[᭕᭘ 58B]
᭕᭘᭟
ᬗᬶᬭᬶᬂᬭᬢᬸᬳᬦᬶᬗᬬᬂ᭟᭜᭟ᬭᬶᬂᬳᬶᬤᬰ᭄ᬭᬷᬦᬭᬾᬦ᭄ᬤ᭄ᬭ᭞ᬓᬮᬶᬄᬳᬶᬤᬧ᭄ᬭᬫᬾᬰ᭄ᬯᬭᬷ᭞ᬭᬤᬾᬦ᭄ᬫᬦ᭄ᬢ᭄ᬭᬷᬗᬦ᭄ᬤᬶᬓᬳᬮᭀᬦ᭄᭞ᬢᭂᬓᬾᬦ᭄ᬫᬾᬫᬾᬩᬧᬩᭂᬓᬸᬂᬳ᭄ᬬᬂᬩᬸᬤᬮ᭄ᬫᬢᬸᬃᬳᬸᬦᬶ
ᬗᬭᬶᬂᬩᬗᬧᬚᬶ᭞ᬓᬮᬶᬄᬳᬶᬤᬧ᭄ᬭᬫᬾᬰ᭄ᬯᬃᬬ᭄ᬬ᭟᭜᭟ᬫᬾᬫᬾᬩᬳᬧᬂᬫᭂᬮᬄ᭞ᬫᬗᬶᬭᬶᬂᬳᬶᬤᬳᬶᬬᬤᬶ᭞ᬳᭂᬤᬫᬾᬫᬾᬜᬭᬸᬪᬲ᭞ᬦᬶᬓᬶᬧᬸᬢ᭄ᬭᬧᬭᬭᬢᬸ᭞ᬤ᭄ᬬᬧᬶᬦ᭄ᬮᬘᬸᬃᬫ᭠
ᬭᬵᬕᬢᬶᬯᬲ᭄᭞ᬢᭂᬋᬄᬕᬸᬲ᭄ᬢᬶ᭞ᬦᬗ᭄ᬳᬶᬂᬳᬶᬤᬫᬦ᭄ᬤᬪᬕ᭄ᬬ᭟᭜᭟ᬲᭂᬗ᭄ᬕᬸᬄᬫᬾᬫᬾᬢᬦ᭄ᬧᬯᬗ᭄ᬲ᭞ᬦᬾᬲᬸᬕᬶᬄᬓᬤᬾᬦᬂᬕᬸᬲ᭄ᬢᬶ᭞ᬤᬾᬦᬶᬂᬩᬸᬗᬄᬩᬳᬦ᭄ᬧᬗᬗ᭄ᬕᭀ᭞ᬢᬶᬗ᭄ᬓᬄᬚᬦᬶ
ᬲᬸᬩᬲᬭᬸ᭞ᬮᬶᬬᬸᬫᬗᬗ᭄ᬓᭂᬦᬂᬫᬾᬡᬓ᭄᭞ᬗᬓᬸᬕᬸᬲ᭄ᬢᬶ᭞ᬓᬾᬢᭀᬫᬾᬫᬾᬳᬧᬂᬢᬢᬲ᭄᭟᭜᭟ᬤᬾᬩᭂᬓᬸᬂᬫᬢᬸᬃᬲᬦ᭄ᬤᬶᬓ᭞ᬢᬶᬢ᭄ᬬᬂᬗᬶᬭᬶᬂᬚᭂᬂᬢ᭄ᬯᬦ᭄ᬫᬦ᭄ᬢ᭄ᬭᬷ᭞ᬦᬗ᭄ᬳᬶᬂᬳᬕᬸᬂᬧᬗᬫ᭄ᬧᬸ
[᭕᭙ 59A]
ᬭ᭞ᬤᬾᬦᬶᬂᬢᬶᬢ᭄ᬬᬂᬕᭂᬦᬳᬾᬗᬸᬩᬸ᭞ᬢᬦᬸᬦᬶᬂᬢᬢᬦᬵᬕᬭ᭞ᬢᬸᬯᬦ᭄ᬫᬦ᭄ᬢ᭄ᬭᬷ᭞ᬳᬭᬶᬲ᭄ᬫᭂᬤᬮ᭄ᬧᬗᬦ᭄ᬤᬶᬓ᭟᭜᭟ᬦᬄᬫᬾᬫᬾᬓᬾᬢᭀᬳᬶᬗᭂᬢᬂ᭞ᬓᬮᬶᬄᬤᬾᬯᬳᬶᬬᬤᬶᬤᬾᬯᬷ᭞ᬲᬵ
ᬫ᭄ᬧᬸᬦᬂᬲᬸᬫ᭄ᬩᬂᬧᬗ᭄ᬭᬯᭀᬲ᭄᭞ᬲᬯᭂᬗᬶᬦᬾᬢᬶᬢ᭄ᬬᬂᬭᬯᬸᬄ᭞ᬫᬭᬶᬓᬶᬫ᭄ᬩᬓ᭄ᬢᬬᬂᬪᬸᬱᬡ᭞ᬲᬃᬯ᭄ᬯᬍᬯᬶᬄ᭞ᬫᬵᬲ᭄ᬧᬶᬭᬓ᭄ᬕᬦ᭄ᬧᬫᬺᬦ᭄᭟᭜᭟ᬭᬤᬾᬦ᭄ᬤᬾᬯᬷᬫᬢᬸᬃᬲᬦ᭄ᬤᬶᬓ᭞ᬢ᭄ᬯᬦ᭄ᬫᬦ᭄ᬢ᭄ᬭᬷᬩᬸᬤᬮ᭄ᬕᭂ
ᬮᬶᬲ᭄᭞ᬲᬭᬯᬸᬳᬾᬫᬭᬶᬂᬚ᭄ᬭᬵ᭞ᬲᬂᬧ᭄ᬭᬪᬸᬲᭂᬤᭂᬓ᭄ᬫᬮᬸᬗ᭄ᬕᬸᬄ᭞ᬓᬮᬶᬄᬮᬦ᭄ᬧ᭄ᬭᬫᬾᬰ᭄ᬯᬃᬬ᭄ᬬ᭞ᬲᬕᬾᬢ᭄ᬧ᭄ᬭᬧ᭄ᬢᬶ᭞ᬭᬤᬾᬦ᭄ᬫᬦ᭄ᬢ᭄ᬭᬷᬭᬭᬶᬲ᭄ᬜᭂᬫ᭄ᬩᬄ᭟᭜᭟ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬫᬶᬯᬄᬳᬶᬤᬧ᭄ᬭᬫᬾᬰ᭄ᬯ᭠
ᬭᬷ᭞ᬓᬾᬦ᭄ᬓᬾᬦ᭄ᬓᬭᬡᬦᬦᬓ᭄ᬳᬾᬜ᭄ᬘᭀᬮ᭄᭞ᬭᬯᬸᬄᬤᬶᬚᬦᬓ᭄ᬩᬳᬸ᭞ᬭᬤᬾᬦ᭄ᬫᬦ᭄ᬢ᭄ᬭᬷᬫᬢᬸᬃᬲᭂᬫ᭄ᬩᬄ᭞ᬩᬧᬳᬚᬶ᭞ᬓᬮᬶᬄᬩ᭄ᬬᬂᬧ᭄ᬭᬫᬾᬰ᭄ᬯᬃᬬ᭄ᬬ᭟᭜᭟ᬢᬶᬢ᭄ᬬᬂᬫᬢᬸᬃᬧᬗᬸᬦᬶᬗ᭞ᬭᬶᬂᬧᬤᬸᬓᬩ
Kaca:Bali-lontar-gaguritan-pakangraras-02-300ppi.pdf/59
Kaca puniki sampun kauji-wacén
