Kaca:Bali-lontar-gaguritan-pakangraras-02-300ppi.pdf/58

Kaca puniki sampun kauji-wacén

[᭕᭗ 57B]
᭕᭗᭟
ᬓ᭟᭜᭟ᬯᬯᬬᬦ᭄ᬳᬮᬶᬢ᭄ᬫᬳᬶᬤᬶᬦᬶᬬᬦ᭄᭞ᬦᬶᬳᬮᬶᬢ᭄ᬭᬭᬶᬲ᭄ᬦᬫ᭄ᬧᭂᬓᬶᬦ᭄᭞ᬩᭂᬮᬶᬲᬸᬩᬳᬶᬧᬓᬂᬭᬭᬲ᭄᭞ᬯᬱ᭄ᬝᬮᬶᬭᬶᬂᬤᬳᬫᬮᬸ᭞ᬯᬬᬦ᭄ᬳᬮᬶᬢ᭄ᬫᬢᬸᬃᬜᭂᬫ᭄ᬩᬄ᭞ᬳᬶᬗ᭄ᬕᬶᬄᬯ᭄ᬬᬓ᭄ᬢᬶ᭞ᬦᬶᬓᬶᬳᬶ
ᬤᬭᬤᬾᬦ᭄ᬤᬾᬯ᭄ᬬ᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬷᬢᭂᬤᬸᬦ᭄ᬫᬜᬕ᭄ᬚᬕ᭄᭞ᬫᬦᬫ᭄ᬧᭂᬓᬶᬦ᭄ᬭᬤᬾᬦ᭄ᬤᬾ᭠ᬯᬷ᭞ᬢᬸᬫᬸᬮᬶᬗᬦ᭄ᬤᬶᬓᬳᬮᭀᬦ᭄᭞ᬤᬸᬄᬫᬵᬲ᭄ᬫᬶᬭᬄᬳᬶᬬᬤᬶᬳᬬᬸ᭞ᬫᬡᬶᬓᬶᬂᬓᬭᬢᭀᬦ᭄ᬤᬳ᭞᭠
ᬭᬯᬸᬄᬫᬗ᭄ᬓᬶᬦ᭄᭞ᬤᭀᬂᬘᬶᬗᬓ᭄ᬳᬾᬮᬶᬗᬶᬦ᭄ᬢᬶᬢ᭄ᬬᬂ᭟᭜᭟ᬢᬶᬢ᭄ᬬᬂᬳᬶᬫᬦ᭄ᬢ᭄ᬭᬷᬓᭀᬭᬶᬧ᭠ᬦ᭄᭞ᬭᬤᬾᬦ᭄ᬕᬮᬸᬄᬲᬯᬸᬃᬢᬗᬶᬲ᭄᭞ᬢᬦ᭄ᬧᭂᬕᬢ᭄ᬫᬶᬚᬶᬮ᭄ᬬᬾᬄᬧᬦᭀᬦ᭄᭞ᬭᬤᬾᬦ᭄ᬫᬦ᭄ᬢ᭄ᬭᬷᬗᭂᬫ᭄ᬩᬦ᭄ᬗᬭᬹ᭠
ᬫ᭄ᬭᬸᬫ᭄᭞ᬫᬧᬲᬶᬳᬶᬦ᭄ᬰᬩ᭄ᬤᭀᬢ᭄ᬢᬫ᭞ᬭᬤᬾᬦ᭄ᬤᬾᬯᬷ᭞ᬫᬭᬶᬳᬶᬤᬫᬶᬚᬶᬮ᭄ᬯᬱ᭄ᬧ᭟᭜᭟ᬭᬭᬶᬲ᭄ᬫᬢᬸᬃᬢᭂᬓᬾᬦᬶᬂᬭᬵᬓ᭞ᬮᬶᬦ᭄ᬢᬂᬢᬺᬱ᭄ᬡᬦ᭄ᬩᭂᬮᬶᬦᬾᬗᬹᬦᬶ᭞ᬫᬦᬶᬗ᭄ᬳᬮᬶᬦ᭄ᬢᬶᬢ᭄ᬬᬂᬓᬮ
[᭕᭘ 58A]
ᬭᬦ᭄᭞ᬧᬗᬦ᭄ᬤᬶᬓᬦ᭄ᬩᭂᬮᬶᬦᬾᬲᬵᬫ᭄ᬧᬸᬦ᭄᭞ᬲᬗ᭄ᬕᬸᬧ᭄ᬋᬂᬚᭂᬮᬾᬫᭂᬮᬄ᭞ᬤᬤᬶᬩᭂ᭠ᬮᬶ᭞ᬫᬗᬸᬢᬂᬢᬶᬢ᭄ᬬᬂᬲᬗ᭄ᬲᬭ᭟᭜᭟ᬭᬤᬾᬦ᭄ᬫᬦ᭄ᬢ᭄ᬭᬷᬳᬭᬶᬲ᭄ᬗᬦ᭄ᬤᬶᬓ᭞ᬤᬸᬄᬫᬵᬲ᭄ᬫᬶᬭᬄᬳ
ᬤᬶᬤᬾᬯᬷ᭞ᬯ᭄ᬬᬓ᭄ᬢᬶᬢ᭄ᬬᬂᬢ᭄ᬯᬭᬢᬸᬯᭀᬦ᭄᭞ᬤᬾᬦᬶᬂᬢᬶᬢ᭄ᬬᬂᬢᭂᬗᬶᬓᬧᬸᬲ᭄᭞ᬧᬫᬦ᭄ᬧᬢᬶᬄᬗᬚᬓ᭄ᬮᬸᬯᬲ᭄᭞ᬢᬸᬃᬫᬢᬾᬦᬶᬦ᭄᭞ᬲᬓᬾᬂᬓᬬᬸᬦᬶᬩᬧᬦᬵᬣ᭟᭜᭟ᬤᬶᬲᬵ
ᬫ᭄ᬧᬸᬦ᭄ᬢᬶᬢ᭄ᬬᬂᬧᭂᬚᬄ᭞ᬓᭀᬘᬧ᭄ᬯᬾᬦ᭄ᬢᭂᬦ᭄ᬟᬂᬥᬂᬧᬸᬢᬶᬄ᭞ᬦᬶᬓᬋᬓᬾᬗᬸᬭᬶᬧ᭄ᬢᬶᬢ᭄ᬬᬂ᭞ᬳᬶᬧᬸ᭠ᬦᬶᬓᬃᬣᬮᬦᬸᬢᬸᬃ᭞ᬫᬗ᭄ᬭᬭᬶᬲ᭄ᬢᬶᬢ᭄ᬬᬂᬩᬸᬤᬮ᭄᭞ᬭᬯᬸᬄᬫᬭᬶᬓᬶ᭞ᬫᬗ᭄ᬓᬶᬦ᭄ᬳᬤᬶᬫᬶᬍᬢ᭄ᬧᬵᬧ
᭟᭜᭟ᬗᬶᬭᬶᬂᬫᬗ᭄ᬓᬶᬦ᭄ᬓᬦᬵᬕᬭ᭞ᬭᬤᬾᬦ᭄ᬕᬮᬸᬄᬫᬵᬢᬸᬃᬳᬭᬶᬲ᭄᭞ᬦᬾᬫᬗ᭄ᬓᬶ᭠ᬦ᭄ᬢᬶᬢ᭄ᬬᬂᬫᬫᬶᬦ᭄ᬤᬄ᭞ᬤᭂᬧᬂᬢᬶᬢ᭄ᬬᬂᬤ᭄ᬭᬶᬓᬶᬤᬸᬫᬸᬦ᭄᭞ᬳᬶᬧᬸᬦ᭄ᬢᬫᬳᬢᬸᬃᬜᭂᬫ᭄ᬩᬄ᭞ᬢ᭄ᬯᬦ᭄ᬫᬦ᭄ᬢ᭄ᬭᬷ᭞