[᭖᭐ 60B]
᭖᭐᭟
ᬓᬤᬶᬲᭂᬗ᭄ᬕᬓ᭄ᬜᭀᬮᭀᬂᬧᭀᬄ᭞ᬲᬸᬩᬚᬦ᭄ᬢᭂᬦᬶᬦᬦᬓ᭄ᬕᬮᬸᬄ᭞ᬕᬸᬲ᭄ᬢᬶᬤᭂᬫᬸᬂᬫᬢᬸᬃᬜᬸᬫ᭄ᬩᬄ᭞ᬥᬸᬄᬲᬂᬳᬚᬷ᭞ᬤᬶᬚᬮᬶᬗ᭄ᬕᬶᬄᬭᬵᬚᬚ᭄ᬯᬶᬢ᭟᭜᭟ᬲᬂᬧ᭄ᬭᬪᬸᬗᬦ᭄ᬤᬶᬓᬬᬂ᭞ᬦᬦᬓ᭄ᬩᬕᬸᬲ᭄ᬩ
ᬢᬸᬫᬗ᭄ᬕᬶᬳᬶᬦ᭄᭞ᬫᬕᭂᬦᬄᬭᬶᬂᬭᬾᬧᭀᬕᬾᬫ᭄ᬩᭀᬂ᭞ᬤᭂᬩᭂᬓᬸᬂᬓᭀᬘᬧ᭄ᬫᬦᬸᬤᬸᬓ᭄᭞ᬲᭂᬤᭂ᭠ᬓ᭄ᬬᬗᬮᬶᬄᬤᭀᬦ᭄ᬤᭀᬦᬦ᭄᭞ᬓᬮᬗᬶᬤᬶᬂ᭞ᬫᬗ᭄ᬕᬶᬳᬶᬦ᭄ᬤᬶᬢᭂᬗᬄᬳᬮᬲ᭄᭟᭜᭟ᬳᬶᬤᭂᬫᬸᬂ
ᬓᬧᬶᬗᭀᬦ᭄ᬤᬶᬗᭂᬳᬂ᭞ᬓᬤᬶᬳᭂᬗ᭄ᬲᬧ᭄ᬗᬢᬸᬭᬂᬢᬸᬮᬶᬲ᭄᭞ᬭᬤᬾᬦ᭄ᬫᬦ᭄ᬢ᭄ᬭᬷᬳᬶᬤᬜᬶᬗᬓ᭄᭞ᬫ᭠ᬗᬦ᭄ᬤᬶᬓᬳᬶᬤᬳᬮᬸᬲ᭄᭞ᬩᬧᬤᭂᬫᬸᬂᬲᬸᬭᬵᬢ᭄ᬩᬧ᭞ᬦᬶᬓᬓᬭᬶ᭞ᬳᬶᬤᭂᬫᬸᬂᬳᬾᬮᬶᬂᬫᬓᭂᬲ᭄ᬬᬩ᭄᭟
᭐᭟ᬤᬾᬯᬩᬕᬸᬲ᭄ᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬢᬶᬢ᭄ᬬᬂᬓᬤᬶᬮᬮᬶᬓᬶᬥᬶᬓ᭄᭞ᬢᬸᬗ᭄ᬓᬸᬮ᭄ᬢᬶᬢ᭄ᬬᬂᬗᬭᬸᬗᬸᬭᬯᭀᬲ᭄᭞ᬲᬸᬭᬵᬢᬾᬤᬾᬭᬾᬂᬓᬳᬢᬸᬃ᭞ᬧᬸᬦᬶᬓᬶᬭᬶᬂᬘᭀᬓᭀᬃᬳᬶᬤᬾᬯ᭞ᬕᬸᬲ᭄ᬢᬶᬧᬢᬶᬄ᭞
[᭖᭑ 61A]
ᬕᭂᬥᬾᬓᬤᬾᬭᬷᬗᬢᬸᬭᬂ᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬷᬕᭂᬮᬶᬲ᭄ᬫᬦᬗ᭄ᬕᬧ᭄᭞ᬓᬩᬸᬗ᭄ᬓᬄᬕᭂᬮᬶᬲ᭄ᬓᬳᬓ᭄ᬱᬶ᭞ᬢᬸᬫᬸᬮᬶᬭᬭᬶᬲ᭄ᬓᬧᬯᭀᬲ᭄᭞ᬲᭂᬫ᭄ᬩᬄᬢᬶᬢ᭄ᬬᬂᬭᬶᬂᬚᭂᬂᬭᬢᬸ᭞ᬤᬾᬯᬩᬕᬸᬲ᭄ᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬳ
ᬕᬸᬲᬶᬲᬶᬧ᭄᭞ᬢᬶᬢ᭄ᬬᬂᬭᬶᬂᬘᭀᬓᭀᬃᬳᬶᬤᬾᬯ᭟᭜᭟ᬓᬾᬗᬶᬦ᭄ᬢᬶᬢ᭄ᬬᬂᬮᬗ᭄ᬖ᭄ᬬᬧᬶᬲᬦ᭞ᬫᬦᬗᬦᬶᬦᬶᬤᬾᬯᬗᬹᬦᬶ᭞ᬢᬶᬢ᭄ᬬᬲᬵᬫ᭄ᬧᬸᬦ᭄ᬫᬢᬸᬃᬧᬶᬢᬓᭀᬦ᭄᭞ᬳᬶᬭᬢᬸᬢᬦ᭄ᬓᬬᬸᬦ᭄ᬗᬓᬸ᭞ᬗᬦ᭄ᬤᬶᬓ
ᬬᬂᬭᬵᬕᬰᬸᬤ᭄ᬭ᭞ᬓᬾᬗᬶᬦ᭄ᬲᬶᬲᬶᬧ᭄᭞ᬗᬶᬭᬶᬂᬤᬳᬚᬷᬦᬶᬤᬾᬯ᭟᭜᭟ᬳᬶᬘᬭᬢᬸᬗᬓ᭄ᬱᬫᬬᬂ᭞ᬲᬲᬶᬲᬶᬧ᭄ᬢᬶᬢ᭄ᬬᬗᬾᬭᬶᬳᬶᬦ᭄᭞ᬚᬯᬶᬦᬶᬂᬯᬦᭂᬄᬧᬓᬬᬸᬦᬦ᭄᭞ᬦᬸᬦᬲ᭄ᬧᬧᭀᬗᭀᬭᬦ᭄ᬭᬢᬸ
᭞ᬫᬃᬕ᭄ᬕᬦ᭄ᬢᬶᬢ᭄ᬬᬗᬾᬮᬗ᭄ᬖᬦ᭞ᬫᬢᬸᬃᬲᬶᬲᬶᬧ᭄᭞ᬲᭂᬫ᭄ᬩᬄᬢᬶᬢ᭄ᬬᬂᬧᬢᬶᬄᬤᬳ᭟᭜᭟ᬧ᭄ᬭᬫᬾᬰ᭄ᬯᬭᬷᬳᬶᬤᬳᬶᬘ᭞ᬓᬸᬤ᭄ᬬᬂᬜᬮᬳᬂᬳᬶᬧᬢᬶᬄ᭞ᬦᬦᬓ᭄ᬩᬕᬸᬲ᭄ᬗᬓᬸᬮᬶᬜᭀᬓ᭄᭞ᬲᬂᬧ᭄ᬭᬪᬸ
Kaca:Bali-lontar-gaguritan-pakangraras-02-300ppi.pdf/61
Kaca puniki sampun kauji-wacén
