[᭖᭒ 62B]
᭖᭒᭟
ᬧᬓᬬᬸᬦᬦ᭄᭟᭜᭟ᬲᬂᬦᬵᬣᬫᬮᬶᬄᬗᬦ᭄ᬤᬶᬓ᭞ᬭᬶᬂᬕᬸᬲ᭄ᬢᬶᬗᬸᬭᬄᬧᬢᬶᬄ᭞ᬓᬓᬧᬢᬶᬄᬩᬾᬜ᭄ᬚᬂᬓᬯᬶᬢᬂ᭞ᬧᬧᬬᭀᬦ᭄ᬩᬗ᭄ᬲᬮᬾᬯᬗᬸᬦ᭄᭞ᬕᭂᬦᬄᬕᭀᬂᬦᬢᬃᬩᬜ᭄ᬘᬶᬗᬄ᭞ᬗᬧᬶ
ᬢ᭄ᬫᬃᬕ᭄ᬕᬶ᭞ᬓᬦᬦ᭄ᬓᬾᬭᬶᬫᬓᭂᬫ᭄ᬩᬭᬦ᭄᭟᭜᭟ᬲᬮ᭄ᬯᬶᬂᬩᬮᬾᬭᬶᬂᬩᬜ᭄ᬘᬶᬗᬄ᭞ᬫᬓᭂᬚᬂᬧᬥᬧᬬᬲᬶᬦ᭄᭞ᬢᭂᬓᬦᬶᬂᬩᬮᬾᬢᭀᬗᭀᬲ᭄ᬕᭀᬂ᭞ᬧᬘᬂᬧ᭄ᬭᬕᬶᬡᬫᬧᬤᬸ᭞ᬫᬜᭂᬦ᭄ᬢᭀᬓᬂ
ᬓᬯ᭄ᬭᬸᬳᬦ᭄᭞ᬫᬓᬓᬯᬶᬦ᭄᭞ᬫᬢᬸᬢᬸᬃᬲᬢ᭄ᬯᬩᬪᬲᬦ᭄᭟᭜᭟ᬓᬮᬶᬄᬕᭂᬦᬄᬳᬶᬕᭂᬮᬶᬕᭂᬮᬦ᭄᭞ᬢᬢᬭᬶᬗᬾᬮᬸᬳᬸᬭᬶᬦ᭄᭞ᬲᬶᬫ᭄ᬩᬭᬶᬦ᭄ᬩᬳᬦ᭄ᬓᬺᬢᬲ᭄ᬩᬭᬓ᭄᭞ᬭᬶᬂᬭᬶᬗᬦ᭄ᬓᬲ᭠
ᬦᬾᬳᬮᬸᬲ᭄᭞ᬫᬢᬢᬓᬦ᭄ᬳᬚᬶᬩᬭᬓ᭄᭞ᬭᬶᬂᬭᬶᬓᬸᬦᬶᬂ᭞ᬤᬲᬭᬶᬦ᭄ᬩᬳᬦ᭄ᬯᬲ᭄ᬢ᭄ᬭᬕᬥᬂ᭟᭜᭟ᬓᬮᬶᬄᬲᬦᬾᬤᬶᬧᬫ᭄ᬭᬚᬦ᭄᭞ᬫᬲᬶᬄᬫᬗᬸᬦᬂᬢᬢᬭᬶᬂ᭞ᬧᬬᬲᬾᬧᬢᬸᬳᬂᬓᬾ᭠
[᭖᭓ 63A]
ᬢᭀ᭞ᬧᬗ᭄ᬕᬸᬗᬦᬾᬕᭂᬦᬘᬢᬸᬃ᭞ᬲᬗ᭄ᬕᬃᬢᬯᬂᬧᬯᬾᬤᬬᬦ᭄᭞ᬮᬶᬗ᭄ᬕᬶᬄᬲᬸᬮᬶᬗ᭄ᬕᬶᬄᬲᬸᬮᬶᬗ᭄ᬕᬶᬄ᭞ᬓᬮᬶᬄᬕᭂᬦᬄᬧᬸᬦ᭄ᬬᬧᬸᬦ᭄ᬬ᭟᭜᭟ᬩᬗ᭄ᬲᬮ᭄ᬕᭂᬦᬳᬾᬫᬓᬃᬬ᭄ᬬ᭞ᬫᬜ᭄ᬚᬳᬶ
ᬢ᭄ᬫ᭄ᬯᬄᬫᬢᬦ᭄ᬤᬶᬂ᭞ᬮ᭄ᬬᬦ᭄ᬢᬾᬤᬶᬭᬾᬧᭀᬕᬾᬫᭀᬂ᭞ᬕᭂᬦᬄᬕᭀᬂᬤᬸᬯᬂᬩᬭᬸᬂ᭞ᬫᬲᬶᬄᬬᬕᬯᬾᬦᬂᬩᬗ᭄ᬲᬮ᭄᭞ᬫ᭄ᬯᬄᬢᬢᬭᬂ᭞ᬳᬸᬫᬄᬦᬾᬤᬾᬩᭂᬓᬸᬂᬤᬩ᭄ᬤᬩᬂ᭟᭜᭟ᬤᬾᬦᬶᬂ
ᬢ᭄ᬬᬂᬫᬧ᭄ᬬᬸᬢᬗᬦ᭄᭞ᬬᬦᬸᬤᬸᬓᬶᬦᬦᬓ᭄ᬤᬾᬯᬷ᭞ᬧᬶᬦ᭄ᬤᬦ᭄ᬜᬯᬭᬂᬯᬭᬗᬦ᭄᭞ᬳᬧᬦ᭄ᬧᬗᬫ᭄ᬩᬶᬮᬾᬤᬶᬢᬸ᭞ᬓᬮᬶᬄᬫᬃᬕ᭄ᬕᬦᬾᬤᬶᬓᭀᬢ᭞ᬲᬫᬶᬧᬬᬲᬶᬦ᭄᭞ᬫᬧ᭄ᬮᬯᬫᬳᬫ᭄ᬩᬸ
ᬫᬲᭂᬓᬃ᭟᭜᭟ᬩᬶᬮᬂᬫᬃᬕ᭄ᬕᬶᬧᬋᬧᬢᬦ᭄᭞ᬧᬶᬦ᭄ᬢᬸᬧᬶᬦ᭄ᬢ᭄ᬯᬦ᭄ᬧᬲᬗᬶᬦ᭄᭞ᬲᬓᬤᬶᬦᬾᬲᬸᬩᬲᬸᬩ᭞ᬢᬳᬸᬦᬶᬤᬲᬗ᭄ᬳᬳᬸᬮᬸᬦ᭄᭞ᬫᬫᬸᬢᭂᬃᬚᬕᬢᬶᬦ᭄ᬟ᭄ᬬ᭞ᬲᬯᬄᬳᬗᬶ
Kaca:Bali-lontar-gaguritan-pakangraras-02-300ppi.pdf/63
Kaca puniki sampun kauji-wacén
