[᭖᭓ 63B]
᭖᭓᭟
ᬦ᭄᭞᭞ᬚᬕᬢ᭄ᬧᬸᬮᭀᬦᬾᬓᬢᬶᬢᬄ᭟᭜᭟ᬓᬮᬶᬄᬳᬶᬤᬜᭀᬫᬦ᭄ᬫᬵᬲ᭄᭞ᬳᬶᬤᬭᬭᬶᬲ᭄ᬫᬗᬢᬸᬭᬶᬦ᭄᭞ᬮᬶᬗ᭄ᬕᬶᬄᬳᬶᬤᬧ᭄ᬭᬦ᭄ᬤᬰᬶᬯ᭞ᬲᬫᬶᬳᭀᬕ᭄ᬬᬳᬶᬤᬢᬸᬳᬸᬃ᭞ᬧ᭄ᬭᬦ᭄ᬤᬰ
ᬓ᭄ᬢᬶᬦ᭄ᬯᬤ᭞ᬳᬶᬤᬳᬢᬸᬭᬶᬦ᭄᭞ᬓᬮᬶᬄᬳᬶᬤᬧ᭄ᬭᬦ᭄ᬤᬫᬵᬲ᭄᭟᭜᭟ᬓᬦᬶᬢᬾᬦ᭄ᬧᬭᬦ᭄ᬤᬩᬸᬤ᭄ᬟ᭞ᬳᭂᬦ᭄ᬢᭀᬳᬶᬤᬧᬥᬳᬢᬸᬭᬶᬦ᭄᭞ᬭᬢᬸᬳᬶᬂᬭᬶᬂᬲᬂᬲᬤᬓ᭞ᬧᬘᬂᬫᬗᬢᭂ
ᬭᬂᬘᬭᬸ᭞ᬫᬗᬶᬗᬸᬲᬂᬫᬳᬵᬧᬜ᭄ᬘ᭞ᬳᬶᬤᬋᬱᬶ᭞ᬗᬲ᭄ᬢᬯᬭᬶᬂᬧᬭᬤᬾᬯ᭟᭜᭟ᬫ᭄ᬯᬄᬳᬶᬤᬳᬶᬲ᭄ᬢ᭄ᬭᬷᬢᬸᬓᬂ᭞ᬫᬗ᭄ᬤᬳᬶᬤᬫᬗᬸᬮ᭄ᬯᬶᬦ᭄᭞ᬳᬧᬦ᭄ᬥᬢᬸᬭᬾᬳᬲ᭄ᬬ᭞ᬧᬥᬬ
ᬫᬲᬗ᭄ᬕᬃᬳᬕᬸᬂ᭞ᬓᬢᬸᬭᬶᬂᬳ᭄ᬬᬂᬦᬯᬲᬗ᭄ᬳ᭞ᬦᬶᬓᬲᬫᬶ᭞ᬳᬶᬤᬢᬸᬓᬂᬫᬫᬦ᭄ᬢᭂᬲᬂ᭟᭜᭟ᬓᬮᬶᬄᬳᬶᬤᬩᬕᬸᬲ᭄ᬲᭂᬤᬳᬦ᭄᭞ᬢᬶᬢ᭄ᬬᬂᬫᬶᬢᭂᬮᬲᬶᬦ᭄ᬫᬗ᭄ᬓᬶᬦ᭄᭞ᬲᬮ᭄ᬯᬶᬭᬶᬂ
[᭖᭔ 64A]
ᬩ᭄ᬭᬢᭂᬂᬲᬫ᭄ᬬᬦ᭄᭞ᬲᬗᬸᬫᬶᬯᬄᬳᬸᬮᬫᬶᬧᬸᬦ᭄᭞ᬢᭂᬓᬦᬶᬂᬚᬗᬦ᭄ᬚᬗᬦᬦ᭄᭞ᬦᬶᬓᬲᬫᬶ᭞ᬢ᭄ᬬᬂᬗᬶᬤᬶᬄᬲᬸᬩᬧ᭄ᬭᬕᬢ᭄᭟᭜᭟ᬧᬸᬗ᭄ᬕᬯᬦᬾᬗᬭᬵᬓ᭄ᬱᬤᬢᭂᬗᬦ᭄᭞ᬢᭂ
ᬓᬦᬶᬂᬧᬗᬶᬗᬸᬲᬫᬶ᭞ᬧᬗᬶᬭᬶᬗᬾᬳᬶᬓᭂᬮ᭄ᬬᬦ᭄᭞ᬫᬗᬶᬢᬸᬗᬂᬲᬗᬸᬦᬶᬧᬸᬦ᭄᭞ᬫᬵᬲ᭄ᬗᬯᬶᬮᬂᬓᬲᭂᬥᬓᬦ᭄᭞ᬦᬶᬭᬓᬃᬬ᭄ᬬᬦᬶᬦ᭄᭞ᬫᬗᭂᬤᭂᬂᬧᬗᬬᬼᬭᬭᬵᬓ᭄ᬱᬦ᭄᭟᭜᭟ᬲᬵ
ᬫ᭄ᬧᬸᬦ᭄ᬧᬸᬧᬸᬢ᭄ᬧᬗᬦ᭄ᬤᬶᬓ᭞ᬧᬸᬗ᭄ᬕᬯᬦᬾᬩᬸᬤᬮ᭄ᬲᬫᬶ᭞ᬢᬦ᭄ᬓᭀᬘᬧ᭄ᬫᬭᬶᬂᬳᬯᬦ᭄᭞ᬭᬳᬤᬾᬦ᭄ᬫᬦ᭄ᬢ᭄ᬭᬷᬓᬯᬸᬯᬸᬲ᭄᭞ᬫᬾᬮᬶᬂᬢᭂᬓᬾᬦ᭄ᬧᬗᬦ᭄ᬤᬶᬓ᭞ᬫᬢᬸᬃᬕᭂᬮᬶᬲ᭄᭞ᬭᬶᬂᬳᬚᬶᬓᬮᬶᬄ
ᬭᬶᬂᬳᬶᬩ᭄ᬬᬂ᭟᭜᭟ᬕᬸᬭᬸᬳᬚᬷᬓᬮᬶᬄᬩ᭄ᬬᬂ᭞ᬢᬶᬢ᭄ᬬᬂᬫᬧᬫᬶᬢ᭄ᬦᬾᬫᬗ᭄ᬓᬶᬦ᭄᭞ᬢ᭄ᬬᬂᬮᬸᬯᬲ᭄ᬓᬭᬾᬧᭀᬕᬾᬫ᭄ᬩᭀᬂ᭞ᬫᬜ᭄ᬚᬕ᭄ᬚᬕᬶᬦᬶᬬᬤᬶᬕᬮᬸᬄ᭞ᬲᬂᬧ᭄ᬭᬪᬸᬮᬦ᭄ᬧ᭄ᬭᬫᬾᬰ᭄ᬯᬃᬬ᭄ᬬ᭞ᬗᬦ᭄ᬤᬶ
Kaca:Bali-lontar-gaguritan-pakangraras-02-300ppi.pdf/64
Kaca puniki sampun kauji-wacén
