[᭖᭑ 61B]
᭖᭑᭟
ᬗᬦ᭄ᬤᬶᬓᬳᬮᬸᬲ᭄᭞ᬭᬶᬂᬧᬋᬓᬦ᭄ᬕᭂᬥᬾᬕᬗ᭄ᬕᬲ᭄᭞ᬫᬤᬦᬶᬬᬸᬓᬶᬃ᭞ᬓᭂᬢᬸᬢᬸᬓᬶᬃᬓᭂᬫᬓᬚᬩ᭟᭜᭟ᬳᬢᬸᬭᬶᬦᬶᬕᬸᬲ᭄ᬢᬶᬤᭂᬫᬂ᭞ᬓᬮᬶᬄᬳᬶᬩᭂᬮᬶᬗᬸᬭᬄᬧᬢᬶᬄ᭞ᬳᬧᬂᬕᭂᬮᬲ᭄ᬧᬥᬓ
ᬚ᭄ᬭᭀ᭞ᬳᬶᬧᬋᬓᬦ᭄ᬕᭂᬮᬶᬲ᭄ᬮᬸᬫᬓᬸ᭞ᬤᬾᬦᬶᬂᬚᬦ᭄ᬫᬕᭂᬥᬾᬕᬗ᭄ᬕᬲ᭄᭞ᬕᭂᬮᬶᬲ᭄ᬧ᭄ᬭᬧ᭄ᬢᬶ᭞ᬭᬶᬂᬧᬸᬭᬶ᭠ᬦ᭄ᬧᬢᬶᬄᬧᬸᬗ᭄ᬕᬯ᭟᭜᭟ᬳᬢᬸᬃᬜᬦᬾᬩᬩ᭄ᬮᬓᬲᬦ᭄᭞ᬢᬶᬢ᭄ᬬᬂᬦ᭄ᬤᬶᬓᬬᬂᬗᬯᬸᬭᬶᬦ᭄᭞ᬳᬶᬕᬸᬲ᭄ᬢᬶ
ᬦ᭄ᬤᬶᬓᬬᬂᬓᬚ᭄ᬭᭀ᭞ᬳᬦ᭄ᬢᬸᬓᬶᬤᬳᬦᬓᬕᬸᬂ᭞ᬕᬸᬲ᭄ᬢᬶᬧᬢᬶᬄᬗᬦ᭄ᬤᬶᬓᬦᬄ᭞ᬭᬭᬶᬲ᭄ᬫᬧᬫᬶᬢ᭄᭞ᬕᭂᬮᬶᬲ᭄ᬧᬋᬓ᭄ᬭᬶᬂᬕᬸᬲ᭄ᬢᬶᬤᭂᬫᬂ᭟᭜᭟ᬕᬸᬲ᭄ᬢᬶᬤᭂᬫᬂᬫᬗᬦ᭄ᬤᬶᬓ᭞ᬓᬾᬦ᭄ᬓᬾᬦ᭄ᬩᭂᬮᬶᬳᬸᬮᬢ᭄ᬕᬢᬶ᭞ᬳᬶᬬᬸ
ᬓᬶᬃᬳᬢᬸᬭᬾᬧᭀᬮᭀᬲ᭄᭞ᬢᬶᬢ᭄ᬬᬂᬧᬋᬓ᭄ᬭᬶᬂᬳᬶᬭᬢᬸ᭞ᬳᬦᬓᬕᬸᬂᬗᬦ᭄ᬤᬶᬓᬬᬂ᭞ᬕᬸᬲ᭄ᬢᬶᬓᬧᬸᬭᬷ᭞ᬳᬶᬤᭂᬫᬂᬫᬲᬯᬸᬃᬳᭂᬦᬄ᭟᭜᭟ᬢᬸᬫᬸᬮᬶᬕᭂᬮᬶᬲ᭄ᬫᬫᬃᬕ᭄ᬕ᭞ᬕᬸᬲ᭄ᬢᬶᬤᭂᬫᬂᬮᬦ᭄ᬕᬸᬲ᭄ᬢᬶᬧᬢᬶᬄ᭞
[᭖᭒ 62A]
ᬕᭂᬮᬶᬲ᭄ᬲᬫᬶᬭᬯᬸᬄᬓᬚ᭄ᬭᭀ᭞ᬧᬋᬓ᭄ᬲᬫᬶᬜᭂᬫ᭄ᬩᬄᬫᬢᬸᬃ᭞ᬢᬶᬢ᭄ᬬᬂᬦᬸᬦᬲ᭄ᬧᬗᬦ᭄ᬤᬶᬓ᭞ᬰ᭄ᬭᬷᬪᬹᬧᬢᬶ᭞ᬕᭂᬮᬶᬲ᭄ᬫᭂᬤᬮ᭄ᬧᬗᬦ᭄ᬤᬶᬓ᭟᭜᭟ᬧᬢᬶᬄᬤᭂᬫᬂᬢ᭄ᬬᬂᬫᬶᬤᬃᬣ᭞ᬦᬦᬓ᭄ᬕᬮᬸᬄᬲᬵ
ᬫ᭄ᬧᬸᬦ᭄ᬤᬶᬦᬾ᭞ᬫᬕᭂᬦᬄᬭᬶᬂᬭᬾᬧᭀᬕᬾᬫ᭄ᬩᭀᬂ᭞ᬚᬸᬫᬄᬤᬶᬸᬂᬦᬶᬸᬂᬜᬦᬾᬳᬶᬤᬕᬂᬳᬧᬸᬄ᭞ᬦᬦᬓ᭄ᬩᬕᬸᬲ᭄ᬫᬲᬲᬜ᭄ᬚᬦ᭄᭞ᬫᬫᬗ᭄ᬕᬶᬳᬶᬦ᭄᭞ᬦᬾᬦᬾᬚᬦᬶᬫᬦᬄᬢ᭄ᬬᬂ᭟᭜᭟ᬗᬯᬗᬸᬦ᭄ᬓᬃᬬ᭄ᬬᬫ
ᬩᬸᬜ᭄ᬘᬶᬗᬂ᭞ᬫᬗ᭄ᬭᬭᬶᬲ᭄ᬫᬦᬯᬸᬃᬫᬸᬜᬶ᭞ᬓᬤᬶᬧᬶᬢᬸᬗᬦᬾᬧᬶᬤᬦ᭄᭞ᬭᬶᬂᬘᭀᬫᬓ᭄ᬮᬶᬬᭀᬦ᭄ᬓᬭᬸᬮᬸᬢ᭄᭞ᬓᬮᬶᬄᬜᬮᬦᬂᬧᬗᬸᬦ᭄ᬤᬂ᭞ᬫᬗᬢᬸᬭᬶᬦ᭄᭞ᬧᬭᬭᬢᬸᬲᬾᬯᭀᬲ᭄ᬦᬵᬕᬭ᭟᭜᭟
ᬩᬸᬯᬶᬦ᭄ᬢᭂᬮᬸᬦ᭄ᬤᭂᬫᬂᬫᬚᬮᬦ᭄᭞ᬗᬢᬸᬭᬂᬲᬸᬭᬵᬢ᭄ᬓᬓᬤᬾᬭᬷ᭞ᬚᬩᬦ᭄ᬲᬸᬭᬵᬢ᭄ᬤᭂᬫᬂᬗᬢᬸᬭᬂ᭞ᬳᬶᬤᭂᬫᬂᬫᬳᬢᬸᬃᬜᬸᬳᬸᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬮᬸᬗ᭄ᬳᬓᬤᬳ᭞ᬤ᭄ᬬᬧᬶᬦ᭄ᬫᬦᬶ᭞ᬢᬶᬢ᭄ᬬᬂᬗᬶᬭᬶᬂ
Kaca:Bali-lontar-gaguritan-pakangraras-02-300ppi.pdf/62
Kaca puniki sampun kauji-wacén
