[᭕᭙ 59B]
᭕᭙᭟
ᬧᬳᬚᬶ᭞ᬓᬮᬶᬄᬧᬤᬸᬓᬚᭂᬂᬳᬶᬩ᭄ᬬᬂ᭞ᬳᬶᬬᬤᬶᬕᬮᬸᬄᬲᬵᬫ᭄ᬧᬸᬦ᭄ᬭᬯᬸᬄ᭞ᬫᬭᬶᬓᬶᬫᬓᬓᬮᬶᬳᬦ᭄᭞ᬯᬬᬦ᭄ᬳᬮᬶᬢ᭄᭞ᬯᬱ᭄ᬝᬦᬶᬧᬸᬦ᭄ᬫᬗᬶᬭᬶᬗᬂ᭟᭜᭟ᬤᬾᬩᭂᬓᬸᬂᬦᬸᬤᬸᬓ᭄ᬭᬶᬂᬳᬮᬲ᭄᭞ᬲᬵᬫ᭄ᬧᬸ
ᬦ᭄ᬯᬾᬦ᭄ᬢᭂᬦᬺᬓᬾᬳᬰᬰᬶᬄ᭞ᬧ᭄ᬭᬫᬾᬰ᭄ᬯᬭᬷᬗᬦ᭄ᬤᬶᬓᬳᬮᭀᬦ᭄᭞ᬬᬦ᭄ᬯ᭄ᬬᬓ᭄ᬢᬶᬳᬶᬦᬦᬓ᭄ᬕᬮᬸᬄ᭞ᬩ᭄ᬬᬂᬩᬾᬜ᭄ᬚᬂᬧᬲᭂᬫᭂᬗᬦ᭄᭞ᬧᬘᬂᬦᭂᬮᭀᬓᬶᬦ᭄᭞ᬫᬗᬩᬲᬃᬯ᭄ᬯᬦᬶᬂᬳᬾᬦ᭄ᬤᬄ᭟᭜᭟ᬲᭂᬤᭂᬂᬗ᭄ᬭᬯᭀ
ᬲ᭄ᬧᬋᬓᬦ᭄ᬜᭂᬮᬕ᭄᭞ᬉᬫᬢᬸᬃᬭᬶᬂᬰ᭄ᬭᬷᬪᬹᬧᬢᬶ᭞ᬤᬾᬯᬳᬕᬸᬂᬰ᭄ᬭᬷᬦᬭᬾᬦ᭄ᬤ᭄ᬭ᭞ᬕᬸᬲ᭄ᬢᬶᬤᭂᬫᬸᬂᬲᬵᬫ᭄ᬧᬸᬦ᭄ᬭᬯᬸᬄ᭞ᬓᬦ᭄ᬢᬦ᭄ᬤᬦᬾᬭᬶᬂᬩᬜ᭄ᬘᬶᬗᬄ᭞ᬰ᭄ᬭᬷᬪᬹᬧᬢᬶ᭞ᬕᭂᬮᬶᬲᬶᬤᬫᬗᬦ᭄ᬤᬶᬓ᭟᭜᭟ᬓᭂᬫ
ᬳᬢᬸᬭᬶᬦᬧᬂᬳᬾᬗ᭄ᬕᬮ᭄᭞ᬳᬶᬧᬋᬓᬦ᭄ᬕᭂᬮᬶᬲ᭄ᬫᬯᬮᬶ᭞ᬲᬢᭂᬓᬦᬾᬭᬶᬂᬩᬜ᭄ᬘᬶᬗᬄ᭞ᬳᬶᬤᬸᬤᬸᬓ᭄ᬕᭂᬮᬶᬲ᭄ᬫᬳᬢᬸᬃ᭞ᬕᬸᬲ᭄ᬢᬶᬦ᭄ᬤᬾᬓᬬᬂᬓᬧᬸᬃᬬ᭄ᬬᬦ᭄᭞ᬳᬘ᭄ᬢᬸᬓ᭄ᬲᬂᬳᬚᬶ᭞ᬕᬸᬲ᭄ᬢᬶᬤᭂ
[᭖᭐ 60A]
ᬫᬸᬂᬫᬗ᭄ᬕᬸᬢ᭄ᬫᬚᬮᬦ᭄᭟᭜᭟ᬲᬭᬯᬸᬳᬾᬭᬶᬂᬧᬦᬗ᭄ᬓᬶᬮᬦ᭄᭞ᬲᬂᬧ᭄ᬭᬪᬸᬗᬦ᭄ᬤᬶᬓᬳᬭᬶᬲ᭄᭞ᬤᭂᬫᬸᬂᬫᬳᬶᬓᬾᬤᬶᬦᬶᬬᬦ᭄᭞ᬳᬶᬤᭂᬫᬸᬂᬓᬳᬋᬧ᭄ᬲᬫ᭄ᬧᬸᬦ᭄᭞ᬭᬭᬶᬲ᭄ᬫᬗᬢᬸᬭᬂᬲᬸ
ᬭᬵᬢ᭄᭞ᬕᭂᬮᬶᬲ᭄ᬓᬳᬫ᭄ᬩᬶᬮ᭄᭞ᬳᬦ᭄ᬢᬸᬓᬶᬤᬰ᭄ᬭᬷᬦᬭᬾᬦ᭄ᬤ᭄ᬭ᭟᭜᭟ᬓᬕᬕᬄᬭᬭᬶᬲ᭄ᬯᬶᬦᬘ᭞ᬲᬮᬶᬗᬶᬂᬲᬸᬭᬵᬢᬾᬲᬫᬶ᭞ᬤᬸᬄᬤᬾᬯᬓᬓᬲᬂᬓᬢᭀᬂ᭞ᬳᬕᬸᬂᬲᬶᬲᬶᬧ᭄ᬢᬶᬢ᭄ᬬᬂᬮᬗ᭄ᬓᬸᬂ᭞ᬚ
ᬯᬶᬦᬶᬂᬯᬦᬾᬄᬧᬓᬬᬸᬦᬦ᭄᭞ᬫᬢᬸᬃᬲᬶᬲᬶᬧ᭄᭞ᬢᬶᬢ᭄ᬬᬂᬦᬸᬦᬲ᭄ᬧᬗᬫ᭄ᬧᬸᬭ᭟᭜᭟ᬧᬓᬬᬸᬦᬦ᭄ᬚᭂᬂᬧᬤᬸᬓ᭞ᬗᬃᬱᬬᬂᬳᬶᬦᬦᬓ᭄ᬤᬾᬯᬷ᭞ᬳᬶᬧᬸᬦ᭄ᬳᬶᬘᬮ᭄ᬲᬵᬫ᭄ᬧᬸᬦᬩᬸᬮᬦ᭄᭞ᬢᬦ᭄ᬧ
ᬓᬦ᭄ᬢᭂᬦ᭄ᬕᭂᬦᬄᬳᬶᬧᬸᬦ᭄᭞ᬬᬾᬦᬸᬭᬶᬧ᭄ᬓᬮᬯᬵᬦ᭄ᬧᭂᬚᬄ᭞ᬭᬯᬸᬄᬫᬗ᭄ᬓᬶᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬓᬦ᭄ᬢᭂᬦ᭄ᬗᭀᬃᬣᬬᬂ᭟᭜᭟ᬲᬧᬸᬦᬶᬓᬮᬶᬗ᭄ᬳᬶᬂᬲᬸᬭᬵᬢ᭄᭞ᬲᬂᬦᬵᬣᬗᬦ᭄ᬤᬶᬓᬳᬭᬶᬲ᭄᭞
Kaca:Bali-lontar-gaguritan-pakangraras-02-300ppi.pdf/60
Kaca puniki sampun kauji-wacén
