩᬗ᭄ᬲᬮ᭄᭟᭜᭟ᬦᬄᬓᭂᬫᬫᬾᬫᬾᬤᬩ᭄ᬤᬩᬂ᭞ᬧᬫᬺᬫᬦᬾᬳᬶᬬᬤᬶᬤᬾ
ᬯᬷ᭞ᬧᬜ᭄ᬚ᭄ᬭᭀᬯᬦᬾᬳᭂᬦ᭄ᬢᭀᬳᬚᬓ᭄᭞ᬤᬓᬾᬩᭂᬓᬸᬂᬕᭂᬮᬶᬲ᭄ᬩᬗᬸᬦ᭄᭞ᬫᬗ᭄ᬭᬜ᭄ᬚᬶᬂᬭᬭᬶᬲ᭄ᬫᬦ᭄ᬢᭂᬲᬂ᭞ᬧᬸᬧᬸᬢ᭄ᬲᬫᬶ᭞ᬭᬭᬶᬲ᭄ᬫᬢᬸᬃᬧᬗᬸᬦᬶᬗ᭟᭜᭟ᬭᬢᬸᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬲᬫ᭄ᬬᬦ᭄᭞ᬭᬳᬤ᭄ᬬ
ᬦ᭄ᬗᬦ᭄ᬤᬶᬓᬳᬭᬶᬲ᭄᭞ᬳᬤᬶᬳᬬᬸᬲᬦᬾᬩᬜ᭄ᬚᬂ᭞ᬩ᭄ᬬᬂᬲᭀᬭᬶᬧᬘᬂᬭᬯᬸᬄ᭞ᬓᬬᬸᬦᬶᬤᬲᬳᬸᬦᬶᬗ᭞ᬭᬶᬂᬳᬶᬬᬤᬶ᭞ᬭᬤᬾᬦ᭄ᬫᬶᬸᬂᬦ᭄ᬕᬮᬸᬄᬫᬢᬸᬃᬭᬶᬂᬭᬵᬓ᭟᭜᭟ᬢᬶᬢ᭄ᬬᬂᬢᬍᬃᬢᬦᬸᬦᬶᬗ᭞ᬭᬶᬂ
ᬳᬶᬤᬧ᭄ᬭᬫᬾᬰ᭄ᬯᬭᬷ᭞ᬬᬾᬦᬶᬤᬭᬯᬸᬄᬲᬢᬸᬯᭀᬦ᭄᭞ᬓᬶᬥᬶᬓ᭄ᬯᬭᬂᬢᬶᬢ᭄ᬬᬂᬭᬢᬸ᭞ᬩᭂᬮᭀᬕ᭄ᬧᬸᬗ᭄ᬕᬸᬂᬤᬶᬧᬤᬲᬦ᭄᭞ᬲᬯᬸᬃᬓᬜᬶᬂ᭞ᬭᬤᬾᬦ᭄ᬫᬦ᭄ᬢ᭄ᬭᬷᬲᬃᬯ᭄ᬯᬶᬫᬗᬭᬲ᭄᭟᭜᭟ᬳᬤᬸᬄᬭᬢᬸ
Kaca:Bali-lontar-gaguritan-pakangraras-02-300ppi.pdf/65
Kaca puniki sampun kauji-wacén
